《十萬火急》老師打黎話希望家長改升中排位次序

sunnymama2

小朋友區內band 1 生，家長亦再三和學校老師confirm 非band 1 邊緣人，所以填哂可揀的band 1學校才填band 2。小朋友所屬的區係band 1 位不足。

其實未交表時老師已經review 左好多次，話我地填得太進取，但我地都冇咩點改，都係填盡band 1 學校才填band 2 校。已交左升中派位表比學校，但老師前日打黎話填得太進取，好驚會碌左去好差的學校，所以明天再約家長去學校見見，睇吓會唔會改次序。

大家可否幫我睇吓我係唔係真係排得唔好?

乙一: 區內band 1C女校
原因: 區內兩間最hit 的男女校band 1A/B 唔敢填，所以揀女校想提高命中率。小朋友去過開放日，亦好喜歡間學校

乙二: 外區band 1A 女校(只有4個位)
原因: 因為過往有人乙二/乙三中乙一，亦聽過有band 2 生入乙一，所以我們認為小朋友今年中乙一的機會都大。如果唔中乙一，即係號碼差，咁不如採取少人用的策略，就是乙二填只得幾個位的外區女校，希望冇乜人夠膽咁報呢間得幾個位Band 1A女校，人棄我取。

乙三：區內band 1C
原因: 老實講，我覺得全港性只有band 2, 但老師成日講佢係區內band 1,亦有好多band 1 生揀，咁家長唯有將佢放喺乙三(家長講過入到呢間學校心有不甘，不過老師極力推介，唯有揀吓)

乙四~乙8: 外區band 1 校,每間得2~3個位。
原因: 過往聽過有人外區乙7中LS,所以想搏盡執雞的機會。

乙9 打後: 區內band 2 校

老師話其他band 1生好多好早已放band 2, 驚小朋友前面要唔中唔知碌左去咩學校。

天呀，因為老師真係好苦口婆心咁勸家長改次序，一反ek 呢度band 1 生填盡band 1 校的原理。

PS: 小朋友是侄女，排位方面我俾左好多suggestion, 和學校老師的suggestion 相差好遠。咁佢父母最後都有接納我意見。但經老師再三勸說，分分鐘可能提早將band 2 校排前。

我緊張的不是我和學校誰最後可以影響家長的選擇，我只怕我或學校老師某一方的一知半解誤導了家長，影響小朋友升中。

歡迎各位精叻的ek 家長係意見!

b3410

雖然唔係好熟派位填表，不過乙一唔係熱門學校，機會已經好大。

又有乙九之後的band 2學校，如果一定係band1 同學，已經好穩陣。

除非，除非，老師其實唔肯定小朋友banding ?

medicine

sunnymama2 發表於 20-5-10 08:28
本帖最後由 sunnymama2 於 20-5-10 08:30 編輯

小朋友區內band 1 生，家長亦再三和學校老師confirm 非band ...

你已經相當保守！

堅定信念，唔使過早投降填B2，就係甘多。

當然，語言上可以有商有量（比如等老師比建議點排法再提出自己理由，老師話填甲，就問有幾多人填，外校唔知，但本校尼，套料后再揾藉口，人多填就話太多人少就話本校都沒人揀……）但結論不變，沒得改。

sunnymama2

b3410 發表於 20-5-10 08:42
雖然唔係好熟派位填表，不過乙一唔係熱門學校，機會已經好大。

又有乙九之後的band 2學校，如果一定係band ...

唔係呃你，因為老師好早就話乙三填band 2, 我都有懷疑是否小朋友是邊緣人，叫家長問老師N次， 學校老師都回覆左N次，係band 1 生，非邊緣人

b3410

學校每年公佈升中派位，是只公佈“首三”志願，還是公佈具體學校，人數？

sunnymama2

medicine 發表於 20-5-10 08:44
你已經相當保守！

堅定信念，唔使過早投降填B2，就係甘多。

如果係我小朋友，我乙一就填外區band 1A 女校啦!

至於本身填乙一的band 1C女校就放乙二。因為聽過以往有人乙二/三入，亦有band 2 生扣門入。

sunnymama2

b3410 發表於 20-5-10 08:49
學校每年公佈升中派位，是只公佈“首三”志願，還是公佈具體學校，人數？ ...

只係公怖個別出區內較出名的學校，人數唔知。

medicine

sunnymama2 發表於 20-5-10 08:51
如果係我小朋友，我乙一就填外區band 1A 女校啦!

至於本身填乙一的band 1C女校就放乙二。因為聽過以往有 ...

既然係甘，絕對值得懷疑“老師”的動機，即提高首三志願率。


該引用下面個條

medicine

sunnymama2 發表於 20-5-10 08:51
如果係我小朋友，我乙一就填外區band 1A 女校啦!

至於本身填乙一的band 1C女校就放乙二。因為聽過以往有 ...

B1校排列可以好個性，但絕不提早填B2.最簡潔的答案！

gracelam

sunnymama2 發表於 20-5-10 08:28
小朋友區內band 1 生，家長亦再三和學校老師confirm 非band 1 邊緣人，所以填哂可揀的band 1學校才填band 2 ...

老師立場係做靚頭3志願%就可收工!

我一定唔理佢，自己仔女自己負責，肯定Band 1生最差都係派去Band 2中學。

不過始終係姪女，最後佢父母要堅持先得。

zitaeric

我覺得乙二放只有幾個位比較冇咁好，萬一如屬邊緣，真係会飛佐:边，真係同學校確實自已位置，其實家長自己都应該好清楚自已子女大約起边
边缘另計

sunnymama2

medicine 發表於 20-5-10 09:01
B1校排列可以好個性，但絕不提早填B2.最簡潔的答案！

你第一句簡而精

sunnymama2

zitaeric 發表於 20-5-10 09:24
我覺得乙二放只有幾個位比較冇咁好，萬一如屬邊緣，真係会飛佐:边，真係同學校確實自已位置，其實家長自己 ...

問過老師N次，老師亦答N次，肯定係band 1 生，非邊緣人。

sunnymama2

gracelam 發表於 20-5-10 09:21
老師立場係做靚頭3志願%就可收工!

我一定唔理佢，自己仔女自己負責，肯定Band 1生最差都係派去Band 2中學 ...

我都係咁諗，但家長係對派位玩法一竅不通，我叫佢上黎ek睇吓學野當參考佢當我唱歌。

但我又驚家長的無知，白白令侄女少左入band 1 校的機會。

LOKLOK89

如果確定不是邊沿人, 不用理老師。佢都係想交差保頭三命中。

sunnymama2

LOKLOK89 發表於 20-5-10 10:11
如果確定不是邊沿人, 不用理老師。佢都係想交差保頭三命中。

係，換在我係唔會理。

其實讀左6年小學爭取到band 1 生，冇理由唔利用band1 生揀先的優勢去選校囉，比你係band1生最差的no.，都比band 2 生第一個no.揀先!

在區內band 1 位不足情況下，點都有band 1 生入左band 2 校，但唔可以因為咁咁快投降，touchwood 入左band 2B校都可以試叩門入band 2A 校!

hohoho36

都唔係邊緣人，number至唔靚點排都入band2啦！萬一number唔係十分後，但將band2排前，咪早早入band2囉！

mcl203

sunnymama2 發表於 20-5-10 08:28
小朋友區內band 1 生，家長亦再三和學校老師confirm 非band 1 邊緣人，所以填哂可揀的band 1學校才填band 2 ...

老師約咗明天見咪幾好囉，可以面對面用你嘅認知同佢直講，請佢解釋下本區真B1生為何唔可以盡填B1中學先於B2中學。睇吓佢有乜獨特見解和分析，去游説你改變主意吖嘛，最重要最重要係chok佢去肯定自己是否真B1生，俾流料入佢數～～～

2jkidsfather

sunnymama2 發表於 20-5-10 09:26
本帖最後由 sunnymama2 於 20-5-10 09:27 編輯

問過老師N次，老師亦答N次，肯定係band 1 生，非邊緣人 ...

乙二照理不應是外區B1A得四個位學校，乙一才有機 (要肯定係band 1 生)。
號碼優先，乙一已走
號碼偏後，乙二外區B1A四個位學校還有機？

PuffyBobby

其實大抽獎最能夠影響到結果嘅就係隨機號碼唔靚，所以老師會建議你放啲band two學校喺乙四至乙九都合理嘅，萬一你咁唔好彩號碼唔靚，而你又放哂啲band one係前面咁就會唔夠人哋爭！我明白你嘅心態係想搏盡但萬一咁唔好彩碌到去好後咁就慘啦！我聽老師講過有個band one女仔就係因為號碼唔靚而派到去乙七...
題外話，你侄女係咪讀黃大仙區㗎？