中學很多科目都變了英文，會很難適應嗎？

susuwai

Happyshiba 發表於 20-8-2 23:13
我都想知喔
你小朋友讀幾年班？

嚟緊九月升中一

JJDBB

YmOra 發表於 20-8-2 22:27
我校級頭嗰個係男孩子，佢好鍾意古文。

那麼他修理科或是文科?

洋蔥頭媽咪

Happyshiba 發表於 20-8-2 23:33
我小朋友5年級

英文唔難，樓主小朋友五年級仲有時間，可以慢慢培養小朋友英文閱讀能力。我仔初小時都係以中文為主，高小起逐少逐少把家中圖書轉成英文，增加語景，培養其英語能力，升中後小兒已經喜歡英文多過中文，英語能力亦越來越進步。

查實要擔心嘅返而是中文，若貴子弟日後入英中，學校亦會有好多英語環境，所以學好英文唔難但要學好中文係好困難。唔少家長以為中文是母語一定冇大問題，小學中文成績唔差就輕視，但其實中學中文有一定難度，加上有文言文，所以千萬别輕視中文。

洋蔥頭媽咪

Happyshiba 發表於 20-8-3 00:14
喔，唔該晒
我個女多數都係睇中文書咋，英文書佢唔係咁鐘意...

慢慢黎，從興趣入手，由小字嘅圖書開始睇，唔駛下下睇文學作品嘅， 否則一定悶到掉頭走啦  ， 故事、漫畫都冇所謂，最重要能引起小朋友興趣就得。

YmOra

JJDBB 發表於 20-8-2 23:36
那麼他修理科或是文科?

其中一個"古文人"修讀""文理商""，可惜我校沒有中國文學，不然，相信他們係會修讀埋。

YmOra

susuwai 發表於 20-8-2 15:36
見噤多位前輩都話中文深，真係好驚!
想問問大家除咗閱讀有質素嘅圖書外，還有甚麼辦法提升小朋友的文學知識 ...

個人認為，睇書係最有效的方法，每日都睇，不經不覺中文的功力就成長不少，尤其响"高中"就更覺得心應手，阿女有些同學仔去到高中發覺中文唔夠用就已經有少少遲了，唯有外出進補，今年係特別的一年，响高中階段已經浪費咗１年無得出去進補彌補中文過去所失嘅！佢哋ｅ＋係有ＤＤ驚緊，希望疫情快Ｄ走，嚟緊中五可以快快進補救救中文科，個人認為中文越早投入學習越好，有ＤＤ似數學的"已有知識"咁需要累積功力，睇書係不二之選，要理解文字意思、閱讀理解和範文等等想有好表現，睇書是最好選擇。至於素養，個人認為好睇孩子本身的個性，應該無得教，阿女一向屬內向型，一睇書，有蚊飛過都會聽到拍翼聲，連我打字都不能太大聲，鐵鑊鏟也要轉用矽膠鑊鏟，有時我覺得屋企似個"圖書館"多Ｄ，如果這種就是素養，那麼我認為"素養"係自自然然就有無得可以學，素養係一個結果，睇書係一個因由。你的孩子剛剛中一，如果以往有睇開中文書習慣，ｅ＋才中一有大把時間可以進升，好好分配時間，中文能力要有進步相信唔難。努力呀！

YmOra

Happyshiba 發表於 20-7-31 17:28
唉。。。中學原來中文比英文更難，真係估唔到

中文科係死亡之卷嘛！

YmOra

Happyshiba 發表於 20-7-31 17:37
但係依家好多學校通識都係用英文教

"通識"用中文作答仍然係佔大多數，有接近８５％學生用中文作答，個人認為多數英中都仍然用中文學習通識。

通識科：４６８８０總人數
中答：：３９４２６人佔考生總人數８４.１％
英答：：　７４５４人佔考生總人數１５.９％

參考資料：
http://www.hkeaa.edu.hk/DocLibra ... stat19_2.pdf#page=8

susuwai

YmOra 發表於 20-8-3 07:29
個人認為，睇書係最有效的方法，每日都睇，不經不覺中文的功力就成長不少，尤其响"高中"就更覺得心應手， ...

多謝你詳細嘅分享。
由今天開始，都要培養閱讀中文書的習慣。
現在暑假還好，時間充足，睇書冇問題，不過現在圖書館唔開，要買返嚟都係一個問題，星期六才特意到書店入咗好多中國書俾佢睇。
你講得冇錯，高中啲同學好慘，受疫情影響，已經缺少咗好多學習機會。希望疫情快啲受控，等所有學生可以快啲重新返回學習的軌道。

YmOra

susuwai 發表於 20-8-3 08:36
多謝你詳細嘅分享。
由今天開始，都要培養閱讀中文書的習慣。
現在暑假還好，時間充足，睇書冇問 ...

請問你的孩子以往係睇開中文書定英文書呀？

YmOra

susuwai 發表於 20-8-3 08:36
多謝你詳細嘅分享。
由今天開始，都要培養閱讀中文書的習慣。
現在暑假還好，時間充足，睇書冇問 ...

好吖！無辦法，就算大出血都要响書店買書給孩子睇，學習嘅"黃金期"唔等人。仲有，襯未係開學未咁忙好好睇多ＤＤ書，之後忙到死。

susuwai

YmOra 發表於 20-8-3 08:48
請問你的孩子以往係睇開中文書定英文書呀？

英文書。
不過由六年級開始，刻意根據他的興趣、喜愛嘅作家......開始感染他閱讀中文書，有時遇到好嘅作品，佢可以一口氣睇晒一本書。今年冇咗書展，要再發掘一下佢嘅興趣。

susuwai

YmOra 發表於 20-8-3 08:51
好吖！無辦法，就算大出血都要响書店買書給孩子睇，學習嘅"黃金期"唔等人。仲有，襯未係開學未咁忙 ...

我感受到學校重視閱讀，所以收到佢嘅暑期功課，已不敢怠慢，係噤買書。
希望圖書館快啲開返，好快破產之餘(emoji)，家中亦冇空間存放圖書了。

YmOra

susuwai 發表於 20-8-3 08:54
英文書。
不過由六年級開始，刻意根據他的興趣、喜愛嘅作家......開始感染他閱讀中文書，有時遇到好嘅作品 ...

有睇開英文書就好了，因為睇書其中一邊做得好，係對另一邊有著指引性，你可以以孩子發展英文書大方向套過來用响中文睇書習慣的指引，再加上多ＤＤ响ＥＫ爬下舊帖子取經，相信要走一條"中文書"閱讀路，應該有頭緒的呢！另外，你以興趣和喜愛的作者入手是好的，請教老師也是好方法，尤其中文科老師，老師好喜歡學生好學。努力呀！

YmOra

susuwai 發表於 20-8-3 08:54
英文書。
不過由六年級開始，刻意根據他的興趣、喜愛嘅作家......開始感染他閱讀中文書，有時遇到好嘅作品 ...

你指嘅一口氣睇晒成本書係指"中文圖書"嗎？