升小遊戲已經結束，總結成功叩門經驗分享

siumaibb

由K2開始在EK爬文，獲益良多，現在大女兒己完成升小遊戲，故希望給大家一些參考：

背景：普通卷幼，超細b
直資：只有一間waiting
私校：有一間心儀收咗，另一間傳統較谷既九龍塘有offer
由於只有私校offer,故可繼續大抽獎
地獄之區74大抽獎：抽到第二志願（在天水圍）有接龍中學（band2)
叩門：叩了三間，叩番第一志願，另外有一間本區熱門小學offer

最後take 了叩門第一志願的offer , 因為離家較近及不用搬屋，又有妹妹跟尾，所以不take 私小，但中學要再戰....唉.....

個人經驗與分享
賽果其實我與老公好滿意的，有心儀私小做backup又叩門成功
當然最希望有直資一條龍學校嘅offer, 但世事沒有完美，要知足，而且競爭真的好激烈，小朋友又不是名幼，我們也沒有上很多面試班，只試了一兩個月就quit 了

建議如果要考直資名私小，真的最好讀名幼，主要是語境英文可以差好遠，當然如果在家有時間是可以自己train up 的，不過真的雖要投放很多時間伴讀教中英數（如果本身是卷幼），因為大部分出名的直資私小考既問題卷幼既課程內容一定應付不到的，要家長進補

至於小女雖然不是名幼也有幸有兩個offer 我總結為性格開朗不怕羞及中文認字，推理能力良好有優勢。

叩門方面出乎預期，也有二個本區大熱學校的offer, 可能佢自己真係好想讀第一志願果間，first Interview 見老師同2nd Interview 見校長特別神勇。另一間主要收閱讀能力較高的小朋友，小女中文閲讀ok所以也有幸有offer

最後有個小tips, 無論考直私或叩門，建議父母多伴讀，小朋友多閱讀，這個是百利而無一害，十分裨益。我大女沒有考Cambridge,沒有trinity , GCSE 什麼也沒有，只有跳舞及樂器，但我們花最多時間在伴讀。她有叩門offer 好大程度與閱讀能力較高所關。


以上只供參考，不喜勿插，有問題歡迎pm

Poyau

恭喜 希望一條龍有好消息

chiubbbb

謝謝你的分享！小女今年也要面對考小一挑戰，想問所謂閱讀能力較高，是否指可自行閱讀中，英書本？

siumaibb

chiubbbb 發表於 20-7-15 02:43
謝謝你的分享！小女今年也要面對考小一挑戰，想問所謂閱讀能力較高，是否指可自行閱讀中，英書本？
...

英文不敢說因小女英文一般K3水平，我爬文見其他考到直資名小的英文也可自行閱讀Oxford reading tree level 5 or 6 以上。

小女中文較強大部分繪本可自行閲讀，偶爾有個別字詞較深要教。

ipki

我們case差不多
最後也入到心儀學校
大家都辛苦了

我加多少少分享
除左英文 中文都好重要
認字
所以閲讀是最好的方法

lambeanmama

siumaibb 發表於 20-7-15 02:14
由K2開始在EK爬文，獲益良多，現在大女兒己完成升小遊戲，故希望給大家一些參考：

背景：普通卷幼，超細b

恭喜樓主。考小真是一段非常難忘的經歷。對小朋友、對父母、對整個家庭來說，也有不少影響。非常同意閱讀很重要！考不考小也很重要！

很羨慕樓主有一位中文強大的女兒。中文非常難學。

anfisonbb

同樓主情況類似 9月細B 有兩直資WAITING 一私小禮賢OFFER back up
所以大抽奬進取 但抽中寶校 只叩門了一間第一志願新大天 有幸叩門成功

小兒讀私幼 英文語境好 加上佢喜歡閱讀 閱讀能力好強 ORT已經應付到Level 10以上 中文數學就正常冇超前.

我哋冇報過面試班,冇考任何CERT, 有彈琴, 游水, 英文. 總結除了學校幫助, 我哋主力培養閱讀興趣, 每晚必看中英文書, 最好能令小朋友平時都自發睇書. 希望小小分享能幫到大家.

mountains

lambeanmama 發表於 20-7-15 08:29
恭喜樓主。考小真是一段非常難忘的經歷。對小朋友、對父母、對整個家庭來說，也有不少影響。非常同意閱讀 ...

很同意，中文是很難學的。

siumaibb

anfisonbb 發表於 20-7-15 09:19
同樓主情況類似 9月細B 有兩直資WAITING 一私小禮賢OFFER back up
所以大抽奬進取 但抽中寶校 只叩門了一間 ...

好利害！ORT10!! 叻叻！

omoinoyukue

anfisonbb 發表於 20-7-15 09:19
同樓主情況類似 9月細B 有兩直資WAITING 一私小禮賢OFFER back up
所以大抽奬進取 但抽中寶校 只叩門了一間 ...

能喜歡閱讀真的很重要，謝謝分享

darkgard

回覆 siumaibb 的帖子

完全應同樓主講法。好多家長都谷小朋友興趣班，實在，只係考私小/直資有少少幫助。
試想，小學都係跑升中 數，佢地最介意都係小朋友叻唔叻，即係識幾多字，英文有幾叻。所以，只要學術好，其實叩門唔會好差，我小女都有好多叩門offer.
如果要用錢用時間去學太多興趣班，又無樣精，倒不如讀下書，仲優勝。當然，讀書叻未必係首輪interview勝出，但係，小學都係長跑，認字叻，長遠 一定唔會輸。

chujojo

anfisonbb 發表於 20-7-15 09:19
同樓主情況類似 9月細B 有兩直資WAITING 一私小禮賢OFFER back up
所以大抽奬進取 但抽中寶校 只叩門了一間 ...

小朋友閱讀力高，英文好，但見考直資成績一般，你覺得有咩原因呢？
小女閱讀力尚可明年考小一，想聽聽意見，謝謝。

lambeanmama

chujojo 發表於 20-7-16 13:51
小朋友閱讀力高，英文好，但見考直資成績一般，你覺得有咩原因呢？
小女閱讀力尚可明年考小一，想聽聽意見 ...

其實考直私真的有很多不同因素。小兒考某時身體不適，友人女兒在應考女校時因暈車而嘔吐，弄至一身穢物。兒子在應考另一某校時，同組有小朋友推撞，老師現場要處理，全組小朋友情緒也會受到影響......這些，都是家長不能預計、不能準備的事情。所以，整個過程，有目標是好事，但成功與否，實在有太多其他因素影響。除了這些... 我會說，當你以為睇ORT 10很厲害了嗎? 但原來有更多小朋友在睇chapter book了；你以為小朋友能運算20內加減很超前了嗎? 但原來有不少小朋友已背好乘數表了；我不贊成不認同也沒有進行這種超前教育的做法；但事實是，身邊有不少人是用這一套方式去「達標」的。如果要小朋友在云云考生中能夠在數分鐘至數十分鐘內令老師留下印象，你覺得又會是甚麼原因呢? 如果你是老師，你想收的是甚麼學生呢? 或者用這個方向去想，你會得到更多啟示。

chujojo

lambeanmama 發表於 20-7-16 14:28
其實考直私真的有很多不同因素。小兒考某時身體不適，友人女兒在應考女校時因暈車而嘔吐，弄至一身穢物。兒 ...

我個人感覺小一面試最容易應付的是學術。學術只要多花時間，要應付不難。

反而係穩定性，與他人協作，反應，邏輯思圍係較難練習。尤其今年疫情關係，少了上課和群體學習的機會。

禮貌方面屬於身教，一般不會太差。

感謝你的詳細回覆，希望明年順順利利。

anfisonbb

先講講我係冇專登催谷 主要想做到培養到讀書興趣 小兒喜歡睇 而能力上又應付到 就由佢一步步從Lv1讀上去 買了書回來亦從沒定甚麼目標 幾時要睇到咩Lv 我哋習慣每晚睇一本 佢自己平時又會再重睇 慢慢日積月累而成

至於考直資私校 一嚟仔仔本身較慢熱 我覺得呢個係最大因素 大多時候陌生人面前佢都唔太出聲 但遇到投緣的人或老師 佢又會表現得好好 二嚟都說過除左英文比較突出 中文數學只是正常 上面講得啱:天外有天 人外有人 三嚟考小 英文有時只係叫你讀She is a beautiful girl 咁十個有8 個小朋友都做到 本身識飛都冇人知

jazzcf

siumaibb 發表於 20-7-15 02:14
由K2開始在EK爬文，獲益良多，現在大女兒己完成升小遊戲，故希望給大家一些參考：

背景：普通卷幼，超細b

想請教: 叩門階段, 因為有部分熱門學校唔係全 in, 咁點樣可以係芸芸 portfolio 中突圍, 令學校知道小朋友閱讀能力高, 吸引心儀學校 call interview?

siumaibb

jazzcf 發表於 20-7-17 14:32
想請教: 叩門階段, 因為有部分熱門學校唔係全 in, 咁點樣可以係芸芸 portfolio 中突圍, 令學校知道小朋友閱 ...

其實無特別在portfolio 注明閱讀能力，不過可以放一些家庭照親子閱讀，去圖書館。
有些學校會填問卷可以在答案上強調注重培養閱讀興趣，每天伴讀時間等等

darkgard

chujojo 發表於 20-7-16 13:51
小朋友閱讀力高，英文好，但見考直資成績一般，你覺得有咩原因呢？
小女閱讀力尚可明年考小一，想聽聽意見 ...

係考直私階段，所有家長報十幾間小學，每間小學有四五千個candidate, 又要in晒所有人，坦白講，小朋友只係K2下學期，學術上又未學到啲乜，所以只要小朋友外表/行為上有少少唔順眼，已經係首輪out左。小女屬於慢熱之人，所以小女都無收獲。
去到叩門就唔同，差唔多K3完結，可以考下試。candidate 又無首輪咁多，所以academic係致勝之道。（當然，如果你心目中係津校，叩門尤其重要）

chujojo

darkgard 發表於 20-7-17 16:51
係考直私階段，所有家長報十幾間小學，每間小學有四五千個candidate, 又要in晒所有人，坦白講，小朋友只係K ...

謝謝你。睇來慢熱或太活潑都係唔得。

Wychai

jazzcf 發表於 20-7-17 14:32
想請教: 叩門階段, 因為有部分熱門學校唔係全 in, 咁點樣可以係芸芸 portfolio 中突圍, 令學校知道小朋友閱 ...

可以係portfolio中加些平日親子閱讀的照片，也可以在自薦信中（如有）寫平日如何重視閱讀，小朋友最近睇緊咩圖書（特別啲嘅，我哋之前寫西遊記）校長真係會問相關問題