協恩小學，你問我答

koala_emily

小囡在協恩渡過了6年，即將升中，有興趣嘅齊齊傾下

assado

請問, 呈分試點去準備, 可略分享嗎 ?
中文科難攪嗎 ?

suzuki12

請問有冇教深一/半年？

CROYLEUNG

真係超深，同谷？係咪好難入返協中？

suzysheep

每日有幾多樣功課？協恩係中小，佢英文程度係點？同埋係咪除咗英文科，其他全部都係中文教？因為我女英文強過中文，想睇下係咪會好唔適合，謝謝！

koala_emily

assado 發表於 20-6-6 09:23
請問, 呈分試點去準備, 可略分享嗎 ?
中文科難攪嗎 ?

小囡由小一至小四都在中游(全級40~50名)，英文由小三至小六有現識英文老師+協中師姐私補，數學由小四至小六補數研(中途轉過老師)。我主力中英文幫佢睇功課預備quiz, exam找出，我和爸爸一起幫佢溫默書。到了小五，囡開始明白自己要努力，除了默書放手，繼續以上補習和跟進。

小五第二個學期因為數學由8字升上9字令排名升上中上(全級20~30)之後兩次呈分沒有額外功夫都保持中上成績。

我覺得家長小二開始要同佢睇功課和預備quiz exam，除了確保交齊功課更重要是知道囡嘅強弱，強嘅keep住，弱嘅補底，最遲小四揾補習，因為好嘅補習可遇不可求，要揾要夾，小五才找未必搵得啱，即使有補習家長不可以完全放手，要同補習老師傾進度，如果老師未有合適教教材家長要預備，總之家長才是最好既補習老師。

呈分之前打好個底，知道自己嘅能力，呈分時就不會太緊張而影響表現。

408littlepig

回覆 koala_emily 的帖子

請問要考級50名前才可入協恩中學 ?只有3考計分? 平時QUIZ 計分嗎?

koala_emily

今年是「脱龍」後第三年，其實前5O只是大概數字，協中沒有保証收幾多，想穩入協中考頭40最好，4O~50好難講，50後可以搵定後路，特異功能到協中無你唔得例外。所有親生女都要interview，沒有例外。

koala_emily

408littlepig 發表於 20-6-6 15:27
回覆 koala_emily 的帖子

請問要考級50名前才可入協恩中學 ?只有3考計分? 平時QUIZ 計分嗎?

Exam, quiz, dictation全計，dictation沒有預默。小五呈分後dictation 數quiz不計分。呈分時數學一卷定生死，所以考前操得熟，考時要冷靜。

408littlepig

回覆 koala_emily 的帖子

老大經歷完升中煎熬, 也明呈分一試定生死 。好同意小四開始要補英數。
老二也有叩協恩, 等消息中...

請問 (除升協中外)協小有多少BAND 1生, 學校對40名以後的選校支援足夠嗎?

例如：會告知40-50名應選那類中學, 會告知去年升中派位情況嗎?

另外，band 2, band 3 生多嗎?


中英數科小一開波就教下學期(家長自己搞掂小一上)對嗎 ?
咁六年級下學期教中一課程嗎?

koala_emily

408littlepig 發表於 20-6-6 16:01
回覆 koala_emily 的帖子

老大經歷完升中煎熬, 也明呈分一試定生死 。好同意小四開始要補英數。

其實小四先揾補習遲左，最好小三開始。我覺得前60名肯定band 1，60~70 band 1~2，71~80 band 2~3，81~90 band 3

未夠成績升協中嘅4O個同學，老師會同佢地傾，講banding同建議選擇，不過計埋今年得3年references，老師未必好熟各中學情況，總之自求多福。

不過協小底厚，即使中下游去到培道仍然入精英班，自信返哂黎。

小一情況如你所講，今年小六下因online教唔到咩，我同小囡都半停工，暑假開始再衝過

renee0211

koala_emily 發表於 20-6-6 15:39
今年是「脱龍」後第三年，其實前5O只是大概數字，協中沒有保証收幾多，想穩入協中考頭40最好，4O~50好難講 ...

想問下如果小朋友係校隊，但未必考到頭40，即未必有條件升協中，學校會酌情收返嗎？

koala_emily

renee0211 發表於 20-6-6 17:47
想問下如果小朋友係校隊，但未必考到頭40，即未必有條件升協中，學校會酌情收返嗎？
...

正常情況不會，除非學界成績非常非常非常出色，呢兩年大部分Sport girl成績都好好，就算沒有學界成績，學業成績夠入協中有找。

不過可能有例外，成績40~50，interview 排 Sport girl Team ，不是見校長/副校，見Ms Yam即中學部Sport負責人， Sport Girl interview要求較低，可能會收1個，不過大前題是學界非常非常非常出色或者英文/數學特好

assado

協恩中學, 點去好準備面試 ? 有冇經驗分享。

b3410

assado 發表於 20-6-7 14:55
協恩中學, 點去好準備面試 ? 有冇經驗分享。

考中學？要去升中版問

koala_emily

suzysheep 發表於 20-6-6 12:01
每日有幾多樣功課？協恩係中小，佢英文程度係點？同埋係咪除咗英文科，其他全部都係中文教？因為我女英文強 ...

傳統幼稚園定happy school？屋企係咪母語是中定英？協小有個別ABC由細到大很小接觸中文，以致其他科目讀得吃力。

中文跟唔不上的人不多，不過要突圍不容易

suzysheep

koala_emily 發表於 20-6-7 15:19
傳統幼稚園定happy school？屋企係咪母語是中定英？協小有個別ABC由細到大很小接觸中文，以致其他科目讀得 ...

讀happy school, 屋企半中半英，協小都有ABC?如果中文跟唔上，唔知會唔會真係俾人勸退學呢！

koala_emily

suzysheep 發表於 20-6-7 17:27
讀happy school, 屋企半中半英，協小都有ABC?如果中文跟唔上，唔知會唔會真係俾人勸退學呢！
...

Happy school 開頭跟得辛苦D，家長要幫下佢，放心，慢慢會跟得上。

有幾個中國面口同學仔有native澳洲同美國口音，家中講英文為主，通常她們學習態度比較free，家長見阿囡跟得辛苦就轉校。

tmko

協幼升協小的學生，大部分能在級頭40之內嗎？

koala_emily

tmko 發表於 20-6-7 23:22
協幼升協小的學生，大部分能在級頭40之內嗎？

學校沒有實際數字升協中來自甚麼幼稚園。估計每年最少1/3至1/2以上的小一生來自協幼，其他來自五湖四海。估計來自協幼和其他著重學術嘅幼稚園升協中嘅比例高過其他幼稚園。

來到高小出身不重要，眼見讀得好嘅同學，家長肯出力幫阿囡建立好習慣/搵好嘅補習/犧牲個人需要，阿囡有能力和願意一步一步跟住做，大家持之以恆。