協恩小學，你問我答

holaam13

kimlam953 發表於 21-1-20 14:30
我小朋友K2

K1下學期開始有寫點點（點下啲生果）及劃線。呢間最讚係K1頭三個月會預備埋所有工具，如印仔 ...

唔該哂你，謝謝你既回答，令我更加認識協幼，thx

Azzurro

koala_emily 發表於 20-6-6 12:40
小囡由小一至小四都在中游(全級40~50名)，英文由小三至小六有現識英文老師+協中師姐私補，數學由小四至小 ...

感謝分享

看來競爭大的小學，就算父母都內補，依然需要出去外補一下才夠競爭力得到前列位置

peanutbuttercup

kimlam953 發表於 20-11-24 18:24
哈，我女讀協幼，未入門口係要叫齊咁多人，校長老師社工，唔記得校工有無。其實幾好架，練練下真係會好主 ...

謝你對.協幼的分享
請問咁而家停課期間，還有評估嗎？而且我知道協幼會有學術獎，是每學年尾頒的還是每一個學期都有？謝謝

koala_emily

sjoey 發表於 20-11-25 14:48
請問補習主要補什麼? 係咪學校進度，還是補深一年或其他? thanks

學校英文數學教快半年，補習主要係學校課程嘅進階版，或者反覆做類近嘅練習加深記憶，幫忙考試取高分

koala_emily

hugub 發表於 20-11-24 17:13
唔算係，呢個問題要樓主答至夠update...

小五開始有英文數練習，不過只學不考，小六有英文數bridging course，不過疫情下作用不大

HHYip

請問樓主協小在音樂和體育上嘅配套如何？例如會有校內/外嘅專責教練教嗎？練習時間如何？
另外，學校有stem課程嗎？著重學生嘅presentation skill嗎？英文語境如何？是否只在英文堂上講英文？

麻煩晒樓主，因有其他直私offer，所以想認真了解，希望揀到適合自己小朋友嘅學校。唔該晒你 🙏

koala_emily

Ryan_baba 發表於 20-7-12 14:32
咁大約幾時知道可唔可以升上協中?

協中大約12月左右見第一批親生女，通常係成績最好嘅40+，如果interview表現好係即時比offer，快過所有街客。但40+裏面有人見完又見，甚至在協小上緊堂call去協中見，可以拖幾個月到明年3~4月。

koala_emily

HHYip 發表於 21-2-26 00:44
請問樓主協小在音樂和體育上嘅配套如何？例如會有校內/外嘅專責教練教嗎？練習時間如何？
另外，學校有stem ...

校內有暑期泳班for精英泳員，1星期1次課後泳班for普通同學，由大型泳會負責，其餘田徑球類不太清楚。

校內有初/高管團，由校外老師負責，另有課後收費管弦樂班，沒有鋼琴班。小一orientation day後可以留校選擇心儀樂器，揀唔掂有老師比意見，我估係鼓勵同學學不同樂器，令樂團後繼有人。

校內音樂老師負責choir，分初/中級兩級，中級老師負責校外比賽，非常有經驗同要求，課後要練，長假期冇假放，同學練到死死吓，前年贏咗DG GH取得九龍區全塲總冠軍。

有數學精英隊/機械人比賽，不過我囡數學science成績普通無份參加，我覺得學校將stem課程融入課堂，不過大前提要求學生坐定聽書做練習，唔好諗有好多啟發興趣，吸引學生嘅有趣活動。

學校有朗誦同演講比賽，有中英辯論隊。不過我囡話上堂成日追課程，未必有好多時間比同學present，就算有都要交功課，有計分壓力

大部分時間英文堂講英文，其他堂係講中文，我覺得學校不算大力鼓勵讀英文書或講英文，因為英文以教文法為主，沒有readers

HHYip

koala_emily 發表於 21-3-1 10:36
校內有暑期泳班for精英泳員，1星期1次課後泳班for普通同學，由大型泳會負責，其餘田徑球類不太清楚。

校 ...

非常感謝你嘅sharing! 令我哋對學校嘅了解多咗。都祝福你囡囡升中一切順利 (emoji)

koala_emily

HHYip 發表於 21-3-2 00:38
非常感謝你嘅sharing! 令我哋對學校嘅了解多咗。都祝福你囡囡升中一切順利 (emoji)
...

我囡現中一，我嘅資料未必updated，歡迎其他栛小家長補充。祝你囡找到心儀學校，喜歡上學，不要被學習影響一家人嘅感情

b3410

感覺協恩小屬於一間，傳統，全方位栽培（谷），no pain no gain 的學校，家長又愛又恨。

koala_emily

b3410 發表於 21-3-2 09:28
感覺協恩小屬於一間，傳統，全方位栽培（谷），no pain no gain 的學校，家長又愛又恨。 ...

no pain no gain 呢句說話我對阿囡講過無數次，不過年紀少少嘅佢唔係好明，只覺得自己好努力仍然得不到注意，長期覺得自己癈，事實係佢不明白讀書A grade又做運動校隊嘅同學唔會睇think big愛回家，嫌幼稚浪費時間。你放學掛住睇電視玩玩具，之後考試游水唔夠人叻無人留意你，又有咩好怨呢?

之後我同佢傾目標，同佢講協中係一間好好嘅中學，體育讀書成績屬全港前列，佢好想自己做叻人，我話入協中可以同班叻人一齊做好。另外協小入協中唔需要取A取100分，取B取90~80尾就可以，A嘅同學不是你嘅競爭對手，唔需要同佢哋鬥叻，反而取B/C嘅同學才是你嘅對手，人數約4O人，大致上你同一個同學fighting你贏就可以穩奪B，呢d解釋唔係講一兩次，係以年計咁講比佢聽。

最後佢想入協中辯論隊，小4下學期開始自己著緊功課補習社嘅練習來keep住成績，小五第二個學期成績穩定地B，呢個成績要比協中，之後呈一和呈二keep住B直到小六畢業過協中穿長衫。

呈分期間我最關注不是分數，反而係一齊玩傾計comfort佢，比佢情緒穩定去考試。因為心中有數，我係呈分時候不會太緊張或者就快呈分先搏命谷。

koala_emily

b3410 發表於 21-3-2 09:28
感覺協恩小屬於一間，傳統，全方位栽培（谷），no pain no gain 的學校，家長又愛又恨。 ...

no pain no gain 可以留比家長，入協恩家長要同佢一齊讀書同訓練，你返工就做教材影印揾補習，放工就飯都唔食同佢睇功課溫默書，胃痛又頭痛，一係就天寒地凍去泳池吹風或者酷熱天氣在看台乾煎。放假weekend唔駛旨意遊山玩水同sweet sweet嘅親子時間，因為放完假要交功課默書測驗考試......

最好父母兩個人都願意過呢d生活，否則仲痛苦，一個叫溫書一個叫去街，阿囡唔知跟邊個

HHYip

koala_emily 發表於 21-3-2 11:11
no pain no gain 可以留比家長，入協恩家長要同佢一齊讀書同訓練，你返工就做教材影印揾補習，放工就飯都 ...

俾你揀多次，仍然會揀協恩嗎？

wsg1015

koala_emily 發表於 21-3-2 10:45
no pain no gain 呢句說話我對阿囡講過無數次，不過年紀少少嘅佢唔係好明，只覺得自己好努力仍然得不到注 ...

Thanks for sharing

bbma1

回覆 koala_emily 的帖子

小女現讀協小，很有同感，是否小三分精英班?

koala_emily

bbma1 發表於 21-3-4 07:09
回覆 koala_emily 的帖子

小女現讀協小，很有同感，是否小三分精英班?

呢d係伴讀媽媽心聲，沒有經歷過未必有共鳴。小三開始按英文成績分4組HYPS，小四開始按中文成績分3組HYP，小五開始按數學成績分3組HYP。

英文數學H組成績最好，教得快又深但不代表老師教得好甚至hea教都有，我估家長背後大量發功，學生自己又要求高。

中文英文數學YP组中等成績，讀書氣氛無H組咁好，不過高小老師教得唔錯。以往中文H組係普教中，不過中文好嘅同學未必去H組，現在已經取消普教中，未知中文HYP有冇改動。

英文S組係成績最弱嘅10+同學，最似小班教學，老師有要求chur學生做好d，我覺得不少S組同學家長都放棄，學校都唔放棄

PTL_L

koala_emily 發表於 21-3-2 11:11
no pain no gain 可以留比家長，入協恩家長要同佢一齊讀書同訓練，你返工就做教材影印揾補習，放工就飯都 ...

雖然我冇小朋友讀協恩，但對你所寫好有共鳴。放工飯都唔食，睇、對功課，每晚臨瞓講清講楚第二日既考測默前既溫習目標（小朋友平日冇去補習，功課自己處理，考試都唔會太旨意一星期一堂既專科補習）
恒常地帶出帶入冒風寒陪training,的出的入。經常擔心成績不足升直中，所以成日要做好time management。唉，一頭白髮。

koala_emily

HHYip 發表於 21-3-3 00:42
俾你揀多次，仍然會揀協恩嗎？

如果重頭到尾，我們沒有打算離開香港，協恩是不錯的選擇，因為它的程度深速度chur，全級只有100人，大約打低60人可以上協中: 一所180人考頭100可入3大嘅中學。即使外面"風大雨大"，協恩囡只要追上學校課程，不用擔心升中唔夠好，升大學唔夠班。

不過我們在2018年重遇阿囡爸爸嘅朋友才知道女兒entiled申請西方國家謢照，日後可以到海外升學居留，當時心諗: 如果早知阿囡可以"免費"移民，大人細路做咩谷得咁辛苦呀 ，不過有早知就....

另外，假如阿囡出世遲幾年，現在才8歲以下，兩公婆經濟未算穩健嘅時候經歷社會運動國安法，眼見香港立立亂，可能我們會積極考慮BNO去英國或西方護照去海外，到時應該不會揀協恩，一家人將生活重心放在移民上。

nickykiu

而家會繼續留HY 完成中學嗎？