用戶登入
用戶名稱:
密      碼:
搜索
教育王國 討論區 國際學校 想問問Harrow 同RCHK 大家點揀?
查看: 5441|回覆: 55
go

[其他] 想問問Harrow 同RCHK 大家點揀?

Rank: 2


35
發表於 20-5-8 21:25 |顯示全部帖子
因為社會運動,所以毅然上年幫個女轉IS 路線本身有RC year 1 offer(買左INR),但係Harrow 得waiting pool
點知今日突然Harrow 話有K2 offer
搞到我地都好煩惱
考慮Harrow 原因:住Harrow 附近,聽聞更注重discipline,但怕其他同學非常有錢,融入唔到
但係RC學費+雜費平Harrow 一半,教繁體中文
唔知道Harrow 同RC academic performance 分別大唔大?

我對學校第一想校風,第二師資,第三學生成績整體情況
唔知道大家會點揀?
始終$40萬同之後每年要多比既錢唔係少!

苦惱中,希望大家幫幫忙!🥺

Rank: 5Rank: 5


2703
發表於 20-5-8 22:56 |顯示全部帖子
本帖最後由 v369234 於 20-5-8 23:12 編輯

都係好學校,唔睇錢,主要睇學制 (IB vs British)對出國升學偏愛國家亦要考慮,繁中vs 簡中,RC相信中文多D....
睇錢,其他家長話寄宿好Y6,但一年總使費就係學費x2...
入RC有機會可以將來因轉地址申請轉ESF其他學校...
感覺上ESF/RC(如冇NR)比哈羅難入(學費)
未來經濟環境太多變數...最緊要自己計得掂 13+3/4 Y
https://www.edu-kingdom.com/foru ... 36&highlight=Harrow

Rank: 9Rank: 9Rank: 9


20612
發表於 20-5-8 22:56 |顯示全部帖子
Janetchen 發表於 20-5-8 21:25
因為社會運動,所以毅然上年幫個女轉IS 路線本身有RC year 1 offer(買左INR),但係Harrow 得waiting pool
...

我唔認識Harrow, 好難俾意見;但Harrow行英制,從套校服、到校舍、到寄宿都好英式。

RC行IB, 校風自由、小朋友無拘無束,連套校服都好方便大家走動同打波,冬天唔怕凍可以一直穿短褲短袖polo; 學生整體都是純樸活潑,出外field trip參覌時都是比較嘈的一班。

老師資歷都好,但又不代表都是好老師;遇過有hea/主觀超強,也遇過好到不得了的老師,明白人夾人緣。

如果選RC, 會考慮搬屋嗎?RC不少家長最終都會有這決定,有人租、有人買,好處是子女上學方便好多。

Rank: 3Rank: 3


139
發表於 20-5-8 23:10 |顯示全部帖子
如果是我,我会选rc!

Rank: 2


35
發表於 20-5-8 23:45 |顯示全部帖子
回覆 v369234 的帖子

係呀 其實唔比NR 分分鐘考唔到RC 因為真係好多人爭呀知道!

Rank: 2


35
發表於 20-5-8 23:49 |顯示全部帖子
回覆 Radiomama 的帖子

多謝你咁多既意見!嘈 自由奔放我覺得其實無問題不過係怕容易學壞 所以緊張校風同朋輩影響
其實RC 係咪都好乖架d 學生?
始終大大下就唔到我地管

其實都有諗真係太遠搬屋
不過起碼都幾年後既事

Rank: 2


35
發表於 20-5-8 23:49 |顯示全部帖子
回覆 Singery 的帖子

可唔可以解釋一下?thx!

Rank: 4


661
發表於 20-5-9 01:53 |顯示全部帖子

回覆樓主

我會揀RC

Rank: 9Rank: 9Rank: 9


20612
發表於 20-5-9 08:46 |顯示全部帖子
Janetchen 發表於 20-5-8 23:49
回覆 Radiomama 的帖子

多謝你咁多既意見!嘈 自由奔放我覺得其實無問題不過係怕容易學壞 所以緊張校風同 ...

我仔讀到中學啦,我所見的同學們都好乖、好緊張成績。他不是運動型,所以我不認識那邊的情況;但童軍、辯論、quiz, battle of book, science & maths competition, concert band 這些活動均有參加,同儕之間互相支持和競爭,非常健康。

成長中的孩子,只能指導,不能管。RC 的老師都是這樣行。

Rank: 3Rank: 3


268
發表於 20-5-9 08:50 |顯示全部帖子
如果比我,中學出國我會揀Harrow; 留港讀就揀RC

Rank: 3Rank: 3


132
發表於 20-5-9 10:35 |顯示全部帖子
我兩間都有參觀過tour,我覺得最大分別係中文同埋學制,始終一個行IB一個行英制,一個繁體一個簡體。
我同意上面所講如果RC無買INR係幾乎入唔到,去行tour時admission既staff都已經明確暗示無買NR的話少過5%人可以入。

校風方面:兩間小朋友都有禮貌,會打招呼,呢樣嘢都幾印象深刻。但係參觀過兩間後感覺RC比較適合平民百姓,如果本身係中產的話感覺唔會同其他小朋友家庭背景差太遠。但係Harrow本身都有不少內地人子女入讀,本地小朋友好多屋企都係做生意,家庭環境明顯比較富豪級,家庭背景方面同ISF好類似。我帶小朋友面試時見到好多無論本地或內地家長的小朋友都穿著名牌,家長自己手戴過百萬名錶,用幾十萬名牌手袋,家長與家長之間感覺唔係咁平易近人,參觀RC的家長一般都比較平易近人,會有傾有講,但係呢個係行tour既感覺,所以我覺得要問返真正用家實際情況。

設施比較:當然哈羅本身學校無論設施,課外活動都好好,但係RC本身都有泳池,球場,學校地方除左哈羅比較大,其實其他設施唔係差太遠,當時聽admission講RC好似會係地下既球場再擴建一些設施。其實ESF唔係好多學校入面有泳池,講性價比的話一定係選擇RC。我都有問過哈羅家長,佢地話雜費例如校車午膳等等一年大約要10萬。結論係如果自己本身屋企係唔屬於富豪級的話,要擔心小朋友入到去大左會唔會同其他小朋友比較家境,我覺得呢個要特別留意,會唔會對小朋友心理發展有影響,最好問返用家,因為只係個人意見。

另一方面,好視乎你本身想小朋友中文exposures有幾多,RC有一座中文教學大樓,教授繁體中文,老師係內地老師講普通話,教授模式有系統,我見year 2已經係作句寫短文,有教中國歷史,教授中文時間一週比哈羅多同埋tour 時有外國人家長問中文係咪compulsory佢地似乎唔係咁想俾子女讀中文,admission staff答係,甚至講話如果唔想學中文唔應該揀RC,可以見到佢地都幾重視中文。哈羅方面lower school一週只有4小時,同埋參觀時感覺哈羅唔係特別重視中文,課程教簡體,去到高年班亦可以選擇揀法文,所以如果想小朋友學好繁體中文,揀哈羅的話肯定要努力外補,家長自己再另外提供語境,但係如果揀RC我覺得唔使特別擔心中文程度,呢個係RC比起其他國際學校最可取之處(當然中文重視程度唔可以同弘立比較),我感覺小朋友多出黎既時間可以學其他課外活動例如音樂或者運動。

學業成績:由於哈羅行英制,RC係IB,所以難以直接比較。不過有人話IB已經開始成為主流,連傳統名校都有一部分top student 可以選擇讀IB,話因為IB學習模式方面比較適合未來社會發展,因為IB模式要小朋友自主學習,培養學生喜愛學習,同英制好唔同,係傳統學習,如果小朋友會出外升學,IB學制去英美都可以銜接。另外我係RC tour入面最後行一個教學大樓係主要俾學生學習Engineering 同robotics, 有個小工場比學生做木工之類既project,我覺得呢個令我對RC大大加分,因為參觀時可以感受到負責講解既老師對呢方面都好有passion,所以感覺師資唔會差太遠,同埋學校都重視STEM。

總結:我個人比較喜歡RC,黎緊亦打算會買INR幫子女增加入讀RC既機會。我覺得如果樓主已經買左RC個INR又通過左個interview,唔好浪費大好機會,始終INR越黎越多人買,之後會越黎越難買,最近好多家長都因為社會事件而為子女轉讀IS, 我有聽過有家長買INR但係小朋友過唔到interview,所以小朋友過到個interview 都係叻。RC校風上感覺唔離地,可能因為有少少俾哈羅個interview 場面嚇親,始終都唔想小朋友同其他小朋友家庭環境差太遠對將來心態有影響。同埋我唔想中文要搵外補,始終好既外補又唔多。希望以上由tour得出黎既information 可以幫到你。

Rank: 9Rank: 9Rank: 9


20612
發表於 20-5-9 11:06 |顯示全部帖子

回覆樓主:

本帖最後由 Radiomama 於 20-5-9 11:08 編輯

本帖最後由 Radiomama 於 20-5-9 11:08 編輯

本帖最後由 Radiomama 於 20-5-9 11:07 編輯

作為RC家長補充少少:
-家庭背景中產為主,家長好友善,也好積極參與活動服務;如:童軍活動完全由家長做leader帶領;
-小學部重視stem, 中學就有DT一科必修,由車衣到鋸木都要做;
-中文是必修,香港家庭多是native stream, 學繁體;小學時家長希望小朋友讀最高一組、中學時就希望跌去中文B那組。所以請選定行車路線,我仔無外補中文,一直符碌在A組,到中學是不能按學生意願轉組的。學校堅持老師專業判斷。所以有些高年班到Y12轉讀Spanish

Rank: 2


35
發表於 20-5-9 12:05 |顯示全部帖子
多謝你地咁多位既意見呀!非常感激!
睇黎大家都比較支持RC
不過想知道RC 好似小學free d 🈚️咩功課
但係成績又唔差,究竟點樣做到?

Rank: 3Rank: 3


186
發表於 20-5-9 12:23 |顯示全部帖子
請教各位前輩:ESF幼稚園學生投考RC是否有優勢?thx

Rank: 3Rank: 3


206
發表於 20-5-9 12:41 |顯示全部帖子
RC畢業生多唔多考到牛劍ivy league?Harrow我見年年都幾個畢業生考到



Rank: 3Rank: 3


206
發表於 20-5-9 12:43 |顯示全部帖子
回覆 lavender_mum 的帖子

我朋友都話ESF K上RCHK係比較易,因為多啲人㨂SJS

Rank: 5Rank: 5


2703
發表於 20-5-9 12:55 |顯示全部帖子

Rank: 3Rank: 3


268
發表於 20-5-9 13:31 |顯示全部帖子
回覆 v369234 的帖子

Harrow 應該比較多人出國,外籍人士比例較多,中文應該比較弱
RC應該比較多香港人,多人留港升學,中文較強,但比了400K INR, 揀RC合理D

Rank: 2


94
發表於 20-5-9 14:46 |顯示全部帖子
siuta 發表於 20-5-9 12:43
回覆 lavender_mum 的帖子

我朋友都話ESF K上RCHK係比較易,因為多啲人㨂SJS

點解多人揀sjs?

Rank: 3Rank: 3


206
發表於 20-5-9 14:49 |顯示全部帖子
siuballma 發表於 20-5-9 14:46
點解多人揀sjs?
因為想升SCSC IB 成績每年都好好
你需要登錄後才可以回帖 登錄 | 註冊