用戶登入
用戶名稱:
密      碼:
搜索
教育王國 討論區 選科選校 放榜在即,你問我答(中文系Year3)
查看: 38771|回覆: 26
go

放榜在即,你問我答(中文系Year3)

Rank: 3Rank: 3


143
發表於 20-7-5 20:19 |顯示全部帖子
本帖最後由 vincentlui12345 於 20-7-5 20:20 編輯

有見各位爸爸媽媽為子女前路苦惱,如果唔介意我見識淺薄就請向我隨意發問,力所能及之內都會盡力回答(e.g大學各學系實際環境、風氣etc,因為我做過學會幹事,所以多少都了解

Rank: 3Rank: 3


182
發表於 20-7-5 23:06 |顯示全部帖子

回覆樓主:

請問您邊間?

Rank: 3Rank: 3


182
發表於 20-7-5 23:07 |顯示全部帖子

回覆樓主:

大學內部轉科是否難?

Rank: 3Rank: 3


143
發表於 20-7-6 01:04 |顯示全部帖子
本帖最後由 vincentlui12345 於 20-7-6 01:06 編輯

我係浸大中嫁(如果唔開得,請版主幫忙隱蔽)當初係因為鐘意人文創作所以入左。

BTW,文學院裡面(中文系、英文系、翻譯e.t.c)內部轉系既可能性較少(Even我認識既中大同學都係)。因為轉系前提係你GPA要夠好,其他系先會有機會同意你轉系申請。但GPA好,代表同學仔要再比人更努力。因為如果同學仔入左唔喜歡既學系可能讀書既自發性同動力都少D(所以GPA未必會好)。
另外係,真係需要同學仔自己心理質素夠好要自己頂到讀一年唔鐘意既學科,係真。辛苦。

所以相對地較少「案例」會選擇轉系(大家寧願之後「副修」心儀果科),因而「可能性」都較少。

Rank: 14Rank: 14Rank: 14Rank: 14

醒目開學勳章 王國長老


58750
發表於 20-7-6 11:16 |顯示全部帖子
vincentlui12345 發表於 20-7-6 01:04
我係浸大中嫁(如果唔開得,請版主幫忙隱蔽)當初係因為鐘意人文創作所以入左。

BTW,文學院裡面 ...

點會唔開得咩校,多謝你有心分享就真
始終幼稚園就多家長傾,去到大學就較少用家出場了

Rank: 4


663
發表於 20-7-6 11:50 |顯示全部帖子
本帖最後由 momosheung 於 20-7-6 14:51 編輯

回覆 vincentlui12345 的帖子

請問中文系徐了做老師仲有何出路?

Rank: 3Rank: 3


182
發表於 20-7-6 14:01 |顯示全部帖子
vincentlui12345 發表於 20-7-6 01:04
我係浸大中嫁(如果唔開得,請版主幫忙隱蔽)當初係因為鐘意人文創作所以入左。

BTW,文學院裡面 ...

多謝分享呀!(emoji)
仲有,  如果入唔到心儀的學系,又唔想勉強讀,除了重考,有冇人走去讀副學士,搏入到心儀, 知唔知理大poIy 的副學士入職業治療的比率高唔高?

Rank: 5Rank: 5


3176
發表於 20-7-6 14:25 |顯示全部帖子
回覆 vincentlui12345 的帖子

請問你對浸大的 CIE, 有甚麼見解? 謝謝!

Rank: 3Rank: 3


143
發表於 20-7-6 16:18 |顯示全部帖子
回覆 Charlotte_mom 的帖子

心心版主我就係見好似中學升大學既資訊較少,所以先出尼分享(承蒙大家唔嫌棄)。畢竟雖然中學老師(升學組)都會提供資訊,但又鮮少有第一身用家既分享(視野角度唔一樣)。Anyway,幫到大家就最好!

Rank: 3Rank: 3


143
發表於 20-7-6 17:28 |顯示全部帖子
本帖最後由 vincentlui12345 於 20-7-6 17:33 編輯

回覆 momosheung 的帖子

依個真係好問題(真心Respect)
大眾社會可能假定左讀中文系(或者英文、數學etc)既出路可能只有做老師等等。
但應該甘講,讀大學唔係為左「綁定你既出路同方向」,而係「俾多一個可能性或者選擇」
正如魯迅先生本身都讀醫,大家可能就會認為「除左做醫生,應該冇其他出路啦掛?」

但佢最後做左現當代中國最偉大既作家、思想家。

我地每個人(包括你同你子女)其實都潛藏好多可能性,唔一定要被「某樣東西」(可能係指你既學系,亦有可能係其他事物)規範左自己既人生。


以我為例,無論係私補定補習社,都有好多補習既家長話:「哥哥你教人甘叻,第時係咪打算做老師啊?」但事實上,我舊年就拒絕左浸大個教育文憑課程(佢俾左offer,但我最後冇讀),因為我同在職教師朋友傾過、三思過之後,覺得自己唔適合依份工作。


但我並唔擔心自己會冇左個飯碗(老師工作穩定、薪酬又不錯),因為我識畫畫(有教畫班),支筆都OK(有人會搵我代寫自傳,補習社會搵我寫範文,間唔中都可以拎到文學獎)。甘我可以選擇之後全職去教畫、或者全職補習、或者寫作、或者做記者、或者編輯,even去讀碩士,都可以。

所以講到尾,其實大學既學系只係「給你更多選擇權」,唔好陷入「讀咩就要做咩」既思想泥沼。中小學十二年,大學四年,其實應該將自己所得所學更好思考如何靈活運用,而唔係不假思索獨沽一味。


世界太大,社會越來越進步,學中文既可以做廣告,將自己既才識融入文案之中;學畫畫既可以去做工程,將自己既美學匯入建築設計上面二十世紀,世界更多需要既係「通才」,而唔係「專才」了。

補充:中文系好多校友既職業都與學系無關,有做IT,都有做保險,因人而異,各自出彩。
(再次感謝拋出好問題有感而發too long thx for read)

Rank: 3Rank: 3


143
發表於 20-7-6 18:11 |顯示全部帖子
回覆 fcy888 的帖子

除了重考,有冇人走去讀副學士,搏入到心儀

有喔!而且都唔少!無論係我師弟妹定師兄姐,其實都有D係由副學士升上。由我個人角度,感覺佢地好似升得容易(可只係睇到表面)。但我有了解過,如果由副學士升上去,果年既GPA就會高要求,所以一定唔輕鬆。


不過又唔洗太擔心,因為經依個途徑搏入心儀既案例都唔,所以依個都係可行方法之一(前提係夠努力)。


另外,POLY副學士入職業治療既比率,我真唔太清楚。如果有機會,我幫你了解下。


補充但唔知有冇用,我有朋友係英國讀物理治療前年(強調係物理治療!物理治療物理治療),但依家都未謀求到一份公營養療院既職位(多數時間都係做緊私人,相對唔穩定),由此睇得出佢行業既飽和度相對較高。

Rank: 4


663
發表於 20-7-6 18:22 |顯示全部帖子
vincentlui12345 發表於 20-7-6 17:28
回覆 momosheung 的帖子

依個真係好問題(真心Respect)

謝謝同學詳細講解、分析。

Rank: 3Rank: 3


143
發表於 20-7-6 18:23 |顯示全部帖子
本帖最後由 vincentlui12345 於 20-7-6 18:26 編輯

回覆 kenchtam 的帖子

「請問你對浸大的 CIE, 有甚麼見解? 謝謝!」

唔太清楚你指既「見解」係邊方面(沒有惡意,請見諒)。因為單純討論CIE都可以有好多範疇,佢既「升學前途」、「教學設施」又或者「認受性」等等,其實都可以講好耐。

不過我估你大概係想問「認受性」方面?如果係依方面,其實無需太過擔心,因為你讀完佢既學士學位課程出尼,你就有學士資格,依個係無需爭議既。我有兩位同學都響CIE畢業,一位去讀藥劑,一位去讀媒體。依家都有各自從事返相關職業,所以我估大概由「認受性」既角度出發的話,應該無需要太擔心。

btw如果係其他範疇,歡迎你再問!

Rank: 3Rank: 3


182
發表於 20-7-6 19:36 |顯示全部帖子
vincentlui12345 發表於 20-7-6 18:11
回覆 fcy888 的帖子

「除了重考,有冇人走去讀副學士,搏入到心儀」

本帖最後由 fcy888 於 20-7-7 04:11 編輯

多謝分享!

Rank: 5Rank: 5


3176
發表於 20-7-6 20:24 |顯示全部帖子
回覆 vincentlui12345 的帖子

謝謝回覆!
其實各方面都想了解一下,教學設施亦是。

Rank: 3Rank: 3


143
發表於 20-7-16 21:17 |顯示全部帖子
回覆 kenchtam 的帖子

忙左好多日,終於可以回覆大家。
我專誠去問左CIE讀既朋友,大概討論左設施、師資同證書三方面,九龍塘本校既分別。
先從設施方面講起,套用佢原話就係「資源黎講緊係差得遠」。佢認為CIE場地相對較細,同時可用設施較少,譬如公用電腦室只有四部Apple電腦,同時依D電腦冇得預約要「先到先得」,因此對於學生進行媒體剪接等工作,就會被限制。

我自己都有去過CIE(之前既活動),佢地係冇所謂既「綠幕房」,如果有要用到既同學,係要去九龍塘本校借用的(e.g. media)



而師資方面,佢就認為冇乜太大分別,因為「教cie果啲多數都有教九龍塘」,我都認同依一點。因為響香港大部份既大專課程,其實老師都幾有質素(就我認識既HKDI或者其他副學士同學分享),所以依一點可以放心。

最後係畢業證書(cert)既討論,其實好似我之前回覆甘,認可性基本上都同本校冇太大分別。佢就證實左依一點:「同埋當初睇中cie係佢張cert😂太重要了。佢張cert唔會有cie名,係直出bu名。」

不過以事論事,上面都只係拎CIE同BU比較,一個係分校、一個係本校,教育資源有差別都係正常。正如你拎CU同BU比較,一個有成座山頭、一個得幾間建築,甘都係無可厚非,因為每間大學或者大專本來都各有千秋。所以即使未能夠直升大學,其實都可以考慮各種出路。

Rank: 2


90
發表於 20-7-16 22:06 |顯示全部帖子
vincentlui12345 發表於 20-7-6 17:28
回覆 momosheung 的帖子

依個真係好問題(真心Respect)

很安慰,代文學生發聲 !
我個仔都係文學仔(中文),理想和興趣皆是。偏偏多年來面對一般人的疑問,偶而會有所迷思。樓主的解讀,正正就是喜歡文學的大衆心聲

Rank: 3Rank: 3


166
發表於 20-7-19 09:29 |顯示全部帖子
回覆 vincentlui12345 的帖子

你好,想請問BU CIE,DSE 生 係唔係一定要讀副學士先,唔可以直接報學士,謝謝

Rank: 3Rank: 3


143
發表於 20-7-22 08:40 |顯示全部帖子
本帖最後由 vincentlui12345 於 20-7-22 08:41 編輯

回覆 Kanyckanyc 的帖子

今日先睇到,遲左回覆真係唔好意思⋯⋯
CIE可以直接報讀學士課程的,我果位讀媒體既同學就例子。

BTW今日放榜,希望各位家長同小朋友都順順利利,可以放低心頭大石。無論出路如何,面前既迷惘都只係暫時,有心拔霧何處不尋陽。

Rank: 2


100
發表於 20-7-22 14:47 |顯示全部帖子
請問港大和中大文學系 邊間會好啲?