高小vs sjps

nanakochan

虛心求教，希望不是一面倒sjps的聲音，金錢不用考慮，中學不用考慮，因為會離開香港

-兩間學校各有多少次測考？
-課外活動邊間強啲，尤其是音樂，兩間學校需要花在課外活動的時間比重大概多少？
-教學語言，sjps是粵教中嗎？高小用普通話版本的中文書，課堂上也是用普通話嗎？數學和常識呢？
-對於學習較快嘅學生，學校有冇邊方面嘅支援？

好多人懷疑高小，因為高中成績不是十分標青，但其實我又唔會留喺香港讀高中，所以我唔考慮呢樣嘢，而且覺得高小都好唔錯，sjps是津校，而且我不能對於津校有過份期望，私校家長背景應該較平均，我小朋友讀緊高幼，對於高幼好滿意，身邊聲音都是一面倒SJPS，我想再認真諗一諗，同埋知道多啲細節，唔該晒各位前輩

當初叩門是因為家中有很多不同的聲音，於是我哋即管試一試，其實未決定到邊間學校啱個仔多啲

mrchuchu

回覆 nanakochan 的帖子

我和你的情況差不多. 我放棄了高小, 選了sjps.

原因:
高小會讀得辛苦D.
高小要$
sjps 係英小

這全是我個人的意見, 每個人都各取所需. 我也很喜歡高小, 成個package 都好好, 是一間很有質素的學校.

希望你選到一間最適合的小學給你小朋友.

mcl203

我都係投SJPS，反正將來唔係香港升學，可以考慮慳返啲，況且，似乎SJPS家長背景都非常平均～～～

aaqq_mom

留唔留香港升中，也是選Sjps!

manmonster

純論小學部，我喜歡高小多於 SJPS。但現實問題是，你接受高主教書院現時的整體表現嗎？若讀完高小六年又外求，會否也是一樣考慮 SJC 級數的中學？若是，為何不在 SJPS 爭那 99（？）直屬位？

lik123

如果純粹讀書，不考慮錢、中學。。高小是私校，基本上家長的期望比較一致、較高。 sj津校，一部分家長可能期望不一。。。高小40一班，估計sj每班應該少一點。。。高小在教學上，應該不及sj有壓力，（我自己覺得小孩子有適當壓力是好的）應該在高小可以讀得舒服些。。。高小在山上，sj在山下。。。高小和sj都是英小。。。還有，小學是沒有band的。（利申：我仔有高小offer，不過放咗。）

fruitfulsnoopy

唔理$，唔在港讀中學，一定高小。sjps淺好多好多。如果小朋友學習較快，在津校直頭拖慢。你個case，如果唔貪虛榮心，一定高小

mrchuchu

回覆 lik123 的帖子

我都係睇趙 sir 的分享才知道小學有分 banding 咋

https://www.sundaykiss.com/228442/education/%e5%b0%8f%e5%ad%b8%e6%8e%92%e5%90%8d-%e5%b0%8f%e4%b8%80%e6%b4%be%e4%bd%8d-%e5%b0%8f%e4%b8%80%e5%85%a5%e5%ad%b8-band1-%e8%b6%99%e6%a6%ae%e5%be%b7-%e4%b8%80%e6%a2%9d%e9%be%8d-%e5%96%87%e6%b2%99%e5%b0%8f/

lambeanmama

不如倒轉考慮吓你覺得選校最重要的三個元素是甚麼呢？然後再比較吓兩校同你心目中最重要的元素，哪一間更貼近。咁可能易啲討論。

nanakochan

多謝大家寶貴意見，其實呢一刻出貼文，係因為我琴晚係屋企睇過晒高小一年級嘅課本（高小已經買曬書），覺得內容好淺，尤其是中文同埋數學，所以我想知道如果sjps教嘅內容更淺的話，我個仔日日返學真係驚佢堂堂無無聊聊喺度發夢，希望有現讀家長可以分享一下其實兩間學校分別嘅校本課程有幾多，因為就咁睇教科書未必可以判斷到學習內容。同埋真係學得快嘅話學校有冇支援？我比較着重教學質素同埋小朋友返學返得開唔開心，例如有咩課外活動比佢哋玩，錢同升暫不需考慮

nanakochan

fruitfulsnoopy 發表於 20-7-9 10:56
唔理$，唔在港讀中學，一定高小。sjps淺好多好多。如果小朋友學習較快，在津校直頭拖慢。你個case，如果唔 ...

你話sjps淺好多，係咪真㗎 ？呢樣我好concern，坊間成日有人話私校教快，但係我手上高小嘅教科書，只係得英文已派發二年級課本，其他科目全部用緊一上一下的課本

mrchuchu

回覆 nanakochan 的帖子

咁講, 你個仔仔如果讀高小, 可以和同學仔一齊, 一定開心D 喎.

fruitfulsnoopy

nanakochan 發表於 20-7-9 11:22
你話sjps淺好多，係咪真㗎 ？呢樣我好concern，坊間成日有人話私校教快，但係我手上高小嘅教科書，只係得 ...

但你有冇睇過高小的ws同test paper 。

nanakochan

fruitfulsnoopy 發表於 20-7-9 11:24
但你有冇睇過高小的ws同test paper 。test paper 頁數都嚇親你

冇見過，所以上嚟問前輩，可以分享多少少嗎？

nanakochan

如果相對sjps，高小是一個較有挑戰性的平台嗎？

lochun

雖然錢不是你考慮因素，既然會出國讀書，不如用學費去增值各方面才能好過。若中一先出國，也$30萬

lik123

mrchuchu 發表於 20-7-9 11:00
回覆 lik123 的帖子

我都係睇趙 sir 的分享才知道小學有分 banding 咋

是小學生在小五、六呈分試後才分banding（其實也不是小學生分，是中學分，不過通俗就叫小學生分band吧）

1998Ruby1998

回覆 mrchuchu 的帖子

呢位先生有好多都老點....不過呢度係你誤解？
中學 banding 係按成績分，官津小學大抽獎，乜人都有，點樣排 banding？如果 banding 係按照有冇 band 1 中學部，咁三私一直咪 Band 2？其他官津咪 Band 3？

所以文章已經講「冇 Band 1 小學」，而佢呢度所提及嘅學校只係「家長心目中嘅 Band 1」，即係「趙 sir 認為家長心目中嘅一線小學」。但有唔少學校學術、升中係強過文章裏面嘅幾間小學，都值得考慮，高小係其中之一。

高小唔係 Band 2 小學，輪學術、升中，佢都係「一線」。二線啲嘅例子有崇真、九龍灣 St Jo、培道，即係「一抽/考到靚學校，會好容易考慮放佢」。反而高小呢個 case，除非係嗰幾間港島津貼直屬，否則都未必咁輕易放。

至於點解高記中學部唔夠 St Jo 強，我諗最主要都係 top 嘅走佬，去左 QC、St Jo、SPB、SSGC 等等學校，反而 St Jo 相對少人走佬（我諗要走嘅，都係去 QC、SPCC 呢啲 level，否則都係開心等升中）。

mrchuchu

回覆 1998Ruby1998 的帖子

I see, thanks for explaining.
卑人老點咗tim, hahaha.....

晴晴小B

nanakochan 發表於 20-7-9 11:20
多謝大家寶貴意見，其實呢一刻出貼文，係因為我琴晚係屋企睇過晒高小一年級嘅課本（高小已經買曬書），覺得 ...

其實單用課本深淺去評論一間學校課程，未必反映到事實之全部。

名校會有好多工作紙筆記，果啲先係學校多年心血結晶，名校唔會點教課本。

兩間我投SJ