學之園真係咁好嗎？

Bochum

近來在EK 看到不少媽媽非常緊張學之園offer,有些更因未能有offer/second in 而感到失望，令我回想幾年前都有同樣的經歷，囝囝當時PN同K1都有考過，但都係second in 之後就冇offer,當時囝囝表現很好又是大B,我只怪自己沒有優秀的家庭背景/職業更重要係冇世襲名小的優勢，當時雖然非常失望，但路還是要走下去，有幸得到另一私幼的offer,小班教學加上英普優良語境，一讀四年，又近屋企，囝囝返學很開心，更可以以英普對答，囝囝現就讀心儀的直資小學！反觀當年有學之園offer 的朋友，佢囝囝都考不上心儀的小學，只派了大抽奬小學！我甚至覺得佢哋派小成績是靠世襲/sibling 背景形造出來的！

所以考唔到學之園完全唔需要失望！

我純粹有感而發，不喜勿插！

wg_ann

在ek通常LH用家話自己係N無人士，但非用家就會話小朋友好醒目/超大B/做到晒tasks，但因為無背景/非世襲，所以無offer。

真係唔明點解咁多人著重LH點收生，其他幼稚園都無咁多人討論/猜測收生準則。
近年LH開多幾間分校，如果願意入讀新分校，其實易入好多。

kytso

Bochum 發表於 20-5-14 22:19
近來在EK 看到不少媽媽非常緊張學之園offer,有些更因未能有offer/second in 而感到失望，令我回想幾年前都 ...

請問你的小朋友讀了哪一間英普私幼呢？

Dollys

Bochum 發表於 20-5-14 22:19
近來在EK 看到不少媽媽非常緊張學之園offer,有些更因未能有offer/second in 而感到失望，令我回想幾年前都 ...

其實再數10-20年前，都無人首選直私。
當時個人覺得kv是最好的幼稚園。
但時間既推移，
去到今天，已不能同日而語。

就算數年前的lh升小，跟今日lh升小，
成績都不能同日而語。

LH家長目標應是直私，
世襲生似乎沒有太多關係呢

muimui125

坦白講。。。今年in學之園N 2nd interview後無offer真係幾失望！我擺左好多心機去拍條片 講真真係好想知佢用咩標準收生，係唔係間間分校一樣？

Dollys

muimui125 發表於 20-5-14 23:42
坦白講。。。今年in學之園N 2nd interview後無offer真係幾失望！我擺左好多心機去拍條片 講真真 ...

LH考既人比以前確實係多咗好多，所以都難左好多。以前已經難，今日更難!

Btw準則上，我估計每間分校不同，熱門度，對手都不同啦。

Bochum

muimui125 發表於 20-5-14 23:42
坦白講。。。今年in學之園N 2nd interview後無offer真係幾失望！我擺左好多心機去拍條片 講真真 ...

所謂嘅準則，我覺得首先父母看起來同實際上要很中產！

今年仲要拍片+second in？？OMG真心覺得太誇張！收一個小孩，點解要過咁多關？

Anyway,不要灰心，你已經做得好好！只怪香港k 形的收生制度，造就呢啲咁嘅學校！我真心希望家長們真心想一想，系咪入所謂名幼就對子女最好？
我是過來人，囝囝不讀名幼也很開心，學術成績我完全收貨！

ccl_12

未入學競爭已咁大，入左嘅小朋友同家長唔加把錢努力好易追唔上，對大家心理都可能有影響，大人都可以調節，小朋友喺咁早嘅階段係咁被谷同比較，好難想像第時價值觀會係點嘅，不喜勿插

wg_ann

Bochum 發表於 20-5-15 00:47
所謂嘅準則，我覺得首先父母看起來同實際上要很中產！

今年仲要拍片+second in？？OMG真心覺得太誇張！收 ...

不用覺得太誇張，因為疫情的關係，沒辦法面試，所以很多幼稚園都改為拍片，現時有些仍收生不足的私幼，都要求家長交video，假如學校妄顧疫情要求親身面試，不是反而更有問題嗎？

其實如果只看家長背景，申請表都已經有晒資料，學校根本不必花時間去詳細面試同second in, 倒不如簡簡單單叫家長帶小朋友來玩10至15分鐘就叫完成面試。

入唔入到一間學校其實看緣份，我考幼稚園時也有好幾間落空的學校，雖然考唔到，但我相信自己的判斷，我申請呢幾間學校係因為我覺得佢地係好學校，考唔到固然很可惜，但我唔會因為考唔到而覺得果間學校唔好，只可慨嘆自己和學校無緣份。賽翁失馬，焉知非福，咩學校都好，最重要係小朋友番學開心，喜歡上學。

beefu

delete

wannabefa

Bochum 發表於 20-5-14 22:19
近來在EK 看到不少媽媽非常緊張學之園offer,有些更因未能有offer/second in 而感到失望，令我回想幾年前都 ...

樓主可以告知係邊間私幼嗎？謝謝你

yencheung1981

好少係度留言, 不過都想講返幾句
背景 : 我同老公都係中學畢業, 住極普通私人樓, 家庭主婦+普通部門主管 ( 非專業人仕 )
大女8年前考CPLV pn, 有pm offer, 但最後無take
細仔1年前考CPLV pn, 起初係waiting, 後黎call waiting, 有讀

見到好多人話LH只要父母名小畢業生, 我份報名表係無填父母讀咩中小學, 因為覺得填左都無意思, 因為唔係名校....

講中產, 我諗我仲未算

有時學校揀學生都會講吓天時地利人和眼緣, 時常記住The best is yet to come, 沒有最好, 只有最好......

tt_blue

回覆 Bochum 的帖子

我有一對夫婦朋友，屋村長大，以前讀書成績勁差，後來工作也並非專業人士。佢地既囝囝都考到學之園，而且最後考到入男拔。

一間學校好唔好，我覺得係睇好多野，老師專唔專業，學校同家長有冇良好既溝通，教育方針係唔係與時並進等等....

學之圚IN 小朋友係有好多關，但係呢個亦係一個負責任既表現。佢地揀選有足夠能力既小朋友，以及一D 願意同校方有緊密合作既家庭。若然0係收生方面，可能見5分鐘就算，收左D唔適合既學生，其實小朋友又跟唔上，家長又壓力大，對大家其實都冇好處。

Raccch

我都唔太明白點解最近好多Post都係有關LH offer，當中仲有好多人攞LH同龍或者半龍幼稚園比較。當年我剛剛接觸EK的時候好似無見咁多人心儀同討論LH，大家都係一心入龍幼的。無可否認有可能近年大家覺得LH教出來的小朋友學術底子好，考小好。但係我覺得考小結果同家庭教育關係大啲。
利申：非用家，小朋友亦無考過LH

Poyau

Raccch 發表於 20-5-15 10:14
我都唔太明白點解最近好多Post都係有關LH offer，當中仲有好多人攞LH同龍或者半龍幼稚園比較。當年我剛剛接 ...

直私小學入學要求高咗
但龍/半龍幼未必能追上
做就雙語私幼增長空間

Raccch

回覆 Poyau 的帖子

當年大女讀私幼，身邊龍校券幼朋友已經係咁話券校唔得，英文普通話係完全唔掂。我心諗，你係龍校讀有小學offer，私幼要係公海搏殺，壓力差好多好多好多。有龍幼的小朋友考小就去3-4間最top的心儀小學，讀私幼的朋友個仔去年考了30-40間。。。

sasa_mom

muimui125 發表於 20-5-14 23:42
坦白講。。。今年in學之園N 2nd interview後無offer真係幾失望！我擺左好多心機去拍條片 講真真 ...

認同樓主！其實還有很多幼稚園用心辨學。當小孩讀小一時就算是一缐小學你會發現孩子來自四面八方。

LH傾向選乖乖受控小孩。他們衡量的是那個小孩能否幫他們打杖。家長要配合學校。

當然明白疫情關係不能到學校面試。但不認同透過電腦平幕判定小孩才能。比如說，一個兩歲小孩不肯回應電腦看到的陌生人是不代表他不夠醒目，反而可以代表佢有危機意識。有很多家長三歲前也不會給小孩用螢幕。幼童溝通根基是建立於實際生活環境。

不要灰心，真的有其他幼稚園也能培育優秀孩子。

只怪香港教育制度太扭曲。

Dollys

Poyau 發表於 20-5-15 10:25
直私小學入學要求高咗
但龍/半龍幼未必能追上
做就雙語私幼增長空間

同意，很多人還停留在以往既年代

leung133

呢個時候問，就會變左入到同入唔到既家長各自保護自己既仔女，當然覺得自己既選擇係最好。但係，最緊要都係無論入到邊一間學校，都要好好對待子女，無須比任何壓力做到任何野。間學校受唔受歡迎係客觀既 有事實在前，未同其他學校差不多，無須上心，入唔入到都係好事

jsmjsm

或者又可以填充題...
SC 真係咁好嗎?
KV 真係咁好嗎?

每間學校都一定有好同唔好既地方, 相信應該係睇matching....喜歡KV 的家長,通常不喜歡LH, 因為兩所學校理念不同...睇家長/學校覺得邊個適合自己

入了KV 的, 係咪一定覺得LH 唔好? 唔係, 因為只係唔適合自己, 因為家長參與度較高

入了LH, 係咪又覺得KV 唔好? 又唔係, 只係家長或許唔太喜歡乜都唔知, 又係適合興否既問題

學之園/SC/KV 或一眾龍校多人討論又唔一定等如非入不可, 而其他私幼券幼會係一文不值...都聽過唔少隱世好卷校

小朋友每日返3hrs 學, 其餘時間係家教. 會唔會小朋友讀學之園既朋友覺得學校會搞掂晒, 無extra effort? 反而你又好用心栽培小朋友,所以有回報?

考小太多varibles, 淨因為小朋友無offer 而質疑學校只靠世襲/中產家長,似乎略欠公允.