自閉症傾向小朋友

錫錫BB糖

各位媽咪，好安慰終於搵到一個比我傾傾的渠道！
我仔仔今年三歲啦，剛剛返了二星期學就比老師投訴佢！
未返學之前，我都好驚，唔明白點解佢成日都唔理人，又容易發脾氣，有D心知不妙！只不過老爺奶奶(佢地都係以前在中國行醫)話細路仔係咁喔.......死啦，依家老師提議我快D搵專家睇睇，你地可唔可以比D意見我呀？
好擔心BB的媽媽

flysss

你個小朋友有無去健康院做評估測驗?如果有懷疑, 一定要快去排位評估和訓練,無事就安樂,有事就快些找服務. 香港什麼服務都要排, 唔好等啦.

錫錫BB糖

有呀，但係健康院D姑娘話6個月之後先再睇睇喎，咁應點好呢？

錫錫BB糖

健康院D姑娘話BB半年後先返去睇睇喎，今晚同老爺奶奶傾過，佢地終於都同意帶BB去做D評估！佢地話幫我問下D朋友，其他媽咪有冇提議呀？
真係好驚，好驚BB真係有問題..........佢係屋企個寶，有咩事都唔知點同老公屋企交待，點對得住BB......好辛苦！

longfung

錫錫BB糖,

其實不要太害怕及給自己太大壓力, BB有事最傷心難過一定是媽咪, 跟本無需要向任何人交待, 我當年除了老公支持外, 莫講話老爺奶奶連我自己的父母及朋友都認為我太緊張(因囝囝當時是兩歲未夠就去評估), 但事實證明我是沒錯, 令到囝囝可以早一步接受治療, 早一步去追回落後, 所以今日囝囝4歲半差不多可以追到適齡的程度(他以前是落後一年).
其實現在小朋友的發展遲緩真的很多及沒法解釋, 有時問題並不是在任何一個人身上, 有時家人過份保護及溺愛都有很大影響.            
其實坊間都有很多提供私人評估的機構, 會是最快的途徑, 因為等半年後再去評估中心, 就算它給你安排評估又要等半年, 根本就浪費時間.
比較多人去的機構有 :
1. 協康會青蔥計劃
2. 痙攣協會
你亦可以去稚言稚語的信箱查詢.

AppleJennifer

TO: 鍚鍚BB糖
仔仔3歲時也是由健康院姑娘發現有事，由健康院之醫生寫轉介紙去評估中心，評估中心於短時間內約見，於26/5/2005姑娘首先做評估，姑娘通知要再排4-6個月才可見醫生及其他專家。當時有一個我認識之社工提議我致電聯絡評估中心表明非常擔心仔仔情況，催促希望可盡快安排時間約見醫生，果然評估中心於2個半月後(10/8/2005)安排仔仔約見醫生，請嘗試致電健康院催促。

你亦可到私人機構做評估，但費用較昂貴 (以每小時計算)，而且私人機構都會建議你繼續等候評估中心之約見及由醫生正式判斷是否有問題，而所有日後之訓練都需評估中心之醫生及社工轉介排隊及安排，因一般打工仔小市民真不能長期承擔在外接受訓練之費用。如果經濟上許可的話，當然私人機構可優先，否則還是需要等待政府轉介。

請不要太擔心，盡量與你老公多放傾談，放開心情，不要為未知之結果而怪責自己，要知道小朋友有問題不是你一個人之錯誤。
努力！加油！要勇於面對。
    

錫錫BB糖

多謝所有BK媽媽鼓勵!
我會努力克服困難, 陪BB一起面對!!!
現在正四周圍搵d專家幫BB.......
好欣慰老公,老爺奶奶都有幫手.......
老爺的兒科朋友明天就會見bb,
總之過埋個測驗先算!
我希望可以同所有BK媽媽交換d湊仔仔心得, 請多多指教!!!

錫錫BB糖

今日仔仔見完兒科醫生啦！話佢整體上的發展都比一般同齡小朋友低九個月，聽到佢句說話，簡直想喊出來(雖然一早有心理預備！
醫生仲話仔仔有自閉傾向，提議儘早比d訓練佢！
我巳經打電話去健康院，都係得個等字........我唔想再等，我想比仔仔去私人機構做評估同訓練，你地覺得點呀？
同埋，......真係覺得好心亂如麻........唔知仲應唔應比佢讀呢間幼園(都幾demanding !)

longfung

錫錫BB糖,

既然已經經兒科醫生作了評估, 你應該叫醫生寫信直接去你自己區域的兒童評估中心要求見醫生(無需要經健康院), 經醫生評估後會提供適合的訓練, 通常是讀混合位的幼稚園或上早期訓練, 但通常還要等差不多一年; 另一方面你亦要向私人機構, 例如協康做評估及訓練, 由於私人訓練的收費並不便宜, 排到早期就會化算很多.
其實你囝囝都只是k.1, 若果你覺得現在的幼稚園是不能夠包容你囝囝的行為, 我覺得轉校是一個明智, 因為這表明這間學校的愛心是不夠.
其實你現在只有一條路, 就是同家人一同努力及積極去面對囝囝的問題,(坦白說相信你自己都知道小朋友是有問題, 但沒有積極的面對, 所以才等到學校投訴才面對現實) 正如醫生說盡早爭取時間比訓導佢, 小朋友有很多發展, 過了七歲之後就沒法追回, 好好把握時間!!!

wcandtt

真係要同時間競賽，大家要努力，加油，唔好灰心。

錫錫BB糖,

我

錫錫BB糖

仔仔見的是私家兒科醫生，跟住仲見埋醫生介紹的心理學家.......佢地都話仔仔有自閉症傾向(但又唔肯好confirm喔！
我已經打電話比評估中心同青蔥，全部都要等排隊等安排，同埋原來青蔥係要收私人價............真係依家先知政府比咁小資原D有問題小朋友！
Thanks所有support 同 reply 我的媽媽！我會著力搵training比仔仔..........
仲有，我仔仔叫"瀚滔"，今年三歲二個月，最鐘意The Incredibles and Thomas 火車!!!待佢多謝所有姨姨的關心!
祝呢度所有媽媽同小朋友有個快樂中秋！！