學之園真係咁好嗎？

Zonchi

回覆 jsmjsm 的帖子

其實好同意！
見有啲家長話睇其他小朋友啲video唔係好叻都有Offer， 其實有冇尊重嗰個小朋友，乜嘢叫做唔係好叻？唔係好叻就應該冇Offer？

我唔係覺得有Offer就係叻，因為個遊戲規則係學校自己定，冇人知道佢哋揀嘅原則係點，但係小朋友只係兩至三歲，作為大人係咪可以尊重下小朋友！

同意每一間學校都有佢嘅優點同缺點，所以係沒有最好，只有最適合！身為家長我哋嘅角色唔係去不停批評，而係應該幫小朋友去選擇合適佢嘅。

明白有啲家長會有失望，作為媽媽有邊個未試過有失望嘅時候！但係唔需要灰心，因為就算入到所謂大家覺得好嘅學校都唔代表一切，大家都要繼續努力！

kinki2130

今年我仔in N，可能拍片冇其他人咁好，所以連2nd in機會都沒有.....其實我真係幾失望，囝囝係大仔，我同老公都係專業人士，我地細個只係讀屋村學校，沒有世襲名小優勢.....自問好俾心機教導小朋友，但因為一段片沒有2nd in, 沒有見面機會，坦白講我有點唔開心....唔好意思，有點負能量，不喜勿插

Zonchi

回覆 kinki2130 的帖子

失望都係人之常情。

加油啊！K班有更加多學校可以考和揀，唔好氣餒～

wannabefa

kinki2130 發表於 20-5-15 14:03
今年我仔in N，可能拍片冇其他人咁好，所以連2nd in機會都沒有.....其實我真係幾失望，囝囝係大仔，我同老 ...

明白的, 唔開心是人之常情
真的是當媽了後, 先發覺, 原來可以是這樣的不開心

有時都覺得有D 可笑, 只是PN而已

明明小朋友很好, 明明好用心的教導
我都是同樣的失落中

K 再努力吧, 會有更好的~~

wg_ann

kinki2130 發表於 20-5-15 14:03
今年我仔in N，可能拍片冇其他人咁好，所以連2nd in機會都沒有.....其實我真係幾失望，囝囝係大仔，我同老 ...

K再接再厲吧! N選擇少，所以競爭很大，K有好多選擇，較易入到心儀學校。

另外，真心想知點解咁多家長咁心儀LH，LH比起九龍塘區的名幼，在名氣或歷史上應該有一段距離吧。

Dollys

wg_ann 發表於 20-5-15 15:08
K再接再厲吧! N選擇少，所以競爭很大，K有好多選擇，較易入到心儀學校。

另外，真心想知點解咁多家長咁心 ...

九龍塘學校裹，論歷史，名氣，
迦南，kv，歷史久遠而且人人識，只是近年家長追求升小，而lh係呢方面比到家長信心，因學校升小成績，語言環境，課程教學，公開透明。掉返轉，應該諗，一間只有廿年的學校，為何這麼快會得到家長認同，及成績？

當然，教育並不應該這麼短視，考到固然開心，考不到都不應傷心，就算中，小學讀寶校都未必等如將來人生失敗。

講返N，
其實lh在報考時已經知佢多人爭，
市面有好多好學校不用這麼多人競爭，例如york，英藝......etc
甚至每個人屋企附近，都有好多有愛心的學卷幼稚園。嘗試下欣賞以上學校優點，才能為小朋友選擇更適合既學校。

fadgare

考小，幼稚園只是輔助（除龍校），大部分也是靠家長培養和看小朋友性格及能力。選擇合適的學校就好了，冇話一定要邊間。幼稚園入唔到也不用否定小朋友，不代表家長或小朋友失敗。

Kai92

Bochum 發表於 20-5-14 22:19
近來在EK 看到不少媽媽非常緊張學之園offer,有些更因未能有offer/second in 而感到失望，令我回想幾年前都 ...

可以知道你小朋友讀邊間嗎？

等待天使中

wg_ann 發表於 20-5-15 15:08
K再接再厲吧! N選擇少，所以競爭很大，K有好多選擇，較易入到心儀學校。

另外，真心想知點解咁多家長咁心 ...

其實我都最心儀樓下間LH, 不過冇second in.. 小朋友另外有幾間九龍塘名幼offer .. 不過始終唔想travel..睇吓點啦。的確是一個緣份遊戲...

chingsss

其實唔好講LH，好多間你都唔知佢收生標準係咩。

我同我老公都係屋村學校，絕對唔係名校，又唔係專業人士佢都收左我小朋友。

啲人話對住個平板電腦根本唔會睇清楚一個小朋友好定唔好，其實就算見面都係一樣，face to face都係15分鐘，平板一樣係15分鐘，interview都要靠啲運氣，睇小朋友心情。

自問平時都無比小朋友接觸電子產品，但勝在佢interview當日心情勁靚，無扭計發爛，比張紙同筆佢都自己寫寫畫畫。

我都認同係有好多小朋友比我小朋友聰明醒目，但運氣都要計算在內。

Dollys

chingsss 發表於 20-5-15 16:29
其實唔好講LH，好多間你都唔知佢收生標準係咩。

我同我老公都係屋村學校，絕對唔係名校，又唔係專業人士佢 ...

學校收左，信任學校，家校合作，
小朋友成長差極有限。

LH透明度足，
可以參考返學生去向，最好最差會去邊到，呢點係我最欣賞既地方，不用傳，聽人講。

chingsss

Dollys 發表於 20-5-15 16:37
學校收左，信任學校，家校合作，
小朋友成長差極有限。

嗯，明白。

muimui125

回覆 kinki2130 的帖子

我都一樣，自問好比心機教小朋友，工餘時間我全部都用黎陪 同教小朋友，因為我真係好想參與所有佢成長既一點一滴，所以我覺得LH適合我地，我自問亦是會比好時間同心機比小朋友，唔會浪費學校既教材，但2nd in後沒有offer
糾結左幾日後，知道有個朋友佢一向唔多理小朋友，工作忙，兩公婆成日OT，亦重視私人生活，靠姐姐照顧小朋起居飲食，佢大女係第二間幼稚園讀，之前連佢自己都話唔想學校成日咁多親子野，佢話根本唔得閒理。到而家話因為知道LH成小升績好，幫細仔報PN，佢講笑話，緊係講到自己點陪個仔啦。。。最終有offer  
所以現在我覺得，結果係點已唔重要了，可能原來學校都並唔係自己想像中咁樣，以為自己好適合，其實根本學校就唔係想要

與其失望，不如開開心心去讀歡迎你同你小朋友既學校

我地繼續比心機栽培小朋友，去到邊度都會叻！

slingbb

其實學之園對比好多幼稚園，已好盡力安排盡力喺無可能公平嘅情況下公平。1st in video 感覺唔係㨂最叻小朋友（因為其實學校根本唔cher），係㨂最能喺video中表達親子關係嗰份cohesion 嘅父母入second in .... 大家有睇清楚題目嗎？ 拍7分鐘日常親子短片。

有2nd in 又有offer嘅家長話小朋友抗拒唱歌或表達，因同你三唔識七，校長/主任唔係㨂識唱歌跳舞嘅小朋友，因為學校明白小朋友心理狀況，學校係㨂父母喺小朋友有情緒呢個時候，你係點處理呢？呢一樣亦係學之園重視嘅正向教育。

其實競爭咁大，一定有落選，一定會失望，但如果因為咁，就去隨意落啲未經証實嘅判斷（例如 讀到嘅小朋友都慘狂被谷、或者學校根本就睇家庭背景去㨂人），並唔係一個成熟嘅成年人應有嘅風度。

點解我幾肯定，係因為早幾年我和一個高我幾級的同事一齊考學之園，另外我和老公寫的中小學都是寶校，而同事兩公婆都是名校畢業，最後因為佢小朋友當日表現麻麻，我地有offer佢無offer。但佢地之後K1都考到其他好學校。

這幾年小朋友都在LH無壓力底下開心成長，升小從來學校只有支持和支援，要讀過才能感受這份辦學的熱誠和愛，相信都係點解學之園越來越熱門嘅原因。

ahpopoo

沒有最好，只有最適合～

piglover

點解LH 一出offer，就咁多呢d post嘅，其他名幼又無嘅？ 我都想知？

wannabefa

muimui125 發表於 20-5-15 17:15
回覆 kinki2130 的帖子

我都一樣，自問好比心機教小朋友，工餘時間我全部都用黎陪 同教小朋友，因為我真係 ...

好感謝你的文章令我釋懷。
自問一放工後，回家只做一件事
就是陪伴小朋友，我也非常喜歡參與小孩在幼稚園的事情
亦因而這樣，覺得LH好適合我

但可惜的是，LH沒有選擇我
我也會繼續用心栽培我嘅小朋友
K再努力，大家加油

失敗咗嘅，唔需要太唔開心

因為我知道，有數個2nd in是沒有問小朋友，只問家長的也會有offer。未必是大家所講的，學之園真係好重視小朋友同家長之間的互動

有可能那些家長回答得好好，也有可能那些家長的背景很好。感覺呢場遊戲從來也不是公平。隨緣吧，只是pn而已。深究也沒有意義

jsmjsm

slingbb 發表於 20-5-15 19:42
其實學之園對比好多幼稚園，已好盡力安排盡力喺無可能公平嘅情況下公平。1st in video 感覺唔係㨂最叻小朋 ...

我好同意你講
學校那份辦學熱誠,真係感受到

外界扣上的狂谷,深,目標為本考小等等的帽子, 明就明, 唔明就有得佢....

cat20203

可能不是太關事的鼓勵:
6月Ｂ，無任何名幼offer，由n讀到K3普通私幼。
考小一也無直私offer, 好彩自行中了一線津校。(中那一刻也十分感恩。)
運氣，不要一時用盡。其實我希望考中學先用！
老土d講，要贏在終點線！

ho_yan2406

好多入唔到LH早都話自己冇家底，但LH一定唔睇家底收生，我同老公讀普通小學，佢個間小學執左添，中學係而家屬B2, 同B3既學校, 佢係sales一名，我係普通c9一名，2個都係ive畢業，又唔係住私樓，但我仔同女都考到。。仔係細b冇考過N, 女考N時都唔收，之後考K1先收。所以我可以好肯定LH只睇interview表現。
其實咁多人In，位又得咁少，入唔到2nd in都好正常，唔係大人同小朋友既問題，無需諗太多，最緊要入到適合小朋友既學校。
至於LH好唔好，我覺得好好，尤其校長，凡事親力親為，大部份老師都好nice, 學生都好鍾意佢地。