育嬰園問題

patell_au

大家會唔會擺小朋友去育嬰園？
其實細囝已經排緊，因為大家都要返工照顧唔到，又唔想多個菲傭姐姐喺屋企唔慣，不過99有啲唔中意（覺得我地太狠心），但佢有心無力湊唔到

0030

我大女1歲幾的時候去讀，覺得幾好～

sarah_cy

回覆 patell_au 的帖子

我仔三個月大就入育嬰園，D長輩一開始係有d擔心，以為擺咗入去之後，喊會無人理，成日困係張床度、無人同佢地玩、會好慘等等，不過因為工作緣故，我本身對呢類服務有了解，知道對小朋友係好嘅，特別對於雙職父母，而又唔想長時間比長輩揍（驚佢地辛苦或者驚佢地縱壞小朋友）或者請工人姐姐嘅。
一歲前係主要照顧為主，但都有活動比小朋友，一歲後就會多d不同活動，訓練小朋友大小肌肉、自理能力、認知等等。我仔去嗰間會定期有成長checklist比家長，家長可以知道自己小朋友各方面的情況。到咗後來，長輩們甚至以前對育嬰園務唔太了解嘅朋友見過我仔之後，對育嬰園有改觀，對我呢個決定表示讚同。

patell_au

sarah_cy 發表於 20-8-27 17:48
回覆 patell_au 的帖子

我仔三個月大就入育嬰園，D長輩一開始係有d擔心，以為擺咗入去之後，喊會無人理， ...

聽你咁講即刻放心好多
你仔仔係邊間?

qqyanyan

非常認同樓上JM嘅講法。

我個仔就係一歲先排到入育嬰園（懷孕前已入紙申請），一開始屋企人好反對，都係覺得由佢喊冇人理佢咁，好可憐。後來我地決定俾佢入去讀，一開始見阿仔返學係咁喊我都好唔捨得，後來小朋友適應能力好強，好快融入到新生活。

我仔讀個間雖然細，但都好多活動俾佢地，老師都會打電話同我匯報小朋友嘅發展等等。後來屋企人都支持我地決定，佢地反而舒服左，而且小朋友仲學到野返黎。

我地成日都以為育嬰園好似舊式託兒所，其實依家好先進，老師們都好專業，又寫晒發展報告俾家長，所以我都好感謝我個間育嬰園。

patell_au

qqyanyan 發表於 20-8-28 11:31
非常認同樓上JM嘅講法。

我個仔就係一歲先排到入育嬰園（懷孕前已入紙申請），一開始屋企人好反對，都係覺 ...

無錯呀！！佢地真係講以前啲托兒所　你呢間要排咁耐？

zaba

我囡7個月已經入託. 自理好, 群性強. 育嬰園老師好有愛心, 會同佢哋講故事, 訓練大肌, 我嗰間嗰時仲有手語時間 (嬰兒手語對幼兒早期發展好). 嬰園有營養師睇餐單, 我覺得仲健康同多款式過喺屋企食.
不過唯一唔好係有啲BB容易病, 幸好我囡冇呢個情況.
我囡來緊升 K1 了, 回頭諗返都覺得值得

qqyanyan

回覆 patell_au 的帖子

係呀, 我等左一年先可以入讀

香蕉煎餅

疫情育嬰院有無停課呢？？

patell_au

香蕉煎餅 發表於 20-8-29 10:29
疫情育嬰院有無停課呢？？

我都想知

gladysteng

回覆 香蕉煎餅 的帖子

疫情期間育嬰園有照開，只不過八月開學初期分咗上下晝班，返嘅時間較短。我個女1歲，老師個日俾佢返2:30-4:30pm。四星期後所有小朋友轉晒返全日或上午兩小時，不過就冇乜俾小朋友互動，多數都係放床仔或地下老師陪佢玩。

rckk_news

我個女一歲入去讀，要有準備一開始會易病，但有好多小朋友一齊玩，老師照顧得好好！我地好開心做佐呢個決定～～

winnie_baby

我想報太子保護兒童會, 唔知呢間好唔好...

Siu-ga

專業，好有愛，支援充足。

Diversifyedu

我小朋友一歲時入託，照顧得非常好

twinbaba

我個仔十個月入太子保會育嬰園
讀足兩年
現在已k3
覺得呢間育嬰園好好
照顧全面
老師有愛心