點解咁多人要去外國讀考A level?

lavender_mum

本帖最後由 lavender_mum 於 20-7-6 16:43 編輯

容我分享少少，本人20年前去英國boarding school讀year 10 (即香港F.4) 之後經non japus考入香港大學
本身香港讀書ok，大約bank 1尾，強項文科如中文中史。但係自己知自己事數學差，怕過唔到會考嗰關，同埋想操好D英文oral，自己主動要去英國升學。

英國讀GCSE, year 10第一個term啲功課已經計分，嗰陣人生路不熟，未摸到評分標準（香港中意寫一大串賣弄文筆，英國在意point同logic) 所以都吃力，加上要pick up英文，會考不過不失，起碼Maths有B。其實大部份中國人都攞A/A*，我已經係好差，不過點都叫passed，可以繼續升學。點都好過留響香港因為數學而99%要repeat F.5

上到A-level, 真係要講句如魚得水，因為你可以選擇自己喜歡嘅科目。我呢啲數學白痴既文科人揀左A-level history, music，AS-level econ, politics, 加多科中文，已經叫4科半，純文科。其實都辛苦，因為咁多paper要做，加上自己始終係中國人，同科既全部係英國人，要追進度。但因為可以完全響自己專長嘅範圍打大佬，感覺到自己越讀越順。之後揸住2條A返香港讀U

自己感覺英國A-level可以俾學生多啲選擇，純文/理都得，如果你係通才，想文理科mix up又得。而家香港DSE個個都要考通識，如果有啲理科人枝筆本身唔係咁叻，根本就係響泥沼打仗。

同埋英國每一科每個topic之間一定有linkage, 你讀嘅範圍可以好深入，但係由於大家有所關連，你都係會讀得好順暢。但我返香港讀U，會發現topic更多全部都好似唔關事咁，每科都只係蜻蜓點水（後來同學話我知係因為大學想營造效果啲學生個個乜都識）

我唔敢講邊個制度好D。個人觀感：響香港讀書個人本身真係要smart，轉數快，適應力強，通才。
響英國，因為每一份功課都計分，有少少似係打持久戰，每個topic有關連你要讀嘅嘢都好多，最重要係考你毅力。俾心機一定有成果。

當然學生嘅心理質素都好緊要，唔好淨係諗住掛住玩/癡返香港人埋堆，咁樣會學唔到英文，浪費大好既留學機會。自問英國呢4年堅寒窗苦讀，考埋音樂奬學金，term break都冇出London玩。