- 在線時間
- 0 小時
- 最後登錄
- 24-3-28
- 國民生產力
- 0
- 附加生產力
- 2397
- 貢獻生產力
- 0
- 註冊時間
- 20-7-11
- 閱讀權限
- 10
- 帖子
- 412
- 主題
- 10
- 精華
- 0
- 積分
- 2809
- UID
- 3341591
|
本帖最後由 KIMLIFEINUK 於 20-8-4 18:05 編輯
khsheh 發表於 20-8-2 10:17
KIMLIFEINUK 你好!
多謝你的分享. 從你的留言知道你的小朋友本身在香港的國際學校讀到year 5, 便去英國讀 ...
香港國際學校嘅優點, 其實咪就係西方學校嘅優點?
因為其實香港嘅國際學校就係參考西方嘅教學方式。所以即係代表香港嘅國際學校其實同英國嘅學校相似。
本身我小朋友喺香港國際學校嘅經驗一直都幾好, 但係當佢升上高年班嘅時候情況有所變化。可能係咁啱嗰個時間, 嗰一個年度啦! 佢所學嘅嘢, 我覺得好容易, 而且不停喺度重複, 幾年都學埋差唔多嘅嘢。
當其時都睇過英國同年嘅教學課程, 同我個女本身讀嗰間嘅國際學校, 發覺個課程比英國淺好多。所以決定走。
但係呢一個係我自己嘅個別情況, 其他嘅國際學校可能根本都唔係咁,所以實在唔可以作為一種準則。
至於我個女喺國際學校讀中文。因為佢間學校中文"超弱"。我相信佢而家連十個中文字都唔識。但係我都見佢有啲同學補習中文補習得好好喎 ,識嘅字都唔少, 但如果講返喺學校裏面, 佢已經讀咗五年中文。完全係得個零!!! 好多其他家長都要靠出去補習先識。我都有出去補中文。每個星期都去補兩次啊 ,都係咁既程度!!
但係佢西班牙文竟然仲好過好過中文。係超級之失望。但係呢一個只係個別學校, 並唔代表每一間國際學校嘅中文都係咁樣, 我實在都唔知道其他國際學校嘅中文程度係點?
直到而家為止, 我覺得讀香港國際學校嘅優點係: 英文好。喜歡閱讀。鍾意寫作,成日自己寫下故事 ,個人比較開心。喜歡學習新事物。自己鍾意做 research, 個人大膽。
缺點可以話係唔識中文。同我講嘢講英文。有時叫佢講一個完整嘅中文句子,好似都有啲難記。其實係好嚴重, 因為細個唔識中文, 而家有時叫佢學返寫字啊, 或者講嘢, 好似感覺上拉牛上樹。其實我之前同佢學校反映過,但係佢學校冇理到我!
但係如果要比較, 亦好難, 因為佢未讀過本地學校, 所以我唔知係本地學校制度下,佢會係點樣發展。
但係如果你問我。我一定係會選擇早D去英國。其實有好多香港讀國際學校嘅家長,佢哋其實都諗住將來仔女去外國升學.
對本地學校嚟講 ,尤其是細個啲去, 英文可能個口音會純正啲。同埋我覺得香港國際學校收我咁多錢。課程竟然比唔上英國嘅普通政府免費學校。我就覺得好唔化算。但係我個女只係去過一間國際學校, 而且都係臨佢走嘅時候, 質素比較差d, 所以我實在講唔上,其他嘅國際學校喺香港係點樣質素。
我諗其實你係咪要諗下, 兩個唔同嘅教學制度, 譬如本地學校嘅教學制度, 同埋英國學校嘅教學制度. 首先你喜歡邊一樣多啲? 同埋你嘅細路, 又適合邊一種多啲? 如果將來升大學你諗住留喺香港, 定係去外國? 如果都係諗住要去英國嘅話, 早啲去似乎更加優勝?!
我個女喺香港讀國際學校, 教師通常都係加拿大人多,佢去到英國所有人都聽得出。問佢係咪美國嚟嘅? 可能細個去啲口音會容易啲改變,都係件好事。
至於中文我打算會繼續同佢喺英國補習。填鴨式制度!!!!
|
|