以前嘅留學生

KIMLIFEINUK

大家好!

我喺呢度留言版度睇到好多家長好叻! 對仔女讀大學嘅所有嘅詳細情況都知得好清楚。又識申請,安排接送。對仔女上乜堂嘅時間表都好清晰。條路點樣走先係最好嘅。所有家長都知道。

我突然有感而發。我好耐之前去英國讀大學嘅。當年我阿爸淨係同我講。你去啦。申請讀乜嘢科。點樣申請。考乜嘢試。填乜嘢表。點樣攞 offer，申請住hall 等等。都係我自己一個人搞。我自己決定, 問佢哋都唔知點樣.

當年唔興上網。資料都無得你搵。又冇人問到。乜嘢都唔識。當年可以去英國文化協會問嘅。但係又要預早約時間。同埋好多嘢佢都係叫你自己睇返文件。所以問嚟都冇乜意思。我而家都唔記得我當年自己點樣搞掂。我淨係覺得我傻下傻下。

我突然之間覺得而家時代唔同咗。有仔女出國留學嘅家長。而家都好專業。乜嘢都識。資料齊全。決定快而
準。我覺得而家做家長嘅真係要好叻先得。

Yanamami

我係文盲, 都係个女自己－手搞掂，我只識出錢，然後咩都唔知，所以無得係度分享

Edward1997

KIMLIFEINUK 發表於 20-7-31 09:12
大家好!

我喺呢度留言版度睇到好多家長好叻! 對仔女讀大學嘅所有嘅詳細情況都知得好清楚。又識申請,安排接 ...

我係完全唔識，個仔要申請什麼証件，考什麼試，申請什麼宿舍，我完全不知，佢自己攪掂曬.....

之前boarding school, 我仔要轉機嘅，佢返嚟遇上大風雪，飛機要延期，要同航空公司bargain酒店住一晚，再自己bargain返航班，如果佢哋唔識肉緊啲bargain就會遲d先返倒嚟，呢啲根本幫唔到.....佢地自自然然會識....

某程度上，呢啲都係比佢哋自己學獨立，所以，就算佢話要quit 邊科，揀什麼科，我完全比佢自己揸主意，不過，我係知佢都會揀專科同埋周圍收消息……所以都放心比佢自己揀.....

KIMLIFEINUK

謝謝分享，咁就放心晒，第日阿女大，我都唔希望自己要跟咁多野，可能將來無咁既精神去理，原來今時今日仲得！真開心

etoile

我只係搞sixth form ，上大學就佢自己主導，我主要係亞四。

Yanamami

KIMLIFEINUK 發表於 20-7-31 11:37
謝謝分享，咁就放心晒，第日阿女大，我都唔希望自己要跟咁多野，可能將來無咁既精神去理，原來今時今日仲得 ...

唔好話升大，細女剛出国讀Yr10, 因疫情关係－个人係果边，電腦坏左、同学校爭取轉科、去銀行搞收極都收唔到既debit card、選Yr11科加報多科外語……全部自己搞掂，只係同我滙報進展……我話遠水救唔到近火，我英文又差，要自求多福了~

cfs

我比較八掛，所以由計劃去英國讀高中開始就逐間學校八，突然有日佢話想去讀初中喎，好在一早心中有數⋯⋯

longlokma

Yanamami 發表於 20-7-31 12:07
唔好話升大，細女剛出国讀Yr10, 因疫情关係－个人係果边，電腦坏左、同学校爭取轉科、去銀行搞收極都收唔到 ...

學校科目嘅嘢你係幫唔到佢㗎喎， 冇理由佢自己喺學校自己唔搞啦

Yanamami

longlokma 發表於 20-7-31 12:35
學校科目嘅嘢你係幫唔到佢㗎喎， 冇理由佢自己喺學校自己唔搞啦

我指俾意見初中版/備战大学版唔係好多揀科帖嗎？大学揀乜科仲有帖问紧㗎~

longlokma

Yanamami 發表於 20-7-31 12:54
我指俾意見初中版/備战大学版唔係好多揀科帖嗎？大学揀乜科仲有帖问紧㗎~ ...

問大學專業科目前景果啲可以理解嘅，的確係在行人士清楚啲。
但中三升中四问揀讀乜就有啲無謂

Yanamami

longlokma 發表於 20-7-31 13:47
問大學專業科目前景果啲可以理解嘅，的確係在行人士清楚啲。
但中三升中四问揀讀乜就有啲無謂
...

千祈唔好咁講，初中版多的是呢……

longlokma

Yanamami 發表於 20-7-31 14:01
千祈唔好咁講，初中版多的是呢……

煩揀科即係佢哋應該未嚟呢度住……偷偷講兩句先

大笨鐘

年代唔同嘛！當年我爸爸邊有理過我讀咩呀！比咗錢交學費就算㗎喇！揀中學、選科... 都係我隨手指，傻吓傻吓就入咗呢行。我都唔記得以前我係點申請證件、study visa...

KIMLIFEINUK

我當年仲搞笑。 我完全唔知道要申請 student visa. 因為未出過國。但係當年又好簡單喎。入境嗰陣時佢見到大學封信。就即埸chop左個student visa 畀我.  佢又冇話畀我知。我自己又唔知 又冇睇. 果陣D野好鬼簡單！

後來我仲要傻到, 係聽人講先知道有樣嘢叫student visa，因為之前冇人話我知喎。但係唔知道唔使搞都可以入到喎。

angelleungyp

初初他們來英國升中，我都四圍去問，上BK 問下其他家長。
不過之後囝仔來到英國就任何事情都是他自己處理，包括自己book 歐洲 hotel/火車票去玩，去報考大學，都是他一手一腳自己搞掂。

KIMLIFEINUK

angelleungyp 發表於 20-8-1 18:10
初初他們來英國升中，我都四圍去問，上BK 問下其他家長。
不過之後囝仔來到英國就任何事情都是他自己處理， ...

好叻仔!


可惜當年我冇錢去歐洲，我記得啲同學當年問我畢業後一唔一齊去歐洲。我都唔好意思講俾佢聽冇錢去。而家真係年代唔同，令我好懷緬以前的小幸福。


天真嘅當年! 嗌個披薩外賣都覺得好幸福, 好開心。

Yanamami

KIMLIFEINUK 發表於 20-8-1 18:58
好叻仔!

係呀~偷偷地係房用个電飯煲打邊爐(淥下麵同魚蛋生菜腸仔禁……)已好興奮。

KIMLIFEINUK

Yanamami 發表於 20-8-1 20:07
係呀~偷偷地係房用个電飯煲打邊爐(淥下麵同魚蛋生菜腸仔禁……)已好興奮。 ...

嘩你講真啊!?!


我以前真係咁做喎。

係啊！真係好開心啊！

偷偷咁笑!!