中一學習態度

米米太太

Delete

kirstyau

好似我大女，識佢既家長/朋友/老師眼中勤力好學既學生，成績仲好好， 但疫症見真章，明顯佢都懶散咗好多，online堂都夠膽死唔記得上，功課成日拖到最後一日交。

所以對於一個平時唔好學嘅學生，情況應該更加嚴峻。

停課幾個月靠自覺同網上學習，我都冇眼睇。

Yanamami

自覺之前，其实佢地要明白－个道理：讀好書係佢作為－个学生既責任，佢係為自己負責，唔係為父母交代｡佢要有責任心既話，自自然然就会自觉去做佢应該要做既事，唔洗催唔洗提唔洗逼｡

洋蔥頭媽咪

米米太太 發表於 20-6-6 16:15
想請教下大家：
小女今年中一，黎緊9月升中二，但學習態度散漫，之前一直冇補習，小五、六時呈分都係自己教 ...

BB要學行路，都並非一起步就能大步走，爸爸媽媽都要拖住佢隻小手，慢慢扶住佢一步一步學習，在跌跌碰碰中才能讓佢學懂。

樓主女兒高小時家長仍然要督促住佢學習，升中一後家長就全放手，你認為習慣倚賴的孩子一下子就能負起自律自學的責任嗎？中學唔同小學，學習態度至為重要，成績唔好仲有得幫，態度懒散如果佢唔肯改真係神仙難救。補唔補習並非重點，若孩子態度懒散，自律性低，家長就有必要出手管制，減低孩子自由度。
放手並非代表家長完全唔理，若小朋友自律性弱，家長必須逐少逐少去放，與孩子協商，共同制定可行方法，例如制定目標不可以有科目唔合格等等。家長亦必須要讓子女明白，努力讀書目的是為自己將來而非為應酬父母。中一仲细家長仍有機會去管，協助佢改善自己學習態度/自律習慣，再唔管佢再大啲家長想管相信也未必管得到。

JJDBB

洋蔥頭媽咪 發表於 20-6-7 00:41
BB要學行路，都並非一起步就能大步走，爸爸媽媽都要拖住佢隻小手，慢慢扶住佢一步一步學習，在跌跌碰碰中 ...

自律真是靠自己，我們大人升中只能遠觀，有時哦得多系吾得，反而要佢地知努力讀書為了什麼。不過這些要睇各人小朋友性格。朋輩也有影響，像我女群的是靜，乖不太出街，我成日告訴佢，成日留連在街有時連功課都做吾切，做吾好，借人抄等等。眼見好多同學一到中學，家長不是不管，而是管吾到。

洋蔥頭媽咪

JJDBB 發表於 20-6-7 10:50
自律真是靠自己，我們大人升中只能遠觀，有時哦得多系吾得，反而要佢地知努力讀書為了什麼。不過這些要睇 ...

自律的確要靠小朋友自己，但家長並非靠哦，而是從小就應培養孩子良好習慣，自己的事自己負責，訓練其責任心。

恕我直言，孩子懶教倚賴，好大程度是因為家長不懂得在適當時候放手，高小後孩子脾性一般已定型，升中後才去改已經算遲。倘若孩子升中後仍未能自律，家長就有必要出手去管，管唔管到就視乎你放幾大自由度给孩子。有句説話講得好啱，沒有教不了的孩子，只有教不了的家長。

妹妹頭

洋蔥頭媽咪 發表於 20-6-7 11:24
自律的確要靠小朋友自己，但家長並非靠哦，而是從小就應培養孩子良好習慣，自己的事自己負責，訓練其責任 ...

我女都做唔到，小學時係靠我哦佢，上到中學，中一我都未放手，今年中二，好希望比佢自己試下handle，我開始放手，補習姐姐都叫我係時侯放手，比佢自己負責番，中二都仲輸得起，否則上到中四五，就太遲了。

JJDBB

妹妹頭 發表於 20-6-7 11:56
我女都做唔到，小學時係靠我哦佢，上到中學，中一我都未放手，今年中二，好希望比佢自己試下handle，我開始 ...

如果佢哋自己感受到就話輸得起，感受到大人放寬了得更多自由，於是一去不復返，這個是大人未必接受到，但吾放又吾得。當你群咩人，就會放寬或揸緊。妹妹頭都識選朋友。而你的補習姐姐這樣講得，就應該可放。

JJDBB

洋蔥頭媽咪 發表於 20-6-7 11:24
自律的確要靠小朋友自己，但家長並非靠哦，而是從小就應培養孩子良好習慣，自己的事自己負責，訓練其責任 ...

後面兩句，是我深深體會到(疫情期間)。

gigayan

我女今年都係中一，小學我係考試會陪溫習，上到中學就放手俾佢自己嚟，初時佢都好唔慣，唔開心又擔心自己做唔好，咁一路應承佢搞唔掂我會出手，同時俾信心佢自己加油。

每個小朋友都要有適應期，跟開放晒手俾佢自己嚟其實都要從旁協助下佢，如果無人協助，自己又跟唔嚟，好容易就會放棄唔理......

月尾第一次考試，同佢一齊制定咗時間表，佢參如一齊整，跟足嘅機會大d~

gigayan

妹妹頭 發表於 20-6-7 11:56
我女都做唔到，小學時係靠我哦佢，上到中學，中一我都未放手，今年中二，好希望比佢自己試下handle，我開始 ...

如果只係協助阿女，即係佢搞唔清某d課題，解返俾阿女聽，我覺得都需要嘅，但如果要小學時咁，坐隔離篤實佢，或每句同佢跟，咁我唔得啦，中學太多科、太多課

gigayan

洋蔥頭媽咪 發表於 20-6-7 11:24
自律的確要靠小朋友自己，但家長並非靠哦，而是從小就應培養孩子良好習慣，自己的事自己負責，訓練其責任 ...

日哦夜哦，佢地真係好易當耳邊風，好似停課日日問做晒功課未，日日都話仲差一d，一個星期前問佢，佢就話差唔多啦，到聽日復課我唔再問了，點知佢今早起身就自己話：啊！原來仲有XXX我掂都未掂過......

b3410

米米太太 發表於 20-6-6 16:15
想請教下大家：
小女今年中一，黎緊9月升中二，但學習態度散漫，之前一直冇補習，小五、六時呈分都係自己教 ...

是否停課太耐，進度差的太多，想溫書也無從落手？可能要幫一把，幫她整理清楚學校進度，停課期間派的工作紙，功課。鬧，催促，提點幫唔到手，只會令佢更加煩躁。唯有當今年疫情停課特殊情況，而且暑假也沒地方去旅行，都係留在家中，再幫一次。
如果是我，會當自己再讀一次中一，所有科目快速整理，計算好下學期開學前的時間安排。滴起心肝，同佢一起讀，唔識的教到識，查遺補漏，希望中二可以步入正軌。
所有整理，溫習，規劃進度，你哋一起做，慢慢過渡到阿女自己計劃。

我記得小朋友讀小學時，平時太忙，無時間理佢。不過考試前，我會用週末時間，幫佢哋整理出半個學期的工作紙，作業，書，練習等等。然後寫清楚溫習計劃，先後次序重點。慢慢佢哋就自己接手，先跟我的方法，之後慢慢就有了自己的方法。

總之當小朋友見到太多野要做，無從落手，一定會亂，而且可能就會選擇逃避，之後越搞越差。

作為父母，我哋就要以身作則，令到佢哋明白，如何set priority, 如何滴起心肝去解決問題，唔係逃避。

妹妹頭

JJDBB 發表於 20-6-7 12:09
如果佢哋自己感受到就話輸得起，感受到大人放寬了得更多自由，於是一去不復返，這個是大人未必接受到，但 ...

我都有擔心，但我之所謂放手，只係唔再哦佢咁多，比d空間佢，但姐姐可以幫到我，芒實佢。只係我退到幕後。

bbc2018

小學溫習考試，我做法是寫溫習表如今日要溫每科甚麼範圍，完成甚麼練習，中一要佢自己寫出來。做完tick. 有些科目佢跟到溫習，我會放手，但會給練習測試佢明不明白，如科學我自己買練習，給她做有關範圍。錯咗我會講解。
完成學校功課只係最基本。
點樣協助佢應付學校測考，中一真係好重要，太多科目，怎樣安排時間，令到佢有信心亦重要。
溫書還要有策略，方法才可應付學校多方面要求。
睇小朋友性格、能力，學校情況，自己調節幫忙程度。

gigayan

b3410 發表於 20-6-7 12:33
是否停課太耐，進度差的太多，想溫書也無從落手？可能要幫一把，幫她整理清楚學校進度，停課期間派的工作紙 ...

停課期間好多工作紙要print，交功課都有唔同app，除非小朋友每做好一份就整理，如果一路無整理開，大人無協助，F.1仔都幾難一次整理好.....

1998Ruby1998

咁你都識講，五六年級係你督住佢，佢都未試過自己「用力飛」，咁一伸展翅膀飛就肯定跌。尤其中學考試同溫書方式又唔同，依家停課咁耐，就更加辛苦。

如果你中學課程全部 handle 到嘅話，咁你就幫佢清 concept，有野唔明就問你，否則就外判。

kirstyau

gigayan 發表於 20-6-7 13:16
停課期間好多工作紙要print，交功課都有唔同app，除非小朋友每做好一份就整理，如果一路無整理開，大人無 ...

肯定，我細嗰個（P5)，唔夾佢一齊執唔掂，停課期間 兩個女用咗疊幾2疊A4紙， 可想然知有幾恐怖。

b3410

kirstyau 發表於 20-6-7 14:20
肯定，我細嗰個（P5)，唔夾佢一齊執唔掂，停課期間 兩個女用咗疊幾2疊A4紙， 可想然知有幾恐怖。
...

咁夸我三個用了1pack 左右
可能好多都係網上交

kirstyau

b3410 發表於 20-6-7 14:26
咁夸我三個用了1pack 左右
可能好多都係網上交

阿妹 大部分都係列印出嚟