其實IB 狀元榜對選擇學校真的那麼重要嗎?

gavroche915

每年都見家長們對IB狀元榜非常緊張，能夠成為狀元既學生背後必定有好多因素配合。不論是與生俱來又好，後天努力也好，必定是家長的支持，老師的關懷，啓發性的學習環境結合起來的成果。能夠入選為家長心目中的心儀學校名單相信都配備基本培育好學生既條件...真的會因為讀 KGV, SC, CKY, DG 而影響大到可以改變到一位學生由不能成為狀元而成為狀元嗎? 難道今年 KGV 多 2 個狀元就將子女送過去...下年 SC 又多番就轉番 SC?
如果純從概率推算，最重要的一項資訊理應是看最大部分人都能拿取的成績的類別，即拿40 分以下的人數，而不是最少撮人拿取的40 分以上及滿分狀元? 有些學校應考 IB 人數基數極少，即使有極高比例學生有 40分以上，或極高比例40分以下，資料參考性理應不大?

這個IB 狀元榜跟 university admissions list 都有奇怪現象，大家都只專注看一少撮人即最少機會發生的情況的資料 (狀元數目，oxbridge, ivy league 取錄學生數目) 而忽略最大機會發生的情況的資料 (IB 40 分以下，能入讀非名牌大學收生人數等等)。

poonseelai

gavroche915 發表於 20-7-29 18:19
每年都見家長們對IB狀元榜非常緊張，能夠成為狀元既學生背後必定有好多因素配合。不論是與生俱來又好，後天 ...

狀元一詞是近年傳媒用的形容詞，熟悉ib制席的家長們見到這些真的睇過就算，難道選本地學制也要跟dse狀元走？

gavroche915

poonseelai 發表於 20-7-29 18:43
狀元一詞是近年傳媒用的形容詞，熟悉ib制席的家長們見到這些真的睇過就算，難道選本地學制也要跟dse狀元走 ...

但見家長們都好熱烈討論邊間 perfect scorer 最多...還為學校推敲原因為何今年少了或多了狀元。相信不是選一間最多狀元的學校就能夠成為狀元吧。反而能符合入讀大學入學成績基本要求的學生人數應該才是最重要吧? 但家長們選擇的心儀學校清單都已經有足夠入讀大學 track record, 只比較最少撮人能拿取的成績有意思嗎? 這堆學校之中真的能改變一位學生由不可能成為狀元變為狀元?

poonseelai

gavroche915 發表於 20-7-29 18:59
但見家長們都好熱烈討論邊間 perfect scorer 最多...還為學校推敲原因為何今年少了或多了狀元。相信不是選 ...

我又無留意有推敲多咗或少咗的討論，都係嗰句， i b 兩個語文和數學科有分程度和HL/SL, 即使兩個考生同一總分，亦未必反映到每個學生水平/強弱項

Moonlight819

其實什麼狀元真的看過便算，有些學校如DBS和Sppc，只是少部分精英去考，高分是必然的，其實最實在是看學校是否全部人也考IB,看所有同學的平均分，而不是一少撮人的分數，當然最後大部人入到什麼大學才最重要的吧！

RKG

不論是LS /IS, 都不能只看最Top有幾多個，而應整間學校整體去睇。曾經聽過教書的朋友講過，其任教學校曾經在某年出產了幾位狀元/榜眼，一下子熱上加熱，很多人報名，但其實下面考得差嗰啲都唔少，佢唔建議我報。(不會開名，不用PM我)

Radiomama

gavroche915 發表於 20-7-29 18:19
每年都見家長們對IB狀元榜非常緊張，能夠成為狀元既學生背後必定有好多因素配合。不論是與生俱來又好，後天 ...

我猜你是因為升中那邊的帖而有感而發；其實好多家長選擇學校都無乜頭緒，呢種資料和數據容易帶來一種有慿據的感覺。

964000

gavroche915 發表於 20-7-29 18:59
但見家長們都好熱烈討論邊間 perfect scorer 最多...還為學校推敲原因為何今年少了或多了狀元。相信不是選 ...

我估推敲多左定少左狀元不是重點，係因為今年的評分似乎有點不公，令到有D學生就係因為少了那一兩分而miss target, 拿不到conditioned offer，仲要係平時成績最top的一批，D人並不是做不到狀元嘈，外國巳有人sue緊IB局。

bluestar3000

回覆 RKG 的帖子

如果家長有搜集足資料嘅話，都會估到係邊間學校喇，呢間學校年年都唔會公佈有幾多人考ib， 寫啲唔寫啲咁，我都奇怪點解有啲家長淨係睇間學校有幾多個狀元，而唔係睇整體學生嘅成績， 如果間學校總共有190人去考公開試，但得幾個人係狀元、榜眼或者探花， 及只有少部人達到入大學要求，大家會唔會又另一番睇法呢？

Osiana

gavroche915 發表於 20-7-29 18:19
每年都見家長們對IB狀元榜非常緊張，能夠成為狀元既學生背後必定有好多因素配合。不論是與生俱來又好，後天 ...

其實唔可以只睇狀元，仲要睇整體平均分，最低分等成績。

要睇下自己小朋友資質，如果係掂，都一定會得。因為香港iB 學校水平唔差，入到邊間都唔係好大問題。

chickchick

gavroche915 發表於 20-7-29 18:19
每年都見家長們對IB狀元榜非常緊張，能夠成為狀元既學生背後必定有好多因素配合。不論是與生俱來又好，後天 ...

我相信大家討論狀元出身, 平均分高低, 雙語文憑多少.... 甚至乎student mix和 university placement, 只是這些指標是客觀而又可量化, 易於討論, 才給人們感覺家長只重視這些條件, 以追逐這些條件去選校和追捧/質疑某些學校而已.

我諗各位家長想討論下, 看看有可啟示而自己又錯過咗, 大家交流下. 因為每個人對每一項數據也可引申出不同的結論. 當然老土D講, 又或者豪氣D講： 狀元多少、有何大學offer也無關痛癢, 自己孩子考得好考得上才夠有用實際喇！我相信絕大部分這處的IS家長（中學生）唔會咁老土嘅！

例如狀元多少：
學校有好嘢留得住勁學生？ 學校有好support吸引到勁學生？ 朋輩多勁人而發揮“三人行必有我師”呢種互勵互勉之效？很多很多東西可以窺看一下的, 而非看表面. 成績好固然關乎自身資質和努力, 但客觀條件好, 可能令小孩更上一層樓.

例如名牌大學offer（多收all-rounder):
alumni network有無support到校內升學小組攪下summer intern/seminar? 名牌大學收potential all-round students, 多些offer是否看出學校多呢類唔係淨識補習讀書的人？ 是否學校curriculum balance而培養到全人發展？

例如雙語文憑：
中/英語境夠support嗎？ 係咪因student mix 而左右bilingual數目？

例如平均分：
學校選科指導是因材而擇,定還是霸道而平均分高？學生一般質素高低/學習氣氛, 有否“近朱者赤,近墨者黑”呢？是各科老師授課評分夠經驗嗎？是拔尖拉高average,還是補底力保不失呢？

最後一環,以快樂學習為重心！就是看自己孩子是什麼性格,喜好和料子, 代入各項客觀條件, 看看如何：避開、適應、利用、極大化.

共勉

gavroche915

964000 發表於 20-7-29 22:03
我估推敲多左定少左狀元不是重點，係因為今年的評分似乎有點不公，令到有D學生就係因為少了那一兩分而miss ...

到了子女升讀大學階段...父母不是應該放手讓子女去自行摸索嗎...結果是如意又好...不公也好...幸運也好...都是人生必經階段...父母也擔心不了那麼多吧....人生不順意的事多不勝數呢...每年都有不少學生年年考第一...但到公開試因為種種原因拿不下狀元之衙...可能非常氣結...但到將來出來社會工作回頭一望...真的一笑置之...不解為何當年這麼執著...
我們作為父母的...到了子女將近成年...只能背後默默支持的了... 跟子女一起氣結種種不公 (有些情況可能只是家長自己氣結...子女反而能看開) 也不是正面的應對態度呢。子女能得到名牌大學 conditional offer ...已很了不起...將來在那裡讀大學或工作根本不會影響其成就。 Mark Zuckerberg 也沒有完成 Harvard 的課程...什或如當年他從來沒有進過 Harvard ... 肯定也不會影響他今天的成就呢。

gavroche915

Radiomama 發表於 20-7-29 20:05
我猜你是因為升中那邊的帖而有感而發；其實好多家長選擇學校都無乜頭緒，呢種資料和數據容易帶來一種有慿 ...

可是往往這些所謂客觀的數據...都誤導了不少家長...SC KGV 為何每年這麼多家長追捧正正是這原因。

chickchick

gavroche915 發表於 20-7-31 12:25
可是往往這些所謂客觀的數據...都誤導了不少家長...SC KGV 為何每年這麼多家長追捧正正是這原因。 ...

你講得啱, 正因為知多咗, 聰明而不盲捧的家長會提點子女, “你想做一個怎樣的人就選擇和什麼類形的同學相近, 以何人何事做榜樣或目標；引導子女如何在發揮長處或爭取機會改善....”

舉個例： maths HL  少人take喎！你想take HL maths又想考得好就要加把勁打好基本功, 學校低form的排名未必反映真實嘅實力㗎！（出去公開試和一眾人較勁）. 呢D factual evidence才是似樣少少的鼓勵和游說孩子去意識温習的需要, 唔係一味叫讀啦...讀多少少啦...唔夠㗎！人地邊個xxx.....

孩子知多咗, 分析完才選擇不是更好嗎？ 你所指客觀數據誤導不少家長, 我反而想諗, 可能有不少家長自己理解不足而不能善用客觀的數據. 這些沒有對和錯之談, 亦和氣至上的好.

唔係個個也是愛比較的大眾, IS其實有很多客觀的家長和學生的,他們是大眾.
更加唔一定唔好就轉校咁傻嘅, 由細到大IS的好少轉校㗎其實！頂多海外升學嘅多. 相信唔會一面倒轉校=追捧咁誇張

樓主你的看法是值得各人參考和思考的, 呢刻看多一面又清醒理智一些

chickchick

gavroche915 發表於 20-7-31 12:20
到了子女升讀大學階段...父母不是應該放手讓子女去自行摸索嗎...結果是如意又好...不公也好...幸運也好... ...

呢個係家長管教和取態問題, 進而影響埋子女的心態, 唔關任何學校/學制/考試分數的事了.

deco99

gavroche915 發表於 20-7-31 12:25
可是往往這些所謂客觀的數據...都誤導了不少家長...SC KGV 為何每年這麼多家長追捧正正是這原因。 ...

前幾日ek有家長complain SC補習風氣重，學校似LS，但IB成績好。有哋家長真係好矛盾，讀咗IS仲係LS作風，成日都係睇分數。

Saboc

回覆 deco99 的帖子

係,多咗我哋呢批華人家長,根本成件事好怪獸

Saboc

最主要係喺一啲唔健康嘅風氣裏面，幾多家長係能夠一路批評而 堅持唔受人影響呢

poonseelai

Saboc 發表於 20-8-3 19:34
回覆 deco99 的帖子

係,多咗我哋呢批華人家長,根本成件事好怪獸

十多年前我一對英國鄰居已經比D華人家長嚇親，孩子讀GSIS小學, 家長通告話比D紙張孩子帶回校做燈籠，慶祝中秋節，媽咪帶孩子回校比D華人家長問在家跟孩子練習了幾多次整燈籠，唔整多幾次怎取高分