補習問題

coco_1982

想請教下大家，去補習社補習，還是搵私人補習一對一（大學生）比較好？令小朋友吸收得好點，因補習社大多一對三或四，怕被忽略，但私人補習又擔心到時不夠經驗，不懂教小朋友，所以想問問大家意見，萬分感激，謝謝

MandyShek

回覆 coco_1982 的帖子

孩子多大？　專注力又如何？　
我覺得補習社和私人也沒有絕對答案

只可以分享自己或身邊朋友用後的效果

私人－傾向補底或專注力比較差的，又或想提升某一層面的知識領域，較有特殊性，或想個人化一些

補習社－傾向想提升整體自身能力，或比較想由朋輩當中獲得肯定。。。。從而得到進步

當然，　呢個世界有最不合適的補習社，　和最不合適的私人補習老師

事例：

１。　朋友Ａ個女本身數底ＯＫ，　但有一些概念一直攪不清，　所以朋友找了私人老師教　單位兌換，份數Ｘ法，面積　。。。

２。朋友Ｂ個仔，　數一直沒有低過８６分，而且一直覺得老師教和書上做的題目比較淺，　沒有Ｘ戰性，於是朋友找了一家比較大型的補習社，　一班２０－３０人，　一堂裡面講完重點，　就開始拋一Ｄ名校題，比較困難的題目，　幫助應試的題型，　會同同班一起拆解，　呢Ｄ堂佢阿仔一直上都很起勁，對數學也很有濃厚興趣

３。朋友Ｃ個女，英文文法唔太會應用，私人教也一直不太上心，　可能屋企關係，　一直也顯得不太投入，於是朋友幫她換了補習社上堂，　上堂專心答問題會有專心分，　答題正確有答題分。。。考卷有Ａ加２０分，任何分可以換禮物，　特別節日有抽獎環節，限於專心的同學和有進步的同學，慢慢佢女開始專心上堂，進步很大。。也要求一星期由一堂改做兩堂，　容易儲分

４。朋友Ｄ個仔中文不過不失，　請了１對１老師教寫文技巧，其實朋友都知寫文都有Ｄ悶，所以朋友要求老師完課前留一些時間跟小朋友玩小遊戲，　小遊戲是跟小朋友興趣，　如ＵＮＯ，　ＷＯＲＤ　ＳＥＡＲＣＨ。。。朋友深知帶他出去學也不會很上心，會ＨＥＡ過，所以用兒童心理學法則，先讓孩子感到上堂是開心，　學習是簡單（先教淺），老師很好玩，老師是玩伴，老師一直鼓勵和讚賞，建立左關係，阿仔希望不負老師期望，　寫作真的一點一Ｘ累積下來，　真的大有進步

５。朋友Ｅ個女英文普通，想提升英文口語能力，網上同外籍單對單上左一段時間，　有了基本應對的外語能力，朋友便報了補習社一個４人玩西方棋board games的班，只限用英文溝通，　一個暑假過去，　佢個女講英文也已經不成問題(朋友女是獨女，一直希望有多兩個妹妹一起玩棋）

６。朋友Ｆ個仔Ｇ較內向，朋友Ｆ不知道他私人學英文學成點，於此跟兒子的朋友Ｈ夾，一起上一家補習社，４－６人，　朋友Ｈ每次上完堂都問Ｇ一些較難的題目，Ｇ次次都有耐性咁教他，慢慢建立了Ｇ英文比較強的個性，也覺得幫到人自己都開心，閒時他也研究英文文法書，一段時間過去，英文一直名列前茅

你孩子是那種類型的小孩？大班好？私人好？都有好有唔好，　怕經驗不夠的大學生，　那麼去找一個經驗夠的大學生；怕補習社太多人唔好易學壞，那麼去找一間不多不少又會嚴格收生的那間

列出困難，會比較容易找到答案

（以上事例純粹個人分享）

coco_1982

小五，專注力可以
佢主要是中文閱讀理解比較弱，多數都係衰起長答
所以考慮一對一教，還是係補習社會比較好

coco_1982

MandyShek 發表於 20-5-20 09:20
回覆 coco_1982 的帖子

孩子多大？　專注力又如何？　

好多謝你的分享

Choilailai

回覆 MandyShek 的帖子

多謝分享

九龍塘陳太

回覆 coco_1982 的帖子

個別一PART, 搵一對一會好d
當然可能要試幾個先搵到一個適合的!
選擇上都要留心, 睇下個老師強邊方面
又要了解埋佢中學讀邊間
咁揀岩人既機會又大d了

MandyShek

回覆 coco_1982 的帖子

1 vs 1 bettermore specific

coco_1982

MandyShek 發表於 20-5-22 08:40
回覆 coco_1982 的帖子

1 vs 1 bettermore specific

Ok,唔該晒

assado

1:1 比較好, 但要遇上合適老師又要夾到大家時間.

Yfyh

如果樓主想幫小朋友補中文閱讀理解我都覺得一對一比較好。

還有，上面Mandy分享嘅資料好實際及非常有用。

以我個人嘅經驗做例子，之前我小朋友上一對一網上拼音班（因為疫情關係）。起初我都以為一對一會比較對我小朋友有利，但後來因為時間夾不到，最後選擇了1:2上堂。上了兩堂之後，我發覺我女變得有自信及專注咗好多，因為每次都係佢最先完成書本上的問題及writing。之後即使佢轉返1:1上堂亦專心咗、反應比之前快咗，跟以往不一樣。所以，有些時候如果有同伴激勵一下亦是一件好事。

coco_1982

Yfyh 發表於 20-5-22 16:50
如果樓主想幫小朋友補中文閱讀理解我都覺得一對一比較好。

還有，上面Mandy分享嘅資料好實際及非常有用。

其實咁樣係一件好事，令到小朋友有自信咗(emoji)(emoji)(emoji)(emoji)

monkeydiary

MandyShek 發表於 20-5-20 09:20
回覆 coco_1982 的帖子

孩子多大？　專注力又如何？　

請問應該去哪裡找只限用英語溝通的興趣班？

Yfyh

回覆 coco_1982 的帖子

Exactly!  自信對每一個人都好重要。

MandyShek

回覆 monkeydiary 的帖子

你說的是那種興趣？
之前係普通補習社暑期有開班，　另外，　打ＢＡＤＭＩＮＴＯＮ搵只說英語的阿ＳＩＲ

教開國際學校個區應該有

沙田就搵石門果邊。。。。

monkeydiary

MandyShek 發表於 20-5-23 19:04
回覆 monkeydiary 的帖子

你說的是那種興趣？

其實我自己沒有指定類型的興趣班想女女上，只想她有多點機會說英語，畫班，運動班（各種運動也可以）,英詩朗誦也可以的，但我沒有頭緒怎樣找這種興趣班，所以想請教一下
你說「教開國際學校個區應該有」，其實我不明白，請問是什麼意思呢？