用戶登入
用戶名稱:
密      碼:
搜索
教育王國 討論區 課外活動 Kings 藝術體操 - 疫情影響都無補堂
發新帖回覆
查看: 351|回覆: 5
go

[舞蹈] Kings 藝術體操 - 疫情影響都無補堂

Rank: 2


80
發表於 20-6-8 06:31 |顯示全部帖子
⚠️⚠️⚠️大家報讀幼兒課外課程要注意⚠️⚠️⚠️

請問有無上緊/打算報/剛報左❗️King’s  藝術體操❗️的家長

❌唯一一間受疫情影響的課堂無酌情處理❌

事源我幫我讀緊K3嘅女係King’s 體操學校報左8個月課程(9月一4月,每星期2堂),疫情期間,體操學校2月停課,但佢地係全港學校仍然停課、疫情仍然嚴重的情況下決定3月復課,俾家長可以預約時間上堂,或選擇網上課堂,考慮到安全問題當然唔敢俾呀女出去上堂,但自己要返工,而體操涉及柔軟動作,又會用到不同工具,係屋企上堂有一定難度同危險性,所以向學校繼續請假,諗住疫情好轉先返去上堂
但見疫情持續,我4月份都開始試網上課堂,由每星期2堂(2hrs) 變成每星期一堂30分鐘zoom+教學影片,上zoom期間,家長一定要在旁協助,期間技術上又時不時出現問題,體操動作時高時低,導師跟本未必睇到個學生每個動作做得啱唔啱,睇教學影片又要家長協助login ,每條link得5日有效。

問題來了,我交學費到4月,講真我都怕間學校因疫情影響話執就執,但我又想俾小朋友繼續學,所以就算網上課堂唔方便,我希望學校順延我的課程,諗住未返到課室上堂之前繼續以網課上住,補返2-3月的堂先,但佢地話至少交3個月學費,要keep住交學費先可以申請補堂

係呢個經濟環境,我有2個月未上嘅堂,又要我再交多3個月,點知會唔會隨時執笠,我當然唔搏,電郵向學校申請順延又唔覆,電話又唔聽,whatsapp唔覆,FB又唔俾我留言,唔知係咪block左我,連消委會出信佢地都唔覆,本來期望可以順延之後繼續係果度學,而家似乎唔使諗,唔通要做潑婦去踩場🤦🏻‍♀️

下一步只好法律途徑追討,有無同樣情況的King’s 家長嗎?

只怕疫情反覆,家長們報讀課程要注意,小朋友健康平安才是最重要

Rank: 1


14
發表於 20-6-15 11:47 |顯示全部帖子
本帖最後由 pphhpp_hh 於 20-6-15 11:55 編輯

呢間野黑心到爆,之前樣樣都要錢我已經算數,但這次疫情令我決心退學,不會再俾一分錢佢賺。
全港學校都停課,但它竟然要求我們三月就去人流密集的南豐中心復課,小朋友帶住口罩又如何做運動。做動作時口罩不會移位?
我不同意去中心上課,佢就提供另一個選擇網上課程。excuse me?我付出真金白銀是老師面對面授課,在家自學我不如自己睇youtube。香港地甘窄,屋企邊有位置可以做藝術體操的動作,有些考試動作都比較危險,家長要上班如何顧得到?
我仲報埋UKRG的考試,佢就話我出席率不夠所以無資格考。甘都算,佢又要求在學費期之内補完全部課程?而延長補課期的話就要再交學費。在正常上課之餘要另外補課,一日要上幾多個鍾先夠?完全不考慮學生的體力及承受能力。
俾家長的郵件入面就寫住要大家共渡難關,請問佢連順延都唔肯又有咩損失?實情是將所有的責任及損失全部轉嫁給學生及家長!



Rank: 1


12
發表於 20-6-27 12:13 |顯示全部帖子

回覆樓主:

本帖最後由 doudoulee 於 20-6-27 15:36 編輯

呢間學校講起都嬲,疫情期間d堂未上到,5月復課,之前d堂未補,Whataspp, email, FB問補堂安排,唔覆!
仲要一路收生,我6月學費到期,只是追學費,沒有順延,佢地堂又唔多,即一星期上恆常堂又要補堂,仲要最少交三個月學費先可以補堂,咩道理!Counter 或電話查詢任何野也是等超過成個星期,中間唔追唔覆,我未試過上興趣班上到咁嬲!
好後悔join左呢間學校,我也寫了信去消委會投訴,佢哋都唔覆,我都係上完就算。


Rank: 1


14
發表於 7 天前 |顯示全部帖子

回覆樓主:

本帖最後由 secretpost 於 20-6-28 12:58 編輯

呢間嘢超無良同黑心!佢哋一向錢行先,以前仲係南豐16/F時,成日有家長嘈到報警,隔離左右舖都覺得佢哋嘈住上堂,可以做證!但佢哋都一向好少理,校長、職員態度差,所有考試、比賽目的都係錢,佢哋最興係報名後的其他所有費用係極貴、極不合理,一卷絲帶、絲襪價錢嚇死你,仲要你必買,講明比賽、考試前record你無買過會唔比你考喎,who care, 呢d咪自己攞嚟,家長知咩事就唔會繼續讀lor!佢賺埋d咁ga錢,咪賺lor! 之前有個大肚老師比佢哋逼走埋,仲唱衰個老師,但嗰個老師係我唯一見過最好的老師,係真係有教阿囡嘢,嚴厲但阿囡學開心,仲每日返屋企拉根,之後d老師、receptionists 不斷轉,可想而知間嘢幾恐怖。
係ka, 消委會佢哋唔怕ka, 因為佢哋收慣咗消委會d信,知消委會無執法權力,大家可以打去海關,如果係刑事海關係處理,就算刑事,海關都傿開個file比佢,之後個單投訴會gather埋一齊。

總之大家唔好怕煩,佢哋最叻係唔覆、唔答、唔聽電話,無錯!佢哋係會block 你fb唔比你留言,所有佢覺得對佢負面嘢佢都會block, 連呢個post佢都會舉報ka!

Rank: 1


14
發表於 7 天前 |顯示全部帖子

回覆樓主:

本帖最後由 secretpost 於 20-6-28 13:01 編輯

本帖最後由 secretpost 於 20-6-28 12:56 編輯

但只要大家齊心,不斷幫佢宣傳,消委、海關、東張西望、傳媒、雜誌,唔好怕煩,因為你有哂資料,只係send多幾間。

記住唔好再比學費,亦千奇唔報精英班、女皇杯、乜乜迪士尼、比賽、考試,有同學上年8月考完UKRG,到而家都未比cert! 校長、職員一樣唔覆唔回認,其實張cert好流,只要校長簽個名就派得,佢只係玩嘢je, 有間係MAGEBox ga藝術體操仲話佢哋每3個月就派一個grade, 根本唔使考!仲要有3間藝術體操學校都話明考完4星期內必定派到cert, 可能呢間嘢張cert會鑲鑽石!同學仔都唔急,張cert又無助升學,唔派仲好,因為唔派實係佢哋錯

所以記住一定要爭氣,唔好再交學費、唔好考試。

我最鍾意食花生,疫情下咪睇佢仲留到幾多學生lor,d staff 態度同校長、校長老公一樣ka, 咪睇下間嘢幾時唔掂lor,又睇下校長到時點對佢哋lor,幾耐無人工加、放無薪假,甚至執笠時賠唔賠錢比staff,到時班staff一樣經勞工處捉一樣無結果!d staff 咪攬住間嘢過世lor, 賺份人工仔,但做埋d嘢成日比家長問候,遺背良心!

Rank: 1


14
發表於 7 天前 |顯示全部帖子

回覆樓主:

本帖最後由 secretpost 於 20-6-28 13:06 編輯

記住,學費、比賽、考試係有限錢,佢蝕舖租、人工、燈油火蠟 香港區、九龍區其實有好多地方有得學藝術體操,記住錢要比得開心,告唔入都唔緊要,最緊要錢唔係自己比佢賺就夠,個天好公平,睇佢哋個樣就知咩格,所以大家唔使勞氣

你需要登錄後才可以回帖 登錄 | 註冊