語言發展早左一年, 引伸到其他問題

nicolekwok1214

我小朋友剛滿2歲半一向都覺得佢講野叻, 而且對身體事物好有好奇心
2歲左右開始成日問問題~ 每樣野都想知道點解。
點解船會浮, 點解有翅膀先識飛, 點解女人先可以生BB

伴隨而來, 佢對聲音、光暗都好敏感~
覺得有d影響到日常生活~



我去左健康院見醫生, 希望轉介評估.
發現佢語言、認知都超過同齡~
醫生覺得小朋友諗太多, 所以驚得特別多
轉介去CAC 見心理評估
依家重排緊評估~

我地暫時去左一間機構做感統訓練~

但導師話我..作為媽媽同佢講太多野~
小朋友太享受同我講野...成日分心唔夠專注

佢小手肌亦發展慢左3個月至半年
導師話佢個腦吸收哂, 但手部肌肉追唔上~
再咁落去...佢遲d唔會想寫字，因為小朋友性格好勝, 鐘意表現自己
寫字、畫畫、踢波都唔夠人叻, 佢就唔會去做




我老公形容得幾貼切.
佢話小朋友軟件已經好好, 但硬件未準備好
想問下大家小朋友有依個情況嗎？

Radiomama

nicolekwok1214 發表於 20-9-8 15:33
我小朋友剛滿2歲半一向都覺得佢講野叻, 而且對身體事物好有好奇心
2歲左右開始成日問問題~ 每樣野都想知道 ...

「但導師話我..作為媽媽同佢講太多野~
小朋友太享受同我講野...成日分心唔夠專注」
導師有冇建議？
咁你會唔會同佢講少D、做（活動、手工）多D？媽媽和孩子一起學習寧靜、專注、聆聽、思考，這樣又如何？

王家爸爸

Radiomama 發表於 20-9-11 07:19
「但導師話我..作為媽媽同佢講太多野~
小朋友太享受同我講野...成日分心唔夠專注」
導師有冇建議？

然後升小時，老師話，螞蟻經過、雀仔飛過，小朋友都想同佢傾偈。

nicolekwok1214

Radiomama 發表於 20-9-11 07:19
「但導師話我..作為媽媽同佢講太多野~
小朋友太享受同我講野...成日分心唔夠專注」
導師有冇建議？

近一星期佢練小手肌遊戲時, 我會動作示範代替講野

佢平時連飲奶都好分心... 掛住講野唔飲奶
最近提佢專心飲奶，飲完先傾~ 好似有進步~ 飲快左

nicolekwok1214

王家爸爸 發表於 20-9-11 09:54
然後升小時，老師話，螞蟻經過、雀仔飛過，小朋友都想同佢傾偈。

hahaha我細個成日上堂傾計俾老師投訴~
希望佢唔好遺傳我

王家爸爸

nicolekwok1214 發表於 20-9-14 14:54
hahaha我細個成日上堂傾計俾老師投訴~
希望佢唔好遺傳我

我細仔都一樣，仲多口過我。

planetearth

回覆 nicolekwok1214 的帖子

"佢小手肌亦發展慢左3個月至半年
導師話佢個腦吸收哂, 但手部肌肉追唔上~
再咁落去...佢遲d唔會想寫字，因為小朋友性格好勝, 鐘意表現自己
寫字、畫畫、踢波都唔夠人叻, 佢就唔會去做"

我仔都系個腦快過肌肉, 細個時寫字慢過人好多, 初小時字寫得慢比同學笑, 有D影響自信, 不過無辦法, 父母要認同佢叻的地方, 接受佢唔叻的地方. 我仔小學成積唔好, 好多方面影響, 寫字慢, 過度活躍, 唔專心, 表達唔到學校要求的. 但小學時有幾個班主任話佢系資優. 到左而家初中, 要表達的學習問題唔再著重於抄寫, 記野, 練習, 要多思考, 邏輯推理, 創意. 佢成積就開始三級跳.


真系要有D耐性,鼓勵佢優點, 比多D挑戰佢, 對於佢D缺點, embrace包容, 慢慢學, 每個小朋友的成長步伐都唔同. 到了初中, 對自己有自信才會自發學習, 對自己有要求有目標, 有時佢在某方面對自己要求太高, 我反而擔心佢面對失敗的痛苦. 反而要求佢要放鬆D.


每個孩子有自己不同的成長步伐, 千萬唔好同其他小朋友比較.

王家爸爸

俾啲泥膠佢捏下，訓練小肌肉。

cafeva

planetearth 發表於 20-9-17 17:07
回覆 nicolekwok1214 的帖子

"佢小手肌亦發展慢左3個月至半年

咁肌肉有無追返？寫字快嗎？

planetearth

cafeva 發表於 20-9-18 22:22
咁肌肉有無追返？寫字快嗎？

無追，唔使追，大约8歲，大部份小孩手部肌肉發展展成熟。兒子喜歡創作，8歲一口氣手寫了萬幾字的"故事書"。可見手肌肉很好

問题是初小比較著重寫字作為output的成積會蝕底。但寫字慢唔影響智力。如果老師及家長唔理解，會影響小孩子自信心。自信心是學習的動力。兒子現在中學大部份功課都用電腦寫報告。理解力，分析力等才重要。

寫字快也要有内容。寫字快靚正但詞不達意都無用。

所以唔使迫小朋友寫字要快靓正而令小孩感到太焦慮。

兒子小一時我的確做錯，見人地"叻"，也迫他做些他年纪未ready的tasks.我當時感受到他的焦慮。於是我就於下，覺得身心健康緊要。這並不是放棄學習。他多出的時間，學習適當的東西。到了中學，要很多的不同能力结合在一起，他的综合能力结果很理想，某些方面更頗優秀。

小曳人

我大仔1歲前後已開始玩手抓板之類，之後玩蒙特梭利教具，雖然咁~ 佢都好明顯個腦發展比講野同大小肌快，最明顯係佢跑得好肉酸，好明顯動作唔協調

我地除咗繼續做小肌訓練，亦有俾佢學游水 (約4歲起學)

長大咗，唔鍾意做運動，明顯長腦唔長肉，個腦advance 起碼3年，身體就落後約3年....

我又唔覺成日講大人野有乜問題，我有行早教，佢自己明白到世界嘅事，唔一定係我教嘅

celinechan117

小曳人 發表於 20-9-20 08:46
我大仔1歲前後已開始玩手抓板之類，之後玩蒙特梭利教具，雖然咁~ 佢都好明顯個腦發展比講野同大小肌快，最 ...

我想問吓你有冇特別同你小朋友做感統訓練之類？我囡都係咁，跑得肉酸，又唔中意運動，比較膽小敏感，我家人成日覺得佢有問題...

小曳人

celinechan117 發表於 21-8-9 10:08
我想問吓你有冇特別同你小朋友做感統訓練之類？我囡都係咁，跑得肉酸，又唔中意運動，比較膽小敏感，我家 ...

我地3歲前一直係跟sam sir playgroup，sam sir 係職業治療師，多年專注幼兒大小肌肉/感統發展

celinechan117

小曳人 發表於 21-8-9 10:11
我地3歲前一直係跟sam sir playgroup，sam sir 係職業治療師，多年專注幼兒大小肌肉/感統發展

...

ANChan59

planetearth 發表於 20-9-19 16:40
無追，唔使追，大约8歲，大部份小孩手部肌肉發展展成熟。兒子喜歡創作，8歲一口氣手寫了萬幾字的"故事書"。 ...

写字快靓正嘅人，罚抄除外，我冇乜见过冇内容冇内涵，如果冇内涵根本不会对自己书法有要求！

家父教我“字乃人的字冠”，几十年过去，我觉的是正确的。