Harrow vs ISF 點揀？ 苦惱中

sesamebabe

小朋友同時收到Harrow K2 offer 同ISF foundation year offer.
兩間學校都好，唔知點選擇.....
Location wise，由屋企揸車去兩間學校需時差不多。
小朋友仲細，之後未知會去邊度讀書。

讀Harrow，英文好，做大B，但好少中文，近乎零。
讀ISF，中文好，做細B，但又怕英文唔夠好。

Youweird

Harrow

sesamebabe

Youweird 發表於 20-7-2 09:05
Harrow

Why? But no Chinese learning at all

Jane1983

Harrow 咁少中文嗎？識人小四轉過去，家長說差不多每日都有中文堂。

sesamebabe

朋友讀Y3, 佢話零中文，中文只係一個課外活動

小寶貝兒

sesamebabe 發表於 20-7-2 11:52
朋友讀Y3, 佢話零中文，中文只係一個課外活動

我囡讀緊Y4，佢中文入繁中果group，每星期有2-3堂中文，咁我自己都有同佢外補每星期一堂，因為之前都有同佢keep，所以佢而家除左認字比較弱，做題目時要老師/我讀比佢聽，佢大約能夠完成本地小二既程度。

小寶貝兒

不過由K1開始讀上去會點，我就真係唔太清楚，因為我都係今年先插班入去

小寶貝兒

又或者咁睇，2間學校都各自要補中文或英文，你自己偏向補邊科呢？
都可以係一個考慮既方法，因為我哋自己當初會行向IS既方向，最最初其實只係好單純地諗，中文語境我哋父母可以容易比到佢，英文語境就要靠學校了！後來先發現原來IS係好適合我囡的，所以提供比你參考下

sesamebabe

我唔識講普通話，俾唔到普通話嘅語境佢，可以點好？

sesamebabe

小寶貝兒 發表於 20-7-2 12:31
我囡讀緊Y4，佢中文入繁中果group，每星期有2-3堂中文，咁我自己都有同佢外補每星期一堂，因為之前都有同 ...

之前讀LS定IS?

小寶貝兒

sesamebabe 發表於 20-7-2 12:50
我唔識講普通話，俾唔到普通話嘅語境佢，可以點好？

我照講廣東話，補中文都係用廣東話，學校上堂佢除左幼稚園，幾間小學都係用普通話，暫時佢既普通話勉可以溝通，我係將學中文同普通話分開，對中文我會有目標，對普通話我不強求，因為我自己都係自學普通話，唔叻但夠用，相信佢長大都會一樣

小寶貝兒

sesamebabe 發表於 20-7-2 12:50
之前讀LS定IS?

幼稚園係地區既國際幼稚園，小學讀地區英文私小1.5年，轉IB school讀左2年，最近就轉Harrow
所以語境來講佢係學校一直都係英文語境，中文一直不多（除左私小果1.5年係跟返本地學校程度，但佢跟唔到，經常及格線邊來回），到轉左IB school就幫佢係屋企附近搵中文補習，冇特別去搵專for IS既補習社，因為希望佢慢慢可以追到LS進度，諗住唔得都唔會差太遠 ，不過就一定要小班補（4人以下），太多人老師照顧唔到佢

gavroche915

sesamebabe 發表於 20-7-2 08:42
小朋友同時收到Harrow K2 offer 同ISF foundation year offer.
兩間學校都好，唔知點選擇.....
Location wi ...

發覺很多時選擇 IS 呢條路既家長都有樓主你呢個煩惱。其實會否嘗試放開一 d ，從個大方向去選擇，對家長同小朋友長遠都係好的。既然選擇得行 IS 呢條路，就係認同 IS 教育理念，咁點解要比中文呢個係 IS 教育入面佔據咁少比重既範疇去限制自己選擇學校既空間呢?
建議先考慮究竟點樣為之小朋友中文好。究竟係好似 local school 咁識文言文、唐詩、孔子、岳飛，定係識聽識寫識講夠將來工作用就算? 相信大部分家長都係要求工作夠用，甚至只係識聽識講就算。如果係咁，你諗深一層其實唔靠學校都可以搞得掂，好多時小朋友對中文有無興趣係受家長同屋企影響多，值唔值得因為想學校搞掂小朋友 d 中文唔駛自己煩惱而限制自己選擇學校真係要衡量下。

經常見到 EK 家長同時對揀學校有以下矛盾的要求，希望幫到你衝破心中既矛盾：

1. 想小朋友讀 IS 愉快學習
2. 想小朋友中文好似 local school d 朋友咁好
3. 想間 IS 入面大部分同學係白皮膚藍眼睛
4. 想間 IS 入面大部分同學雖然係白皮膚藍眼睛但 d 性格要似亞洲人內歛 d，符合家長心中"乖"既定義
5. 想間 IS 多功課但又唔好有壓力
6. 欣賞間 IS 無為小朋友分名次但時刻想知道小朋友排班中第幾

其實小朋友將來長大做 d 咩工作家長呢一刻根本控制唔到，你想佢做醫生，可能佢想去搞藝術，你想佢做律師，可能佢想做廚師。你諗住呢一刻接觸多d中文，可能佢將來移民美國搞科網唔駛識中文。我個人覺得 IS 好既地方係能夠培養小朋友全面發展，係學習點樣自己去學習唔係只係學習學校教你既野，希望以上分享幫到你作最合適既選擇。  

小寶貝兒

gavroche915 發表於 20-7-2 14:29
發覺很多時選擇 IS 呢條路既家長都有樓主你呢個煩惱。其實會否嘗試放開一 d ，從個大方向去選擇，對家長同 ...

JM呢段說話真係深得我心！
雖然我哋起初係因為英文語境比唔到囡而選擇偏向IS既道路，但老實講，真係越讀越開心，好多之前猶豫/考慮既point都係接觸了解IS既理念之後覺得越來越變得冇咁重要，係阿囡既學習路上我都好似重新去了解教育一樣！

964000

小寶貝兒 發表於 20-7-2 14:59
JM呢段說話真係深得我心！
雖然我哋起初係因為英文語境比唔到囡而選擇偏向IS既道路，但老實講，真係越讀越 ...

係呀，要讀過先明，好難解釋，因為我地自己都是傳統教育中長大。
好多人以為英文加活動教學加少測考少功課就等於IS, 其實大不同。
最近疫後復課，學校為保持social distancing  要像LS般排排坐正正在座位上堂，我女即刻話番學不像以前好玩了，希望快D回復原狀。

小寶貝兒

964000 發表於 20-7-2 15:22
係呀，要讀過先明，好難解釋，因為我地自己都是傳統教育中長大。
好多人以為英文加活動教學加少測考少功課 ...

係呀！英文加活動教學加少測少考咪就係我囡之前讀既英文私小，但而家回望，真係完全2回事，成個mindset好唔同，但又好難量化地用客觀數字同家人朋友講有咩唔同，或同佢哋解釋呢每月萬幾係用得值（佢哋成日覺得我每月比咁多錢就係得到個囡英文好同少功課咁囉！）

964000

sesamebabe 發表於 20-7-2 08:42
小朋友同時收到Harrow K2 offer 同ISF foundation year offer.
兩間學校都好，唔知點選擇.....
Location wi ...

如果中文是你最重要考慮，就揀ISF,
否則我會揀Harrow. ISF似local school多過IS

barcapbaby

去英國當然是Harrow好 , 留學以後回流發展當然是ISF 好

sesamebabe

請問可否分享一下讀harrow小朋友乖唔乖？聽唔聽話？

siuta

- deleted -