英國中學9月有冇機會復課

Isaacmommy

本帖最後由 Isaacmommy 於 20-5-28 21:19 編輯

小朋友九月第一次入學，14日隔離期間學校不提供住宿，父母又陪唔到佢去 (因到達英國及返港一共要隔離28日，放唔到咁多假)，都唔知點安排！本來準備同小朋友一齊過去開銀行戶口、教佢撘車、行一次 town centre 、教佢邊度買嘢、同佢買被鋪、買日用品零食、幫佢到 boarding house unpack 同買校服等等.....現在好煩！有無建議？

PacoMum

Isaacmommy 發表於 20-5-28 21:17
本帖最後由 Isaacmommy 於 20-5-28 21:19 編輯

小朋友九月第一次入學，14日隔離期間學校不提供住宿，父母 ...

我情況同你差唔多，未問學校有無地方隔離，就算有都有好多野做唔到，亦唔放心佢自己一個過去。而家希望到時唔使隔離，唔係都唔知點算！

longlokma

PacoMum 發表於 20-5-28 21:42
我情況同你差唔多，未問學校有無地方隔離，就算有都有好多野做唔到，亦唔放心佢自己一個過去。而家希望到時 ...

我孩子學校宿舍應該可以隔離， 但係同上面網友講嘅一樣，原先希望陪佢一齊去可以帶多啲嘢， 同佢周圍行下熟習環境，去到再添置有需要嘅物品…… 而家陪唔到佢去真係好多嘢都要重新計劃過，好煩  

huanghou

PacoMum 發表於 20-5-28 21:42
我情況同你差唔多，未問學校有無地方隔離，就算有都有好多野做唔到，亦唔放心佢自己一個過去。而家希望到時 ...

也是同路人，還未知學校能否提供宿舍隔離，煩惱中.......始終第一次離家，希望settle得好D，新生活有個好開始。

GUI_GUI_NG

我情況都 一樣, 本來打算同小朋友一齊過去開學, 帶小朋友去學校附近認下路, 開戶口, 開電話咭, 買校服....安排開學的野.
在現在情況, 去要隔離, 返又要隔離, 只是隔離就28天. 小朋友讀y8, 第一次去留學, 根本未有能力處理由機場去學校. 直至現在都不知應怎去安排? 買幾號的機票.... 都想看看大家意見.

小朋友讀Stonyhurst, 如果有同校家長就好, 可以一齊夾夾想想辦法.

yuyueng

GUI_GUI_NG 發表於 20-5-29 15:14
我情況都 一樣, 本來打算同小朋友一齊過去開學, 帶小朋友去學校附近認下路, 開戶口, 開電話咭, 買校服.... ...

電話卡起香港開，校服果D其實都系起校服網訂左直接送去宿舍，應該7月頭會知道分左邊棟宿舍，開學前幾日訂就得（所以可以遲下先），其他物資上網買好方便，瑪莎，AMAZON果D，快既翌日都送到，所以亦無須擔心，唯一擔心系第一次去人生路不熟，如果你經Agent報，你叫Agent幫你揾有無舊同學

可以孖你仔一齊搭的士去學校？車通常系監護人公司安排。

GUI_GUI_NG

回覆 yuyueng 的帖子

謝謝你建議, 我都沒有想過問agent 是否有學生一起去. 我會問問. 但我所知這間學校不太多香港學生, 希望找到.

egg.plant

我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8月15，16日，派職員飛香港，再湊班小朋友一齊搭CC飛UK，起碼我作為家長，就好安心，當然，呢個係extra service。

egg.plant

我諗UK學校比較樂觀，當大家仲15 16咁，討論今年9月開唔開到學，我仔學校就宣布提早一星期開學。

PacoMum

其實到時有可能已取消十四天隔離，未必會實施三個月咁耐，但好多野都未定，唔知點安排，機票已買，又唔知點改

小公主媽媽

我都覺得不會實施到8月，機票不好改住，現在CX 可以改到30/7

迷你人

egg.plant 發表於 20-5-29 17:44
我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8 ...

咁點去學校？邊個帶？

3b

egg.plant 發表於 20-5-29 17:48
我諗UK學校比較樂觀，當大家仲15 16咁，討論今年9月開唔開到學，我仔學校就宣布提早一星期開學。
...

學校提早一星期開學， 宿生要早幾多日到校？

cfs

egg.plant 發表於 20-5-29 17:44
我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8 ...

陪坐飛機？其實學生自己坐已經可以，安排機場接送就足夠。不過大部分學校都安排車去機場接學生，所以連監戶人公司都唔需要。大個仔女，唔好太擔心。我仔都係十四，安排好坐轉機返去。

cfs

GUI_GUI_NG 發表於 20-5-29 15:14
我情況都 一樣, 本來打算同小朋友一齊過去開學, 帶小朋友去學校附近認下路, 開戶口, 開電話咭, 買校服.... ...

銀行戶口在香港開啦，校服好多學校都係䋄上訂送到學校，如果唔岩穿，學校Marton會幫手處理退換碼，至於機場接送，問下學校係咪會安排交通接送丫，如果有就一出機場就上學校車，唔使怕。電話卡喺香港買定一張，落機可以開數據，聯絡爸媽，希望疫情快啲退，家長可以去陪開學啦

kct18

egg.plant 發表於 20-5-29 17:44
我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8 ...

請問你用那間guardian 公司？

egg.plant

3b 發表於 20-5-29 19:58
學校提早一星期開學， 宿生要早幾多日到校？

一日

yuyueng

GUI_GUI_NG 發表於 20-5-29 16:48
回覆 yuyueng 的帖子

謝謝你建議, 我都沒有想過問agent 是否有學生一起去. 我會問問. 但我所知這間學校不 ...

因為舊年十一月底agent有問我介唔介意有個新同學家長想聯絡我，我仔學校都係得幾個香港人，有D野直接問我會清楚過問agent既，我都有話歡迎到時孖我仔一齊去學校。

yuyueng

3b 發表於 20-5-29 19:58
學校提早一星期開學， 宿生要早幾多日到校？

早一日，新生就朝早到，舊生下午，翌日就正式上堂。

yuyueng

egg.plant 發表於 20-5-29 17:44
我同大家一樣，仔得14歲，平時都甩甩漏漏，依家一個人去到咁遠，我都好擔心。
我果個guardian公司，正安排8 ...

機場接送好夠，我仔都14歲我仲買轉機比佢往返添，上次聖誕芬蘭轉機，佢仲好興奮話出面落雪同見到一間好大既姆明店。