開放討論：傳統中學升S2 , 轉IS (Y9)讀IB好，還是去英國好？

iloveorange

升中後 開始感覺到傳統curriculum的不足，上年開始plan去英國讀boarding school, 亦已向幾所學校交application. 但屋企附近的國際學校忽然有位可插班，假如(我知道application未必成功) 真的收了我小朋友，大家覺得如何？有何利弊呢？

gavroche915

iloveorange 發表於 20-7-31 10:18
升中後 開始感覺到傳統curriculum的不足，上年開始plan去英國讀boarding school, 亦已向幾所學校交applicat ...

到英國 boarding school 跟留在香港情況大不同呢...教育上...到英國跟到香港的國際學校分別不是那麼大....要比較的是樓主是否想小朋友出國。樓主既然選擇香港國際學校插班...相信對小朋友離開自己到英國去已有所保留...不是已經心中有決定?

behd

都year 9, 都適齡去外國讀書，如果打算第日去英國讀大學咪早啲去。早啲適應

peter1

先去HK IS 讀, 因為現在有位.再等到 有外國收再考慮轉與不轉,因為其實你已經不滿local. 無謂再繼續讀落去.

iloveorange

係，一定會離開local school, 只是今年去IS, 定下年9月去英國。不過去英國就下年先Y9, 會大了一年

iloveorange

gavroche915 發表於 20-7-31 12:30
到英國 boarding school 跟留在香港情況大不同呢...教育上...到英國跟到香港的國際學校分別不是那麼大.... ...

你說得對，的確係有保留。不過因為我地由local轉IB, 無理由到Y12 又再轉去英國讀Alevel, 所以選擇轉IB就會讀完整個課程才考慮到海外讀大學。這個決定有點急而且重大，所以有點擔心。

melobi12

iloveorange 發表於 20-7-31 14:16
你說得對，的確係有保留。不過因為我地由local轉IB, 無理由到Y12 又再轉去英國讀Alevel, 所以選擇轉IB就會 ...

俾我會揀香港IS先。我自己識唔少人初中出國，讀書自理社交各方面都做得好好，但當事人長大左講返其實當年係掛住屋企、覺得缺少左父母嘅愛。

或者可以襯呢個機會了解下IB，覺得適合咪讀埋上去，覺得唔適合先再轉A level都好似大有人在呀。

964000

除非女不想轉，否則轉了IS先，因為你巳發覺傳統的不足，個mindset已轉了，就早轉早享受，唔覺的話就唔轉都無所謂。
而且轉了IS在語言和文化上都更易適應出國留學。
如果小朋友鐘意IB就可以留香港多個選擇，如果適合A level Y9先走都得。
唔好處你小朋友要適應多次，初初插班可能又未有朋友，啱啱孰左又要走，所以真係問過佢想唔想先。

964000

melobi12 發表於 20-7-31 19:53
俾我會揀香港IS先。我自己識唔少人初中出國，讀書自理社交各方面都做得好好，但當事人長大左講返其實當年 ...

同意，其實小朋友出國適應了之後自己覺得冇問題，但失去了相處的日子就是失去，在佢最失意的時候你都不能比一個hug佢，慢慢佢就再不會需要你的安慰。
Y9都好D，有些Y7已送走就真係好細個，我揀IS其中一個原因都是沒要早出國的壓力，進可攻退可守。

Jane1983

太早送出去，唔係好事。即使佢讀書唔錯，無學壞，身處兩地，和父母的交流和親密度會差好遠。一方面可以睇係獨立咗，但另一方面，父母亦好易變成仔女嘢都唔同你講的提款機。

當然亦有好，但眼見唔親厚的多。

Osiana

iloveorange 發表於 20-7-31 14:16
你說得對，的確係有保留。不過因為我地由local轉IB, 無理由到Y12 又再轉去英國讀Alevel, 所以選擇轉IB就會 ...

如果今年唔去英國，最遲都下年。不過，依家疫情反覆，英國都唔知可唔可是順利開學。

其實，最好同小朋友傾下，睇下佢自己心理準備好未，有無擔心，有無信心可以克服困難，有些小朋友會好鐘意寄宿生活，分開咗反而更加覺得父母好。


14歲都唔算細，特別係男仔，如果擔心，可以第一年俾佢多D返香港或者多D 探佢。9月出國，10月中term break 考慮返唔返都得，12月就可以放假返香港，1月返學，4月又放EASTER，6月底又放暑假。其實最長都係9－12月。

Jenjanjan

今年去英國仲嚟得切安排嗎？如果係我，既然已決定送英國留學，會早送去。留香港只讀一兩年IS 也沒什麼意思。主要是最好在GCSE 開始前一年去適應先，Y10 便可專心GCSE，多D時間追英文程度。

我反而覺得男仔要早D獨立，送佢出去讀書佢會更加珍惜同掛住屋企(emoji)

iloveorange

唔係今年呀，本來安排緊2021 y9. 無錯 係唔會讀兩年然後又過去轉番ALevel，所以而家的決定的，是下年Y9去英國，還是今年轉IS讀到考完IBDP. 我的是女兒。爸爸心態，我老公成日話 如果係仔 真係可以唔洗諗咁多

964000

iloveorange 發表於 20-8-3 11:48
唔係今年呀，本來安排緊2021 y9. 無錯 係唔會讀兩年然後又過去轉番ALevel，所以而家的決定的，是下年Y9去英 ...

你女兒未讀過IB不知喜不喜歡，這個比較難決定。
因為是IB vs A level 的問題不只是出不出國咁簡單。
不過如過佢文理比較平均又不抗拒寫野的應該IB也適合及對整個人發展更好，但我知有些數理資優的學生係會preferA level因為可以㨂自己有把握和興趣的全理科。

iloveorange

964000 發表於 20-8-3 11:56
你女兒未讀過IB不知喜不喜歡，這個比較難決定。
因為是IB vs A level 的問題不只是出不出國咁簡單。
不過 ...

你說出重點，是轉學制和學習方式的決定。暫時佢在LS,科目成績好平均，數學科略強，上學期見家長時 班主任問爸爸 , 用什麼辦法令女兒喜歡數學之餘同時對中史呢類科目也handle得好。我認為女兒唔係有特別過人之處，只是對學習比較認真同上心，這點是佢優勝之處 但同時亦變了 開始把自己關在textbook的知識範圍裡。

964000

iloveorange 發表於 20-8-3 12:08
你說出重點，是轉學制和學習方式的決定。暫時佢在LS,科目成績好平均，數學科略強，上學期見家長時 班主任 ...

老實說如果你想突破這個學習模式，IB可能更比到你，A level都係好似我地以前的鋤書做卷，比IB每科再深入和專D。
如果讀IB, 相信香港IS都辦得很好及多選擇，英國也有IB學校但不及A level多。
不過你不如問下你女想不想走，我稔佢兩樣都適合讀。

poonseelai

iloveorange 發表於 20-8-3 12:08
你說出重點，是轉學制和學習方式的決定。暫時佢在LS,科目成績好平均，數學科略強，上學期見家長時 班主任 ...

關在textbook 知識範圍意思係？ ib有些範圍並不在textbook

iloveorange

poonseelai 發表於 20-8-3 13:05
關在textbook 知識範圍意思係？ ib有些範圍並不在textbook

即是執著於背到幾多記到幾多，重點放了在讀晒未，而不在思考過程。

Jenjanjan

iloveorange 發表於 20-8-3 11:48
唔係今年呀，本來安排緊2021 y9. 無錯 係唔會讀兩年然後又過去轉番ALevel，所以而家的決定的，是下年Y9去英 ...

女仔嘅話係真係無咁捨得。另外我覺得如果已在本地學校讀到中二，去英國無論考GCSE 和將來A level 絕對唔輸蝕，容易攞到靚分入好大學。其實都可以直接問吓你女兒意願。