有冇人重堅持讀pn ?

ashash123

有冇人重堅持讀pn ?,如真你讀邊間同點解這個時勢開學無期都要讀？

hungtai99

我會呀，影響到你嗎？

kisani

會照讀，唔想k1再in過又要拍一堆片

enna_tm

其實樓主開呢個post係想搵多d同路人去support自己嘅決定？
老實講，pn一直都係可讀可不讀，但當大部分名私收選擇收番自己pn班嘅學生，pn就變左俾錢買一個time option,  
所以講到最後其實就係睇個家長肯唔肯俾幾皮野去留k1 學位。。。

回答番你個問題，我會讀。。。同上面一樣，如果一心想讀名幼，今年睇黎1st in 都係拍片，重點係今年k1嘅競爭肯定比上年考pn更激烈。。。

potato38

入到名幼的人，多數會繼續交學費，一嚟要直升k, 二嚟好多名幼家長唔在乎一個月嗰幾千蚊。同埋咩叫讀唔讀呢，每日睇video 同zoom 算唔算讀呀？

LITLITPIG

我會,
唔係個個都想再拍片，加上要用zoom interview，都唔係個個小朋友都可以表現得好好，我小朋友上次就對住zoom係完全唔出聲
雖然n班唔係必然，但咪上一排睇下小朋友吸收到D咩，等佢可以用zoom見下老師，習慣下

ashash123

回覆 LITLITPIG 的帖子

這麼小上online , 完全害等於好

ashash123

回覆 enna_tm 的帖子

是，爭執緊讀唔讀因為如果讀就預咗白比學費然後自己做埋先生角色然後小朋友冇群體生活，每天對住部電腦做人

enna_tm

ashash123 發表於 20-8-5 18:11
回覆 enna_tm 的帖子

是，爭執緊讀唔讀因為如果讀就預咗白比學費然後自己做埋先生角色然後小朋友冇群體生 ...

以家疫情，小朋友點都無左群體生活架啦。。。如果呢個係你唯一要讀n嘅原因，咁肯定係唔讀啦

至於講到每日對住電腦，我comment 唔到其它人，以我仔黎講，就算佢唔係上zoom,  佢點都每日會接觸到電子野， 我自己就會減少其它電子用品時間，拉上補下，overall唔好用多就算。。。

我之前d playgroup都係陪太子上zoom,  我自己又覺得ok喎，你預左係老師教家長，家長落堂再教小朋友。但都可以當係家長/小朋友其中一種互動。。。我地試過做d好簡單嘅手作，落左堂之後，亞仔再坐定定玩左成個鐘。所以小朋友未必一定無興趣上zoom/坐唔定，it all depends on個內容。。。

都係個句，番唔番n其實好個人。俾得起，又想留位咪讀囉。。。

hungtai99

比得起咪當留位囉，可以online都唔上

有困難又覺得好蝕嘅咪放棄囉

問呢個問題果位用意何在?
自己唔想供會，又要全世界同意你陪你一齊唔讀呀？
好多人唔志在比錢留位，都係個人問題啫，
何必要理人點解要讀？

kisani

講真預左有機會疫情反復，隨時黎緊兩三年都會持續係咁落去，當然唔少人會選擇唔讀N等下年9月再讀K, 但都難保下年9月會一切回復正常。最多由私幼轉免費卷幼? 但卷幼普遍上distance learning 上嘅support冇咁足，課程設計亦冇咁flexible即時轉到配合黎緊嘅上課模式...所以家長或者要諗下如果疫情一直反復落去係咪三，四年都唔讀幼直接升小? 求其揀間就腳嘅卷幼為左佢免費? 讀卷幼表面上慳左學費但家長跟學術壓力都大，私幼至少老師support多d, 跟得足d

50267612

enna_tm 發表於 20-8-4 01:10
其實樓主開呢個post係想搵多d同路人去support自己嘅決定？
老實講，pn一直都係可讀可不讀，但當大部分名私 ...

點解K1競爭會更激烈？反而多咗人唔讀PN，必收少咗，位唔係多咗咩？

ashash123

回覆 hungtai99 的帖子

你個人都幾多怨氣架wor ! 完全離題，點解要搵人一齊唔讀，大家討論下看看大家睇法，你甘敏感可以選擇不留言，你第一個留言*話有冇影響....*已經選擇唔理你架啦費事生事，估唔到你又留言攻擊人

ashash123

enna_tm 發表於 20-8-4 01:10
其實樓主開呢個post係想搵多d同路人去support自己嘅決定？
老實講，pn一直都係可讀可不讀，但當大部分名私 ...

多謝你意見！我要看其他家長睇法大家share ideas.

ashash123

回覆 kisani 的帖子

同意，這個也是考慮因素，謝謝你

enna_tm

50267612 發表於 20-8-5 23:57
點解K1競爭會更激烈？反而多咗人唔讀PN，必收少咗，位唔係多咗咩？

因為社運+疫情，今年比往年有更多超大b會重讀k1. 龍幼/名幼肯定多人考左。
你所指pn少人讀左應該唔包名幼， 我最近寫嘅求位信大多都係無回音。如果名幼有位/有人退學，佢地應該都會繼續call waiting.  即係大部分收左嘅都無退，或搵到人即時fill up.

cutewendy700

我打算再睇多幾個月乜情況先，因為我女10月先夠2歲返N班。到時考到幼稚園而疫情仍然無得上實體課就可能考慮退學吧。

idy0722

ashash123 發表於 20-8-3 19:27
有冇人重堅持讀pn ?,如真你讀邊間同點解這個時勢開學無期都要讀？

如果名幼收左我都會選擇繼續比學費當留位，我明你出post意思大家互相比下意見

Leira

enna_tm 發表於 20-8-6 04:10
因為社運+疫情，今年比往年有更多超大b會重讀k1. 龍幼/名幼肯定多人考左。
你所指pn少人讀左應該唔包名幼 ...

係，七月尾都仲有媽媽收到call waiting。名幼退學率其實好低，而且即刻有後備補上個位。

lovelovebabe

如果名幼收咗，quit係好大嘅決定，但數落得少數名幼zoom教學質素係好，有好多唔憂冇學生，停課期間唔多提供教學。