CKY vs LS

993rs

wcyjessica 發表於 20-6-12 09:36
首先要明白，2間真係好唔同既學校，

CKY在課程編排上，沒有課本，引入圖書教學校本課程。一至五年級小學 ...

「家長不是用操練去跟貼進度，而是和小朋友一起搵資料，一起去探討學習。」

好多人誤以為相當於家長幫手做 Project。

其實EK 對 CKY都有唔少誤解，不過為免騎劫個 post 唔係呢度講。

就 LS vs CKY 而言，其實係 curriculum 既選擇。如果家長既 focus 主力已放系計較分數（唔係唔睇，而係兩間已各有各好、有良好track record，再仔細比較，對12年後自己小朋友意義不大）、名氣，某程度上反映你家庭唔會適應 CKY 既教學模式，日後好大機會後悔，咁揀 LS 就是了。

樓主同 daddy 既分歧，以我家庭既解決方式係：如果無法說服對方，咁邊個負責跟學業，就邊個做選擇。

HappyBabyJump

993rs 發表於 20-6-12 10:39
「家長不是用操練去跟貼進度，而是和小朋友一起搵資料，一起去探討學習。」

好多人誤以為相當於家長幫手 ...

我會和爸爸找到共識，選擇適合的，因為大家會為孩子付出，也愛錫孩子，不會因誰跟功課誰作決定的方向去諗。
我好多謝大家的留言、分享和分析，令我們可以反思再反思。

993rs

HappyBabyJump 發表於 20-6-12 11:56
我會和爸爸找到共識，選擇適合的，因為大家會為孩子付出，也愛錫孩子，不會因誰跟功課誰作決定的方向去諗 ...

我意思唔係代表揀左 CKY，mommy 就可以不管（或相反）。

我個情況係我較了解 IB，老婆有 hesitation。最終都係要有某程度共識，揀左 CKY。但我有責任 lead 住 both 小朋友以及我老婆。

你老公鐘意 CKY，揀唔揀都好，前題要肯定了解呢個 curriculum。無論邊個 curriculum 日後都有機會有 challenge，要有人帶頭面對

fundad

從現行社會及政治情況，唔知揀津校行local system 定係揀私校行IB好呢？

F15X5

DSE同IB係兩個好唔同嘅課程，最緊要係小朋友適合邊一個，但講真小朋友咁細係咪真係睇得到呢？我小朋友自細讀local School，中學二年級才轉去國際學校讀IB. 我想講嘅係讀local School其實都可以因為小朋友的能力轉返去讀IB或A-level，當然前提係英文一定要OK。

小曳人

fundad 發表於 20-6-12 13:08
從現行社會及政治情況，唔知揀津校行local system 定係揀私校行IB好呢？

以現時情況，我會揀留返舊錢，走得郁就走！只係初小，第時仲有大把機會學好英文，上IB課程

(個人睇法，不喜勿插)


但如果唔打算走，咁EDB管唔管到國際學校/私校嘅課程先？要讀，就讀間佢管唔到嘅

Soundervolt

壓力多來自家長本身。英文Oral好唔好亦唔係學校有幾多倜NET去決定質素，而且唔係單靠學校就可以有好嘅Oral能力，國際學校學生之間會用英語交談，本身亦多英語為母語學生，語境同任何本地學校都會有分別，不過以我所感受，LSPS喺英語水平仲未去到唔掂嘅水平....要比較呢類傳統名校唔係只比較成績，而要睇埋佢地嘅文化、視嘢、軟實力等質素，例如LSC學生可以參加好多本地以外甚至世界性嘅頂級課外活動，例如中學時有機會到愛恩斯坦母校ETH、以色列WIS等summer program....而且傳統名校嘅成績表喺海外名牌學府都有佢一定份量嘅認受性，對升學海外十分有幫助。CKY無論成績幾好都要用多年時間去建立呢尐軟實力~

poonseelai

小曳人 發表於 20-6-12 15:23
以現時情況，我會揀留返舊錢，走得郁就走！只係初小，第時仲有大把機會學好英文，上IB課程

(個人睇法， ...

暫時私校仍有自主權，遲下唔知，國內國際學校亦受國家監管

djf

我孩子當年入了 CKY，後來入到喇小，6年後過了馬路，現在讀大學了。
我將 CKY 的學費拿來給孩子學英文，及學其他，現在他的英文十分好，見工面試很著數。
CKY 也是一間十分好的學校，但我仍很感恩能入到 LS，他有一群非常好的朋友，成績好人又乖，個個都是女孩子眼中的男神。

Soundervolt

小曳人 發表於 20-6-12 15:23
以現時情況，我會揀留返舊錢，走得郁就走！只係初小，第時仲有大把機會學好英文，上IB課程

(個人睇法， ...

乜您覺得EDB管好多La Salle嘅運作咩？

02413124

poonseelai 發表於 20-6-12 16:16
暫時私校仍有自主權，遲下唔知，國內國際學校亦受國家監管

但事實香港國際學校越來越多內地家長
而家長亦都是持分者

poonseelai

Soundervolt 發表於 20-6-12 18:16
乜您覺得EDB管好多La Salle嘅運作咩？

well, now it's just the beginning.
近日，对免於恐懼的自由這句話，有新的體会

Soundervolt

poonseelai 發表於 20-6-12 20:06
本帖最後由 poonseelai 於 20-6-12 20:11 編輯

well, now it's just the beginning.

咁有啲嘢又真係離譜咗啲，例如早前有關「鴉片戰爭」嘅問題

小曳人

Soundervolt 發表於 20-6-12 18:16
乜您覺得EDB管好多La Salle嘅運作咩？

not now....

小曳人

02413124 發表於 20-6-12 18:41
但事實香港國際學校越來越多內地家長
而家長亦都是持分者

我老細個女讀屯門國際學校，佢地屋企上一代俾CCP 慘害過，但個女好藍，身邊d同學連鬼仔都係藍，所以係另一樣文化，有需要嘅家長可以考慮埋呢點

02413124

小曳人 發表於 20-6-12 21:42
我老細個女讀屯門國際學校，佢地屋企上一代俾CCP 慘害過，但個女好藍，身邊d同學連鬼仔都係藍，所以係另一 ...

聽聞hello有7-8成
其實越多做生意或有錢既家庭都會有偏向，因可能已有外國護照或做生意，想社會穩定，好多原因。

GreenMaDad

我覺得後路是很重要的，如果經濟非常充裕，我覺得揀CKY問題不大，因讀後覺得有問題，可以試揾IB補習，再吾好，去外國讀也可。但如果是普通家庭，甚至普通中產，LS係一個穩陣的選擇。
LS係一間全面的傳統學校，响乖巧務實同醒目活潑中有一個好平衡，但始終有小朋友不適合，如真的發生，轉到其他學校都不難。