荃官 vs 九華 vs 男拔萃

tusenwanee

家住荃灣，仔只數學好及有d數學獎項，中英文一般。

甘哪中學較適合他？
感謝指點，thx

apap08

男拔收了？ 如果英—般，入去DBS可能要好努力追。

gracelam

tusenwanee 發表於 20-6-27 18:21
家住荃灣，仔只數學好及有d數學獎項，中英文一般。

甘哪中學較適合他？

3間中英文一般都入唔到。

p.s. 如果係band 1生，荃灣區大抽獎抽荃官有D機會。

medicine

apap08 發表於 20-6-27 18:28
男拔收了？ 如果英—般，入去DBS可能要好努力追。

照睇該係問定先……

little_yolky

tusenwanee 發表於 20-6-27 18:21
家住荃灣，仔只數學好及有d數學獎項，中英文一般。

甘哪中學較適合他？

響EK唔好謙虛！否則問唔準。一般係幾一般，好又去到幾好先？仲有乜額外才能？

1998Ruby1998

三間都唔係「一般」，肯定都要科科掂。
你嘅「一般」係點先？自謙就唔係真實情況，外人畀唔到任何較實際嘅意見。

medicine

1998Ruby1998 發表於 20-6-27 20:12
三間都唔係「一般」，肯定都要科科掂。
你嘅「一般」係點先？自謙就唔係真實情況，外人畀唔到任何較實際嘅 ...

有人可以隨隨便便就送個女入紅磚女校，“一般”該沒問題入前述三間

tusenwanee

小兒只是一般邨屋小學，學校水平可能是區內排五吧，我估咋。

甘中英文科小兒只排級30吧，唉！
數學就較有興趣及有點成績，試過去廈門參加華羅庚金杯賽，其他數學比賽有少少獎項，及感恩的剛入了資優學苑。

只能形容他數學方面吾差，但沒太有興趣學習語文，作文沒有創作力，佢記性好的，逼下佢陪佢溫書，咁語文啲文法都會記到的。

我問佢想讀怎樣的中學，
佢只答我，希望是d數學勁的中學，可以繼續參加數學比賽，因為佢真十分喜歡比賽過程中的挑戰， 十分享受學習數學嘅喜悅。

但我乜都唔識，所以想在此請教啲前輩的心得。

感謝

tusenwanee

我又聽說學校可能每年有港華的offer 2-3 個比優異的學生。

吾知萬一好彩有幸有港華offer ，甘荃官vs 港華？

gracelam

tusenwanee 發表於 20-6-27 22:43
小兒只是一般邨屋小學，學校水平可能是區內排五吧，我估咋。

甘中英文科小兒只排級30吧，唉！

中學睇呈分試成績，中英数常視藝音樂都重要，單憑一科數學係唔夠入以上3間中學，唯一係靠大抽獎時放乙一荃官(假設小朋友係band 1生)博抽到入去。

tusenwanee

gracelam 發表於 20-6-27 23:00
中學睇呈分試成績，中英数常視藝音樂都重要，單憑一科數學係唔夠入以上3間中學，唯一係靠大抽獎時放乙一荃 ...

明白，謝謝。

上年成績都可以级10。
但今年第一學期跌至21。
唉，現在趕緊溫書中。

gracelam

tusenwanee 發表於 20-6-27 23:05
明白，謝謝。

上年成績都可以级10。

級21可以試下自行港華，機會大過以上3間。

呈分試加油

tusenwanee

gracelam 發表於 20-6-27 23:08
級21可以試下自行港華，機會大過以上3間。

呈分試加油

請問可以介紹一下港華嗎？

gracelam

tusenwanee 發表於 20-6-27 23:09
請問可以介紹一下港華嗎？

我只知港華DSE成績大不如前，大約band 1b~c

kirstyau

medicine 發表於 20-6-27 20:37
有人可以隨隨便便就送個女入紅磚女校，“一般”該沒問題入前述三間
...

閣下好勇

1998Ruby1998

中文同英文都要谷。你列嗰三間，全部都係「我唔缺 Band 1A，科科 9 字頭、能文能武高才生」，荃官更加係講明自行係跟呈分排名。
如果冇特別嘅話，中英數比重都係 9，所以一科數好唔夠。最多就係肯定自己係 Band 1 之後搏抽荃官。

如果我冇估錯，你仔仔嗰間係天主教學校？嗰間年年都有人 Band 1 跨區同直資，夾埋超過 10 間，所以我估計你學校係有 40% Band 1，估計仔仔目前就應該係 Band 1B，呈分要加油！要自行有機會/有機會面試，科科成績（中英數常+視覺藝術+音樂）都要起碼 top 20% 內。你都知，區內浸聯、馬基等等都好讀得書，要區內自行都先考慮荃官。隔離區兩仁都可能去搏荃官。
DB 唔洗講，全港九新界，直資私立都會去考佢，個個都能文能武，特異功能都出埋。
九華雖然成績都冇上面兩間咁爆，但都受好多仔仔歡迎，區內兩油、德信、陳守仁，隔離區 SFA 都會自行佢。

另一間數學強校係聖言，不過佢自行個個都 Band 1A 成績+好多數學獎。

港華可能機會大返啲啲，始終港島多啲學校揀，Band 1A 嘅仔仔自行都會先考慮 QC、KC、SJC 等等。


努力谷起仔仔中英。可以畀聖言同荃官嘅 DSE 成績佢睇，人地數理都好強，但其他科都唔差，要入數學叻嘅學校，其他科都唔可以差，因為對手科科都唔差。

我望過下，中國婦女、港華、優才、聖言、荃官、英華、李兆基都有參加數學比賽而且攞過下獎。望下呢啲學校，爬下文睇下往年自行嘅學生學術水平如何。

medicine

1998Ruby1998 發表於 20-6-27 23:35
中文同英文都要谷。你列嗰三間，全部都係「我唔缺 Band 1A，科科 9 字頭、能文能武高才生」，荃官更加係講 ...

專業

medicine

kirstyau 發表於 20-6-27 23:19
本帖最後由 kirstyau 於 20-6-27 23:37 編輯

閣下好勇

其實我個句重點不在於勇，係在於“隨隨便便”

kirstyau

medicine 發表於 20-6-27 23:43
其實我個句重點不在於勇，係在於“隨隨便便”

“好勇”重點在點名“有人”
跟著有人會發表水蛇春咁長偉論點“隨隨便便”考入百年老校。

我都係蒲少啲EK, 過埋呈分再出嚟

medicine

kirstyau 發表於 20-6-27 23:46
本帖最後由 kirstyau 於 20-6-27 23:52 編輯

“好勇”重點在點名“有人”

係喔。請問邊度有重防裝甲？準備定好啲……