升中自行誇區問題

vanvan1999

小女係A區讀緊津小，但中學校網麻麻，心儀B區的校網，主要想讀女校。

來年升小4，如轉B區小學為升中派位好（路程遠左同要適應新學校環境）？ 定係照原校讀上去，努力keep係級5內，係自行誇區考入？
想聽下大家意見！

kirstyau

vanvan1999 發表於 20-5-24 15:40
小女係A區讀緊津小，但中學校網麻麻，心儀B區的校網，主要想讀女校。

來年升小4，如轉B區小學為升中派位 ...

如非必要唔考慮轉校，諗小朋友重新適應問題，重新識朋友。
除非轉去一間有band1直屬中學既小學，7，8成直上。

pauljr

搬屋

Poyau

跨區只可自行加甲部
雖校網麻麻 如學校可以 可考慮搬屋

Jessy

如轉校只考慮直屬小學, 否則覺得無用, 又唔係包入

NNbaby

搬屋，轉校網仲實際

YmOra

vanvan1999 發表於 20-5-24 15:40
小女係A區讀緊津小，但中學校網麻麻，心儀B區的校網，主要想讀女校。

來年升小4，如轉B區小學為升中派位 ...

你要先了解下貴小學歷來入Ｂ１％多少，再考慮埋現在孩子級５內，去到呈分大家發力下是否仍然保持到，故要打個折考慮，當１０名或以內以往有無學生獲得你心儀嘅Ｂ區某些女校取錄，在這些粗疏估算下仍然覺得機會甚微才考慮搬入Ｂ區或轉校到Ｂ區，亦可以做多ＤＤ功課，觀察Ｂ區邊間小學多人入讀你心儀的女中學，以增加轉校之"值搏性"。一旦鎖定目標，不防考慮下"留班"重讀小三，目的為咗適應和了解考試模式如何，以減低轉校因實力差距而出現的風險及小四係儲備課外活動証書黃金期的開始，如因轉校而影響証書的表現咪變相削弱咗孩子升中的實力，故留班睇落好似唔係咁好，但實際上可讓孩子有喘息和適應和了解之機會，加上轉得去嘅小學都唔會揀間派Ｂ１％弱過自己原本的小學呱！就算同級數都未必一定仍然保持到响級５以內，轉與不轉都要作好一切之心理準備以減低不明朗因素的發生。

Gloriasogashiwa

vanvan1999 發表於 20-5-24 15:40
小女係A區讀緊津小，但中學校網麻麻，心儀B區的校網，主要想讀女校。

來年升小4，如轉B區小學為升中派位 ...

長子曾於升小五時轉校，由荃灣轉去KL1天主教小學，成績由B1A降至B1B, 自行跨區考入1B中學。當年沒有太大考慮，只是嘗試，成功為兩個弟弟鋪路。

vanvan1999

YmOra 發表於 20-6-4 07:37
你要先了解下貴小學歷來入Ｂ１％多少，再考慮埋現在孩子級５內，去到呈分大家發力下是否仍然保持到，故要 ...

多謝你的詳細解釋，你講的我都有衡量過。我所選B區的學校會跟本身讀的差不多，但升中派往我心儀的學校就大大機會入讀，如成績係B區學校keep到級10-1x名內。我感覺反而輕鬆d!
如係先自己A區學校，要自行誇區考入，就要好努力keep係頭級5內或更前，壓力更大同到時呈分試有失誤係預計不到的。
擔憂的係小朋友要重新適應的問題，另搬屋問題，唔到最後都唔會考慮，因住慣村屋，有養大狗，好難住市區樓。

vanvan1999

多謝大家的意見，會好好考慮的！

medicine

Gloriasogashiwa 發表於 20-6-4 10:27
長子曾於升小五時轉校，由荃灣轉去KL1天主教小學，成績由B1A降至B1B, 自行跨區考入1B中學。當年沒有太大考 ...

區内最熱的津小啦，有兩個細佬，當然超

Gloriasogashiwa

medicine 發表於 20-6-4 13:05
區内最熱的津小啦，有兩個細佬，當然超

只是好運，希望他能再下一城。

medicine

Gloriasogashiwa 發表於 20-6-4 17:22
只是好運，希望他能再下一城。

係喔，祝成功！

到時上來報喜，講講幾多分，知個大概。

YmOra

vanvan1999 發表於 20-6-4 12:01
多謝你的詳細解釋，你講的我都有衡量過。我所選B區的學校會跟本身讀的差不多，但升中派往我心儀的學校就大 ...

咁！你似乎已經了解所有利與幣，搬往Ｂ區或轉校往Ｂ區對你未來入讀心儀中學的機會率有增無減，只是孩子適應問題，如果孩子並非十分內向嘅話，無論重讀小三或繼續讀小四也不會影響孩子交朋結友的能力。我女小學時有位女同學因要搬往沙田區屋住，故入沙田繼續升讀小五，她離校時的成績幾好架，最後順利入讀心儀中學"沙崇"。