關於英文小學

nanakochan

有冇用家可以分享一下大家小朋友在讀的英小實際情況，我嘅理解係英文小學除咗中文科以外全部科目都用英文授課，但實際情況係咪咁，係咪每位老師都會全英文教學？定係半中半英，教科書就係英文，上堂其實都好多內容要用中文解釋？其他學校活動例如早會或者有宣布的時候係咪都會用英文？

我細個讀中文小學，英文中學，我間中學真係全英上課，因為有啲同學係外籍人士，唔會聽得明中文，但先生來自天后男官英中，佢話佢當年上堂其實好多時都用中文授課，我當時都有啲驚訝原來英文學校都唔係間間全部用英文

mcl203

nanakochan 發表於 20-8-6 16:55
有冇用家可以分享一下大家小朋友在讀的英小實際情況，我嘅理解係英文小學除咗中文科以外全部科目都用英文授 ...

其實真係睇你問邊間英小，英小我理解可以分為真英小，或漸進式英小～～～

nanakochan

咁可以講下D例子，以你所知邊D係真英小邊D係漸進式？例如官津直私舉下例
上文我話天后男官英中都唔係真英中所以我覺得驚訝，我其實想知好多人心中的一線學校有幾多係真英小

1998Ruby1998

要睇邊間。有啲係全部英文，有啲係閒科中文，有啲常識/數學係中文，有啲係半中半英，有啲係高小開始轉曬英文，有啲甚至常識拆開兩三科讀，所以會有啲中有啲英。
btw，就算係傳統英中好 top 嗰啲，老師唔一定全程英文，會為求大家理解而講粵語，除非班上面有聽唔明中文嘅人。

nanakochan

係，我明，‘為求大家理解而講粵語’唔知係老師表達唔到定學生用英文講極都唔明

原來top嗰D都未必真英文學校，咁我之前ff太多

mcl203

nanakochan 發表於 20-8-6 17:45
咁可以講下D例子，以你所知邊D係真英小邊D係漸進式？例如官津直私舉下例
上文我話天后男官英中都唔係真英中 ...

呢啲問題係要好小心處理，始終～～～

只論初小階段，又只論中英數常，有英小係P1全英，有英小係GS中文，有英小係數學中文，最多答案係中小同英小無分別，和，小學中文難學過英文，所以～～～

cafeva

英小係全部英文教。成班同學仔一齊係英文倾謁。

wongszehang

cafeva 發表於 20-8-6 19:23
英小係全部英文教。成班同學仔一齊係英文倾謁。

請教您講緊係邊間英小
小朋友真係會用英文私下chatting
因細仔都籌備考英小

MrBeast

nanakochan 發表於 20-8-6 17:45
咁可以講下D例子，以你所知邊D係真英小邊D係漸進式？例如官津直私舉下例
上文我話天后男官英中都唔係真英中 ...

不如你講你心儀邊幾間和你expectation

nanakochan

其實我大仔九月已經小一，只不過想問一問，希望現實和期望不要落差太大，現在經版友分析，原來英小都有好多款式，原來中英合璧咁教都可以叫英小，咁我而家都唔知究竟邊啲學校先為之英小，唔知教育局有冇指明，係咪指住個鼻話自己係就得

如果真英小的話佢英文exposure 應該好夠，如果所謂漸進式嗰款可能功效成疑

tmko

nanakochan 發表於 20-8-6 16:55
有冇用家可以分享一下大家小朋友在讀的英小實際情況，我嘅理解係英文小學除咗中文科以外全部科目都用英文授 ...

我小朋友讀英小，除了中文和文化科外，其他科目都是全英教學。停課期間學校的教學短片除了上述提過的2科外，全英教學，亦confirm過小朋友佢平時上課都係全英文教學。平時上課和小朋友傾計要用英文，小息及午膳可用廣東話交談。

nanakochan

tmko 發表於 20-8-7 00:18
我小朋友讀英小，除了中文和文化科外，其他科目都是全英教學。停課期間學校的教學短片除了上述提過的2科外 ...

謝謝回覆，介唔介意講下你小朋友係咪在銅鑼灣女校就讀，如果係的話我同你講緊嘅真英小就都係同一間

tmko

nanakochan 發表於 20-8-7 00:39
謝謝回覆，介唔介意講下你小朋友係咪在銅鑼灣女校就讀，如果係的話我同你講緊嘅真英小就都係同一間
...

不是

cafeva

wongszehang 發表於 20-8-6 22:42
本帖最後由 wongszehang 於 20-8-6 23:40 編輯

請教您講緊係邊間英小

佢地平時聚會都係英文傾。當然中文傾都無問題。隨時轉。不過我比較熟果幾間都係女校

wongszehang

cafeva 發表於 20-8-7 00:49
佢地平時聚會都係英文傾。當然中文傾都無問題。隨時轉。不過我比較熟果幾間都係女校
...

多謝回覆(emoji)

minichong28

我小朋友都係讀緊傳統英小, 除左中文同Social Studies, 其他科包括Art & Craft, PE, Music都係用英文上堂, 但聽小朋友講, 有時未必個個老師英文都好叻, 所以有時對住比較百厭小朋友, 老師就會用廣東話鬧

gabejang

nanakochan 發表於 20-8-6 16:55
有冇用家可以分享一下大家小朋友在讀的英小實際情況，我嘅理解係英文小學除咗中文科以外全部科目都用英文授 ...

我自己係英文私小升英文津中，經驗係睇個別老師覺得用英文效能有幾高同埋校長睇得個MOI policy 有幾緊。讀英小時只有英文老師係全英授課，其他科都唔係完全英文上。
去到中學（band 1A) 都係睇科睇老師，
連英文老師有時都會輔以中文解釋例如grammar同 exam skills。
由細到大我都唔會同同學用英文傾偈，但口音係near native，靠嘅唔係學校所謂語境，係課後用幾多時間沈浸。當然學校用英文教，我咪再多啲vocab 囉，written 又再好啲。

我自己感覺加埋朋友睇法係，除非讀國際學校，否則英小中小分別不大。

mcl203

gabejang 發表於 20-8-7 12:16
我自己係英文私小升英文津中，經驗係睇個別老師覺得用英文效能有幾高同埋校長睇得個MOI policy 有幾緊。讀 ...

我只可以話，你以前間英小係咁，唔係間間英小如是。你可以參考一下某些英中，有自己小學部果啲，去了解下點解佢哋英強中弱～～～

nanakochan

gabejang 發表於 20-8-7 12:16
我自己係英文私小升英文津中，經驗係睇個別老師覺得用英文效能有幾高同埋校長睇得個MOI policy 有幾緊。讀 ...

謝謝你的分享，我觀乎自己和朋友的經歷，也有一樣感覺，就是除非國際學校的話，就英語學習單方面嚟睇，中英小分別似乎不大

mcl203

nanakochan 發表於 20-8-7 12:22
謝謝你的分享，我觀乎自己和朋友的經歷，也有一樣感覺，就是除非國際學校的話，就英語學習單方面嚟睇，中 ...

因為香港似乎唔少英小係漸進式，但真英小 和 中小，個人認為，仍然係有分別嘅～～～