用戶登入
用戶名稱:
密      碼:
搜索
教育王國 討論區 小一選校 點解小一要靠抽獎咁唔公平?
樓主: BabyBookBu
go

點解小一要靠抽獎咁唔公平?  

Rank: 6Rank: 6


9780
發表於 20-6-18 23:19 |顯示全部帖子
NNbaby 發表於 20-6-18 23:00
我覺得無準備過考/抽邊間學校,無睇過學校資料,無認真思考過,求其聽路人甲乙丙篤中間甲一/乙一神津,嗰啲 ...

本帖最後由 02413124 於 20-6-18 23:19 編輯

你呢個case令我諗起一位朋友,佢同佢幾姊妹都係天神舊生,有宗教分,但冇一個既女入讀,原因係怕左,覺得太谷

Rank: 4


592
發表於 20-6-18 23:22 |顯示全部帖子
係啦去叩啦~好辛苦好谷架

Rank: 5Rank: 5


2258
發表於 20-6-18 23:23 |顯示全部帖子
02413124 發表於 20-6-18 23:19
本帖最後由 02413124 於 20-6-18 23:19 編輯

你呢個case令我諗起一位朋友,佢同佢幾姊妹都係天神舊生, ...

咁佢啲女係咪入咗同天神差唔多level或者更好既學校?又或者揀咗IS?

Rank: 5Rank: 5


4216
發表於 20-6-18 23:33 |顯示全部帖子
honeybibibibi 發表於 20-6-18 22:07
咪就係無唔公平囉。
人人都可以參與,人人都可以靠實力去考個直私再抽獎架麻。
而抽獎講運氣,叩門又困難 ...

唔係好明抽奬好唔公平呢個道理

Rank: 6Rank: 6


9780
發表於 20-6-18 23:33 |顯示全部帖子
NNbaby 發表於 20-6-18 23:23
咁佢啲女係咪入咗同天神差唔多level或者更好既學校?又或者揀咗IS?

各有不同,有小學入左IS,又有先入左地區津小,入左地區津小既中學又有上番地區津中,又有轉去IS

Rank: 5Rank: 5


1190
發表於 20-6-18 23:44 |顯示全部帖子
世襲都未必係好事。自行為左穩陣要揀佢,結果20分唔中,去到統一派位又同自己講冇理由唔繼續揀佢,甲部唔揀佢萬一去扣門機會會唔會細左,成個過程都俾佢牽住走嘅感覺。我諗如果自己冇世襲,喺揀幼稚園時會諗多啲,喺直私面試度會進取啲,會比較多啲區內其他嘅學校。

Rank: 5Rank: 5


3214
發表於 20-6-18 23:48 |顯示全部帖子
回覆 Reitsal 的帖子

兄弟姊妹讀更唔係必收咩?



Rank: 6Rank: 6


9780
發表於 20-6-18 23:50 |顯示全部帖子
tummypooh 發表於 20-6-18 23:48
回覆 Reitsal 的帖子

兄弟姊妹讀更唔係必收咩?

呢個世襲指舊生個5分

Rank: 5Rank: 5


3214
發表於 20-6-19 00:02 |顯示全部帖子
回覆 BabyBookBu 的帖子

樓主,其實抽獎正正係俾個啲「什麼也沒有的人」一個機會。世界本來唔會公平,而家係要在不公平中盡量公平,就算你小朋友好叻好醒,但面試唔出聲,咁面試又唔公平?要筆試先公平?

有人有運,冇錯,但填表時冇人知邊個有運,所以先會有人研究點填表。大家都係懷著同一個心情擔心一年。當然有啲人真係好好運,咩都冇準備,聽人講呢間好,就填一間就入左,跨區甲一中神津。但都係個句,填表時冇人知自己係咪幸運兒。

有前人福蔭,呢個又兩睇,私校,睇血統,睇傳承,或者信得過自己教出來的學生的下一代可以繼續保持學校的光榮,難免偏心,但人地始終係盤生意(請原諒我咁講,但佢地都要業績(成績))。要講唔公平,官津的自行收生加世襲制就真係唔公平,因為啲 一線學校俾世襲用左唔少位。應該全部拎晒出黎抽就公平。

寶校點做成?其實咪大家家長做成囉,一傳十十傳百,個個都唔願去,去左就年年走,想搞好都有啲難。當然,講就更係好好聽,大家做家長,個個都想小朋友入最好的學校。

Rank: 5Rank: 5


1190
發表於 20-6-19 00:02 |顯示全部帖子
而家都算幾公平,家長可以做好多嘢去改變宿命,如果要再公平啲可能要將全港學生分區隨機派入學校,所有學校唔再有banding,唔俾公開dse成績,神校消失,到時家長唔會因為比較而有壓力,有壓力而唔開心,唔開心就發洩落小朋友度,學校都少左壓力要谷行啲小朋友,小朋友讀書就開心哂喇太眼瞓,開始發夢

Rank: 5Rank: 5


3214
發表於 20-6-19 00:04 |顯示全部帖子
回覆 02413124 的帖子

呢五分唔算絕啦都係唔公平。

同校在讀中兄姊真係攞你命三千~~~~

Rank: 5Rank: 5


3214
發表於 20-6-19 00:07 |顯示全部帖子
回覆 Reitsal 的帖子

冇啦分區已經係有唔公平,九龍塘何文田,真係唔係話你想住就住~~~

最好成間學校啲老師年年調囉,哈哈,成間喇叭老師調去寶校教~~~互換,三年一換~~~~可能可以幫寶校起死回生呢~~~~

到時可以一間神校變兩間~~~~繼續發夢~~~~

Rank: 6Rank: 6


9780
發表於 20-6-19 00:12 |顯示全部帖子
tummypooh 發表於 20-6-19 00:04
回覆 02413124 的帖子

呢五分唔算絕啦都係唔公平。

佢加埋宗教分,25分,天神都應該大機會,早幾年識人20分waiting中,不過冇要


1656
發表於 20-6-19 00:13 |顯示全部帖子
提示: 作者被禁止或刪除 內容自動屏蔽

Rank: 5Rank: 5


1190
發表於 20-6-19 00:26 |顯示全部帖子
回覆 tummypooh 的帖子

分區係覺得小朋友應該就近入學,如果到時乜數據都冇,所有學校睇齊,冇分九龍塘定觀塘啦,唔駛換老師咁煩嘅,或者都可以淨係換左個校長

Rank: 5Rank: 5


1416
發表於 20-6-19 00:29 |顯示全部帖子
世界無真正公平,而家呢個制度已相對衡量各方因素,我覺得算係咁。
兄姊在讀必收,係出放人道照顧理由;
宗教人士的確會傾向找相同宗教學校
自行可以話係衡量「關係」

抽獎按地區不按關系,只要你住該地區有同樣可能抽中熱門校,不論才智,不論關係,只論運氣。
呢部份人人平等,分區抽也分便學生就近上學,都合理。
到一些無關係、無運的人,佢仍可靠己才智和努力,去考直私或去叩門。


Rank: 5Rank: 5


3214
發表於 20-6-19 00:35 |顯示全部帖子
回覆 02413124 的帖子

宗教分,恕我直言,每年都唔少人為左個五分入教。當然,呢樣又好公平,因為個個都可以咁做~~~睇你過唔過到自己個關了。


Rank: 5Rank: 5


1798
發表於 20-6-19 00:36 |顯示全部帖子
NNbaby 發表於 20-6-18 23:00
我覺得無準備過考/抽邊間學校,無睇過學校資料,無認真思考過,求其聽路人甲乙丙篤中間甲一/乙一神津,嗰啲 ...

我亦聽過一d cases,乙部全填同一間小學,俾佢咁Q又中到。真係bear一聲       

Rank: 9Rank: 9Rank: 9


22765
發表於 20-6-19 00:49 |顯示全部帖子
中獎咪公平,唔中獎咪唔公平,冇一定制度係公平,總有人吃虧。e.g. 明明我屋企近喇沙總近過天主教領島,點解上天咁唔公平?點解我明明考第一但因為師姐師兄考得差,我只能夠屬於 Band 2 組別?點解嗰間學校唔接受 000,明明我個仔學術已經有小二能力,琴棋書畫樣樣得?

大抽獎就係畀 N 無人士一個平等嘅機會。你有料嘅咪自己去考直私、叩門、插班。命運永遠掌握在自己手中,有唔少學校擺明只睇學術,有學校只睇課外活動,有學校冇考任何野齋 talk,評核左都唔知。如果今年唔得,咪靠自己努力來年考返出去其他學校。你係有料嘅,一定有外面更好嘅學校收。冇料嘅,抽到靚靚一線可能都係惡夢開始。

父母唔一定畀仔女讀返自己間小學,甚至間小學都可能執左。

5、6 歲人仔要考試,咁同訓練機械人有何分別?即係要小朋友考 Pre-P1?呈分家長搏殺,唔少都科科補習谷學術,如果要 Pre-P1,咁兒童就真係冇快樂童年,個個走去谷學術。

Rank: 5Rank: 5


3214
發表於 20-6-19 01:27 |顯示全部帖子
本帖最後由 tummypooh 於 20-6-19 01:38 編輯

我覺得呢個post可以申精置頂,或者每年六月拎返出黎置頂~~~

小一只係一個開始,派得唔好可能要辛苦啲跳船,派得好都唔一定佢可以一直坐個架船去到終點。

以下有啲長,我自己經歷︰

可能有人會話針唔吉到肉唔知痛,你地更係講風涼話。老實講,雖然都係陳年舊事,但都可以講下︰30年前我升小學,當年更係冇咁多神津神私,有都唔關我呢啲草根家庭事。話說我係屋企第一個小朋友,我讀區內幼稚園啦,當年係有名次架,考過第一架。當年資訊冇咁發達,我媽普通主婦,當然係咩都唔識啦,結果我就好「幸運」地被派左去一間當時都唔知佢仲有冇人讀的學校,個校名我仲記得,港九酒樓茶室總工會第一小學,係咪勁。而家當然已經唔存在,當年個校址好似係喺某一大廈的二樓。絕對比你地而家所謂的寶校勁。寶中寶。直頭係成仙級。
有冇去讀?當然冇啦。當年已經有叩門呢家嘢,真係我都唔記我媽有冇跪拜了,反正最後叫做有另一間學校收左我,天主教總堂區小學(仲存在)。

到我細佬,當然佢就幸運好多啦,有我呢個大佬幫佢食左嘢,佢就入左聖安多尼小學,好好架啦,當年同聖彼得都差無幾。

跟住我點?我咪係個間學校錄左幾年,錄到小三升小四又求又咩,終於入返同我細佬同校。當年我成績係差架下(至少唔係勁啦),但最終我都算為校爭光,係幫佢地整靚升中數據的一員。(據聞我好似唔知點解有個聖彼得下午校的offer,不過因為下午校唔去,勁)

我個故事,應該係真人show先啱,可能已經過去太耐,但點都有啲參考價值。只想話俾大家派位不如意的人聽,你地個間點寶都寶唔過我個間,一步一步咪又係走出黎,我都唔知點解當年啲校長會收我,但結果冇令佢失望啦。當然轉校後,我媽都有用佢所能「谷」下我啦,功課輔導班、每星期一堂的英數加強班、學能測驗班(強項),所以與其係度叫唔公平,不如開始諗下之後點行。當然而家對小朋友要求更高啦

可能因為咁,我而家都係成日話我皇后,做咩咁辛苦要個女咁咁咁啫~~~

浪費左大家時間,唔好意思。