你們的私人英文老師是怎樣教初小English writing

964000

Yfyh 發表於 20-7-31 08:31
回覆 964000 的帖子

只懂續隻字黎打。佢視像上堂揸鉛筆寫架。不需打出來。點解咁問既？ ...

即係佢用鉛筆在紙上寫完，再在screen上show給老師看？
咁佢寫野時老師又看不到冇乜交流，又很難直接批改，隔住個mon口講邊處要改有時都跟唔到，小朋友可能覺得非常沉悶。
可能大個D先適合上網堂學writing, 起碼可以直接打篇文出來老師又直接改。

bugmum

有冇睇過writing sample書？SAP 等等星加坡出版社有幾本幾好。先學左抄右抄，慢慢融會貫通。
我小朋友有上zoom writing, 老師會改佢既句子，比堆verb 叫佢改成過去式，叫佢留意句子中做錯既地方，同埋考佢同意詞

bugmum

我地係先交功課，課堂上rewrite sentence

1998Ruby1998

回覆 Yfyh 的帖子

初小除非已經識自己寫作，的確係上堂鉛筆寫、即堂批改好。
有啲小朋友作文基礎比較低，學校冇/非常少正式作文，咁通常就 vocab 造句，或者圖畫引導，望住個圖，畀幾個生詞佢作幾句。呢個幼稚園都可以做到，佢口講到一句，就一定寫到，唔識串就即刻問老師。e.g Teacher: Can you use the word "sun" to make a sentence about this picture? Child: I can see a sun in the sky.

有啲係小朋友有作文意識，但句子結構唔得，或者經常詞窮/唔知可以再寫乜好，呢啲上堂主要係畀 ideas 佢，小朋友需要每一句一路寫一路講，最後寫完要朗讀多一次（呢一次係畀機會佢自己去睇自己有冇寫錯野，老師做把關）

有啲小朋友已經識作文，學校已經試過幾次，咁通常就係畀大題目/四格圖，提供啲靚靚生詞鼓勵佢用，份作文就係功課，自己寫完就 send 畀老師。

當然點都唔及面對面，起碼睇到小朋友寫乜，冇得偷懶、串錯。

睇落好似「識講就識得寫」，但唔係咁直接，有啲識講好多但一落場就唔識寫，因為唔知從何組織，識講故仔但因為「唔真實」，寫唔出。如果唔請老師嘅話，可以鼓勵仔女寫日記/週記，加少少難度例如：每個句子唔可以少過 5 隻字，要寫多過 5 句。日記/週記係真實生活，會容易啲寫。

Yfyh

回覆 1998Ruby1998 的帖子

多謝你嘅意見！我小朋友現在嘅情況就係有作文意識，但需要老師比啲idea佢，然後再修改。但當老師比idea嘅時候就好容易演變成讀默了。小朋友跟著一字一句來抄，然後再從中學幾個新生字。但基於趕著聽及抄，結果writing就學不到了。而且抄完錯漏都非常多呢。原因係只顧着趕，根本沒有思考並過濾。我想都是面對面教來得比較好吧！

有見及此，我已經買咗本日記俾佢。中英都好，希望佢盡量寫下野，就算寫得唔啱肯動動腦筋都好吖。

bugmum

小朋友在構思故事上感困難，你可以試下教佢用5W2H 同mind map 畫故事框架

SummerTrees

In order to write well, reading a lot is kind of necessary but not sufficient, just like a function returns no result if logic and parameters/arguments are not given in mathematics.

little_yolky

ar_mak 發表於 20-7-29 21:34
如果英文係一舊舊磚咁砌出現黎，咁數學就會係一條塞左既屎渠，只要比Ｄ哥士的通下佢，就會一理通，百理明！ ...

你講得低俗但好貼切！阿大學緊角度，真係得幾個原則，我真係唔知點解佢會唔識！所以，應該就係塞咗。

little_yolky

Yfyh 發表於 20-8-1 01:19
回覆 1998Ruby1998 的帖子

多謝你嘅意見！我小朋友現在嘅情況就係有作文意識，但需要老師比啲idea佢，然後 ...

其實中作又好英作也是，P1學生如果唔係識好多字既小朋友，最好由句子作起。作文就係由字串成句，句串成段，段串成文。作句子可以學生字。中文就試下用四字詞/成語作句子。想慢慢嚟就詞語開始，然後每個月/每季主題改下。

Yfyh

回覆 ar_mak 的帖子

真唔真貴真係見仁見智！期待見到小朋友過版。但見到隔離post有媽媽分享小四女嘅情況，我就真係嚇到暈低，想時間過得慢啲！做人真係好矛盾haha...

Yfyh

回覆 little_yolky 的帖子

學到野！等我試吓先。

little_yolky

Yfyh 發表於 20-8-1 19:01
回覆 ar_mak 的帖子

真唔真貴真係見仁見智！期待見到小朋友過版。但見到隔離post有媽媽分享小四女嘅情況， ...

一年班真係可以慢慢嚟。搞好句子結構先。然後搞好一段。我女女NET係P4開始。佢個個禮拜都要作文，學校要求120字，佢要求250字！開頭阿女真係作到喊。我有同佢反映過學校P6都唔駛150字，但佢好堅定！佢係用train DSE既目標嚟鍛鍊。寫寫下唔駛半年就寫到了。佢時時有唔同要求，有時寫fiction，有時係訓練形容詞，成日唔同。佢會幫佢哋改，基本要求係唔可以睇到佢恰眼瞓依家學咗一年，作文係快咗好多。你女女仲細，可能詞彙不足開始可能慢D，但有系統D練，以後就會好。

1998Ruby1998

回覆 Yfyh 的帖子

就算小朋友係已經起步，學校有正式作文，每星期一寫的話，起碼都要寫超過 3 個月先見到明顯進步。有擺心機的話，真係得架。我都見證一年內由 70 字變超過 100 字，第二年已經 200 字。今年仲勁，2、3 個月就 50 字變超過 100 字。兩個都係二年級先開始恆常練作文。
一年級仲可以慢慢來，唔好急。每週一圖畫，一圖畫 5 個詞語，每句 5-8 個字。8-10 個禮拜就開始見到「成形」。之後先再挑戰圖畫故仔。

assado

Yfyh 發表於 20-7-30 09:58
回覆 darkgard 的帖子

多謝你的意見！我小朋友平時有睇開英文書的習慣。最愛ORT及Storey treehouse。看卡 ...

讓小朋友有興趣去寫作英文, 讓他自由創作。
英文寫作練習方面, 可以用簡單有4格圖畫作文練習, 讓小朋友有方向去寫出故事, 文法最初就吾好理會, 有興趣寫作, 內容看得明就可以。
FTR, 有本 creative writing, 這本寫作練習都不錯, 由淺入深, 可以作為老師教寫作教導, 寫作後, 老師可作修改, 從而教小朋友寫作內容。
關於文法方面, 導師可以另外課堂教基本文法。
在教英文同時, 導師/小朋友要全英對話, 吾好中間中,英文夾雜。
小朋友在學習其間, 聽, 講, 讀, 寫都會學得到。
平時小朋友多看英文書, 豐富英文用字。
Zoom 學習, 缺少互動, 效果唔係太好, 待疫情過後, 面對面教授會較好。

ednamode11

SummerTrees 發表於 20-8-1 09:22
In order to write well, reading a lot is kind of necessary but not sufficient, just like a function  ...

Do u know any good English writing teacher?  Your English is very well.  

little_yolky

1998Ruby1998 發表於 20-8-1 23:09
回覆 Yfyh 的帖子

就算小朋友係已經起步，學校有正式作文，每星期一寫的話，起碼都要寫超過 3 個月先見到 ...

寫作呢D嘢真係日子有功。阿細學咗年幾，個個禮拜寫。學校要求120字以上，NET一嚟就要求250字，佢由喊住寫到寫得快。學校作文堂，用同學一半時間就寫完百幾字，真係容易好多。

SummerTrees

回覆 ednamode11 的帖子

Sorry, I do not have contacts with them.