有冇人係三條一落選後卻不獲面試安排？

tcm1018

Soycocoa 發表於 20-6-24 22:44
我同你應該係同一校網，我揀了官校111，派唔到，叩門也沒面試機會
反而最後發現有人沒有111卻獲接見了
...

我知你講邊間
真係要睇學校作風
但學校咁既做法，真係吾要得，家長111你，證明好鍾意先會咁填
但個別學校可能吾係睇誠意，係睇小朋友有幾叻

tcm1018

Sadonnahon 發表於 20-6-24 23:14
我們也覺得奇怪，沒有證書，000有多間面試。所以111 的作用是？

要睇學校做法，間間吾同，有d學校111係入埸卷，冇111連報名都無得報

Soycocoa

tcm1018 發表於 20-6-24 23:23
我知你講邊間
真係要睇學校作風
但學校咁既做法，真係吾要得，家長111你，證明好鍾意先會咁填

自問小朋友唔差的，讀私幼，語言和學術都不錯，只欠表面的證書和獎狀，這次叩門過程也讓我重新了解這學校可能不太適合我小朋友

ipki

Soycocoa 發表於 20-6-25 01:38
自問小朋友唔差的，讀私幼，語言和學術都不錯，只欠表面的證書和獎狀，這次叩門過程也讓我重新了解這學校可 ...

心態正確
叩門時也可以進一步了解該學校
由安排以致當天老師的接待
你會有不一様的感覺

Hippos

felicia113113 發表於 20-6-24 16:39
有冇人遇過學校要求111/110優先，最後111沒有面試機會，反而多名第2-4志願的同學獲得面試機會？
部分學校會 ...

學校宣傳時講111/110， 都要睇下佢用什麼字眼， 有時可能是美麗的言語偽術....

"111/110 優先考慮" : 即係學校考慮完你，最終收個000嘅，你都唔可以話佢唔啱

"111/110一定有得in” : 即係無111/110 都可能有得in, 最終可能都係好多人一齊爭

"只會 in 111，其他唔收表” : 呢個最明碼實價， 亦只有年年乙一都收唔哂嘅熱門學校先俾得出呢個承諾，但留意，咁亦唔代表111一定有得in

我曾經收過一間學校的宣傳單張 (唔係今年)， 知佢以往放乙三乙四都入到，但宣傳單張就話嗰年競爭激烈， 叫人填佢111先確保有位，我即刻對嗰間學校的印象大打折扣。

cherry_tse517

真心被呃了，家長會佢話111,有去體驗日，一定俾機會in。
最後連見的機會都沒有，話只係優先考慮😤

Poyau

Hippos 發表於 20-6-25 11:40
學校宣傳時講111/110， 都要睇下佢用什麼字眼， 有時可能是美麗的言語偽術....

"111/110 優先考慮" : 即 ...

學校宣傳單張意思可能係······
嗰年[招生]競爭激烈
填佢111先確保有位[夠學生開小一]

timothy_mto

cherry_tse517 發表於 20-6-26 04:59
真心被呃了，家長會佢話111,有去體驗日，一定俾機會in。
最後連見的機會都沒有，話只係優先考慮😤 ...

咁就應該寫得清清楚楚 提完一次又一次
唔好誤導，害人子女

堂堂一間名校，唔收咪唔收囉。

過主搵第二間，好來好去。

寫埋啲咁嘅嘢，想呃人 1 1 1

如果你學校最後收世襲， 叻嘅。

1 1 1 呢啲所謂誠意嘅嘢。係多餘

你學校自high,但害左個小朋友一生人一次嘅小學選擇

教育局係咪有責任，有無審時度勢 與時並進。

仲係70-80年代？

提醒呢啲學校唔應該咁樣誤謝導家長

宜家唔係買嘢 簽合約
垃圾111學校，垃圾教育局

利申： 土生土長香港人，都係 111 無得見受害者，實錄網個間好出名嘅男校（正垃圾）， 仲要被教育局審查地址 交完水費單， 又交租約， 又要上門家訪，麻煩擾民，然後又派間垃圾小學比人，宜家一身蟻，都唔知點收科。

felicia113113

回覆 Charlotte_mom 的帖子

我意思係我自己派第二志願，叩門111嘅學校居然冇得in，相反好多人非第一志願甚至第4志願都有得面試

babytt2

felicia113113 發表於 20-6-26 09:54
回覆 Charlotte_mom 的帖子

我意思係我自己派第二志願，叩門111嘅學校居然冇得in，相反好多人非第一志願甚 ...

講到尾111都不代表什麼，學校叩門生，當然想揀最優秀學生，亦即係睇實力，中普英，禮貌，家底

quincy00

我都叫人唔好111..
佢話優先啫. 冇話一定收.! 叩門都係有能者居之..
非除你個小朋友係好叻. 合乎晒學校既需要先好揀111.

Reitsal

我都覺得111害人不淺，攪到啲家長連甲部填第間學校都唔敢，希望即使唔中都可以博到個唔知真唔真有定冇嘅111誠意分博扣門。見到啲家長將痴心錯付，我都戥佢哋唔抵！

Charlotte_mom

felicia113113 發表於 20-6-26 09:54
回覆 Charlotte_mom 的帖子

我意思係我自己派第二志願，叩門111嘅學校居然冇得in，相反好多人非第一志願甚 ...

我姨甥幾年前叩返111，學校做法係111一定見，非111揀人見
好了，到有非111入到，111落空，咪一樣鬧！話111面試無非一場show盛盛

其實全港只有好少數學校真係做到111有絕對優勢。例如筲崇我幾欣賞佢講得出又快靚正，我朋友111係放榜即時收表，下午面試，第二日已收offer。而非111就要等處理完111申請先

fly830807

將軍澳區x循就是，我已被騙。面試都無。這種姿態，我完全看不到基本尊重。

felicia113113

回覆 Soycocoa 的帖子

我係74校網 ，111選了區內唯一一間佛教學校（絕對非一線學校，只是近3年由於供求關係大大改變，從2線變身1線），該小學今日下午就會面試，至今問左10幾個有份面試嘅同學仔或社交平台嘅group，未發現一個係第一志願！我問10幾人，冇1個係第一志願，但都有得去面試！相反我111+學校每年舉辦的所謂「資優啟迪」課程畢業證書，連面試機會都冇！

我交表時已經受盡收表書記嘅白眼，人人都有一個叩門編號，我問書記佢直接hea我話「你冇㗎喇唔洗㗎喇」，當時已經將我交表嘅超唔愉快經驗講比身邊朋友知，仲預言自己可能連面試機會都冇，第一感覺係個書記可能轉頭就掉落碎紙機咁（佢比我嘅感覺係咁），證書、portfolio、成績表等書記都唔肯收（其他家長有收但我嘅偏偏唔收）

該校校長在開放日、幼稚園升小簡介會，親自講自己學校叩門要111/110優先，在資優課程畢業禮也口頭承諾你們這裡畢業一定會有面試機會！見我仔係度學左4堂又開心，我仔非常鍾意該小學，本身又住得近，對學校認識多左都好滿意，所以唔博其它更熱門學校，就111選佢，諗住就算運氣差，都有得面試兼會優先考慮。但冇諗過結果會係咁，完全出爾反爾，校長講一套，下面做一套，網上公佈又係另一套，完完全全呃左我全家！我老公仲話當初口響響咁講，宜家連面試都冇，完全浪費111係呢間學校，如果係咁當初博光明英來（人地收300幾份叩門表都搵返111嘅100多份黎in喇），如果面試我仔表現差我接受，但真係覺得第4志願都有得in，資料又唔收，咩意思姐！

felicia113113

回覆 quincy00 的帖子

我不滿係連見都冇得見

quincy00

felicia113113 發表於 20-6-26 10:27
回覆 quincy00 的帖子

我不滿係連見都冇得見

你有冇打去問?
=> 我已見到喇.

我一定會發爛渣........
還掂你都唔比我IN. 同真心被騙咁.!!

felicia113113

回覆 quincy00 的帖子

有send email 但未有回覆，附件有把我仔係該小學獲得的證書、獎狀，參加過的活動等比埋佢！有係email提及2019年9月你地校長點講之類

今個星期我打過2次
星期一佢答覆：呢2日會繼續打電話建議耐心等候
星期二答覆：合適嘅會通知面試，未收到通知代表落選

felicia113113

回覆 timothy_mto 的帖子

學校真係應該講清楚自己係咪一定要111先有入場資格！
唔好周圍講叩門要111最後冇得見仲要比家長知道好多人第三志願之後都有得in！
我欣賞有啲學校（光明英來）簡介會講明，往年開7個班，抽中機會係1/3，今年開5個班，抽中機會...
我地過往收表幾百份，111或110係入場資格，會安排面試所有有誠意嘅學生，人地真係做得到

講得出要做得到！
順口開河真係好乞人憎！仲要我全家居然信左！

timothy_mto

quincy00 發表於 20-6-26 10:02
我都叫人唔好111..
佢話優先啫. 冇話一定收.! 叩門都係有能者居之..
非除你個小朋友係好叻. 合乎晒學校既需 ...

但宜家啲幼稚園 間間都叫人1 1 1搏叩門位
講真 叩得門 有幾多位收人， 心照啦

仲叫人 1 1 1

買張六合彩 機率都高高仲叩門

你話係咪害人

就等於餾中產家 叫你買架300萬嘅跑車

離地 不切實際