請問有無小朋友派到屯門明愛樂興幼兒中心？

Cherry0401

我小朋友排左2年，終於排到了

Nicolewck

恭喜你！我囡囡上年入讀，全校上下所有員工都好有愛心，讀得非常開心，由剛入學唔識上樓梯，讀左兩個月叫做自己上到幾級矮樓梯，進步好大。

Cherry0401

Nicolewck 發表於 20-5-18 10:48
恭喜你！我囡囡上年入讀，全校上下所有員工都好有愛心，讀得非常開心，由剛入學唔識上樓梯，讀左兩個月叫做 ...

         其實兩年前我小朋友評估後知道要排S位，我已經打電話去屯門三間S位預約參觀。
         不過山景果間我打左幾次電話，佢地都話遲啲覆我約實參觀時間，但結果一直到依家佢地都無覆過我。
         新墟果間係我第一間參觀既，佢地話明唔好帶小朋友去，因為其他小朋友上緊堂，所以我自己一個去參觀既，新墟呢間既環境太舊及唔夠光猛，我自己就唔太鍾意，但係啲小朋友都好精靈好開心，都睇得出啲老師同治療師都好有心機，只可惜我腳有舊患，而佢地S位係三樓，我問主任如果小朋友返學，其實可唔可以搭電梯，但主任話唔可以，話電梯只供有特殊需要既小朋友用，咁我都明白既，所以我最後都無揀新墟呢間。
         至於明愛樂興，我打去預約參觀時，主任話當時小朋友剛開學仲適應緊，就話不如遲少少覆我幾時去參觀，結果主任真係有打返比我，仲叫我帶埋小朋友一齊去，我當時都有問清楚，怕帶小朋友去會阻到其他小朋友上堂，但主任真係好好，佢話到時返學既係我小朋友，當然帶埋佢去一齊睇，我當時已經對呢間中心感覺好好，到參觀當日，我小朋友入到去都無扭計，好乖好合作，環境企理乾淨，整體感覺好好，結果我就決定只排呢一間了，所以依家派到位真係超開心。