用戶登入
用戶名稱:
密      碼:
搜索
教育王國 討論區 幼教雜談 學習phonics經驗分享 - Alphablocks
發新帖
查看: 53397|回覆: 16
go

學習phonics經驗分享 - Alphablocks

Rank: 3Rank: 3


357
發表於 20-5-6 17:13 |顯示全部帖子
本帖最後由 hamstar 於 20-5-8 11:11 編輯

本帖最後由 hamstar 於 20-5-8 11:10 編輯

每個小朋友的學習方式有異,有些真是不喜歡看 Alphablocks, 但條條大路通羅馬,以下經驗純粹給大家參考。  

現在的小朋友學英文,幾乎都會學英語拼音Phonics。我沒學過Phonics,最多也只是中一時學過國際音標IPA以助查字典,但這與英語拼音是兩碼子的事。既然女兒學校有教授拼音,那交給學校就好了。學了四個月,會A至H的發音,雖不懂拼讀,但感覺已不錯了。


停課期間,朋友介紹了些英語動畫,其中一套是 BBC 製作的 Alphablocks 字母積木。看了一個月,她居然學會 A至Z的發音,並能拼讀簡單的CVC生字,令我嘖嘖稱奇。之前只會朗讀牛津樹ORT Stage 4 (要看了一年ORT才會朗讀) ,看了兩個月Alphablocks, 竟能朗讀 Stage 6(雖只讀到7 成), 但相信Alphablocks幫了很大的忙。


以有限知識,先說說Phonics的學習之路。 英文是拼音語言,Phonics大概能有助拼讀8成左右的英文字。外國小朋友一般5-7歲開始學習。香港的小朋友卻早在3歲開始,不少幼稚園和教育中心在K1已教授 Phonics 。市面常見的Phonics教材有RWI, Letterland, Jolly Phonics。雖然內容各異,但大致是:


1. 先學 A至Z 發音

2. 開始拼讀簡單 CVC生字(由輔音+元音+ 輔音組成的生字)

3. 學習Consonant Digraphs/trigraphs 的發音,如ch, sh, th

4. 拼讀 CCVC ,  CVCC,CCVCC 等較複雜的生字

5. 學習Vowel digraphs, long vowels, 如ai, oe, ee, or, magic e, bossy r

6. 學習其他拼讀規則和拼讀多音節生字


我估若小朋友能分割音素和拼讀生字,做到見字能讀,就算學成了。


Alphablocks顧名思義,就是一個個字母積木,每個都造型鮮明,性格獨特,例如女兒喜歡愛唱反調的n和憨直的o。他們嘴裏常喃著自己字母的發音,說話也總是說自己字母開首的字,如d常說disaster,l 常說lovely 。當字母積木手牽手,就會拼讀生字,並變出相關事物。 每集會透過一個主題,不斷拼讀多個生字,故事有時會以唱歌形式發展,押韻之餘十分生動有趣。


Alphablocks 有4季約90集,每集3至5分鐘:

第1季像總滙,包含很多字母發音和規則,節奏快,小朋友會享受觀看,但未必明白當中的規則,建議先看第2,3,4季,最後看第1季;

第2季反而適合初學者,介紹A至Z的發音,但不是順序,以能拼出生字的字母一組組地介紹,幸好容易掌握;

第3季涉及 Consonant/vowel Digraphs 及 CCVC 或  CVCC 等較複雜的拼讀,也發現女兒原來發不到某些音,需父母協助;

第4季重點是 long vowels 和某些 Digraphs,和第3季一樣要重複看才可牢記發音規則


看完四輯,基本上已認識大部份的字母發音和拼讀規則。但看看動畫,就真的能輕鬆掌握英語拼音?也許需要某些因素和條件配合。思前想後,總結以下經驗:


語音覺醒

女兒雖無外補,學校每周有兩節英語課,已教授A至H的發音,能與家傭作簡單英語溝通 。在觀看Alphablocks前,已有一年伴讀ORT的經驗(包括聽mp3),也看了兩個月英語動畫。足夠的英語輸入量,讓她對英語語音有一定的敏感度。因為有了這個敏感度,到她接觸拼音時,較容易理解如何分拆字母和把音素拼成生字。


反覆觀看

如果是電視動畫,看過一次就算了。但 Alphablocks部份集數可在Youtube 免費重覆收看。剛開始時,只是把第二季從Youtube下載到電視收看。後來見效果不錯, 淘了DVD, 每季重覆觀看兩三星期,循序漸進,加深印象。第二季是簡單的,小朋友很容易就學會A至Z發音及作簡單拼讀,易有滿足感。第三和第四季的內容較複雜,字母發音的組合相近,容易混淆,需要多看幾遍才能牢記。 每日看4集,約20分鐘, 兩三個月就看完了。


活學活用

以前對Phonics的印象就是---有助小朋友記熟生字,幫助默書。但這其實是本末倒置。學習Phonics記憶生字只是手段, 幫助閱讀才是目的。每天都有和女兒伴讀ORT的習慣。觀看Alphablocks約兩周後,女兒在朗讀 ORT 時,會用拼讀的方式朗讀某些她熟識的字,得到成功感。因為明白學習Phonics是有實際用途,女兒才更積極學習,並會慢慢有信心嘗試拼讀不懂的生字。朗讀時,我也會偶而讓她運用不熟識的發音拼讀生字,讓她意識到英文字不用像中文字般死記,其實是可以用Phonics 幫助記憶的。


父母陪伴  

我們每日都會陪女兒看Alphablocks ,嚴格來說,是女兒每次都要求陪她看。我也是由零開始和她一起學拼音,她遇到不懂的字詞,我可立刻解釋意思,發不到音,也可真人示範。不過因為我想輕鬆些,所以沒有常用字卡測試她懂幾多,也沒有做拼音工作紙(因她根本不懂寫字母),最多也只是每看完一季,就用紙寫上當季出現的生字,若她大部份都會拼讀,就和她看新的一季。也許對她來說, 看Alphablocks 學習拼音沒有多大壓力,反而是愉快的親子時光,所以事半功倍。


雖然女兒看Alphablocks能輕鬆打好拼音基礎,但始終易學難精。 相信拼讀較複雜的生字要待五六歲才能掌握,光靠看動畫並不足夠,最好還是通過老師指導,以及閱讀多加練習。


因為是朋友介紹看Alphablocks,女兒才可有愉快的學習經驗,很感謝她的介紹和分享,所以希望在此分享經驗幫到其他小朋友~

**********
補充一下, 如果是26 個字母的letter sound, 基本看Alphablocks 已能大致掌握和開始拼讀,不用太刻意測試小朋友。如果家長想多了解一些每集內容或出現過的單詞,或想看後同小朋友重温(尤其是long vowels 同diagraphs),可參考以下網站,清單按季分類,詳細列出每集的重點和出現的生字。 如果只想抽某些集數來看, 也可參考列表:

https://www.academia.edu/36393801/List_of_alphablocks_episodes  

Rank: 3Rank: 3


357
發表於 20-5-8 07:51 |顯示全部帖子
fifi_1126 發表於 20-5-8 00:22
多謝你既分享!我仔都學緊rwi, 早前停學我自己keep 全教letter sound, 發現佢未click 到blending, 睇到篇文 ...

恭喜! 冇逐一對照過, 感覺youtube應該都齊的, 只是重新包裝過, 把不同集數重新剪輯組合。但我初初唔熟識phonics,  當時睇完first steps level one (大概係season 2) 就揾唔到 level two,  只有level five (大概係season 4) , 或者其他重新剪輯的系列, 但那些系列睇落好似有時深, 有時淺,把東西混合, 已經學過所有發音(包括long vowel,  digraphs) 睇就冇問題, 但初學就會比較難掌握。 當時我諗如果自己都覺得亂, 女女可能都會唔明。 既然覺得level one有用, 所以就淘咗dvd,  可以比較有系統咁睇。

Rank: 3Rank: 3


357
發表於 20-5-8 14:57 |顯示全部帖子
ada100525 發表於 20-5-8 13:35
謝謝分享。請問囡囡幾多歲開始學?

睇Alphablocks時差唔多4 歲。 太早睇可能佢都未必明, 再大d睇可能又會覺得悶。

Rank: 3Rank: 3


357
發表於 20-5-9 13:47 |顯示全部帖子
fifi_1126 發表於 20-5-9 11:27
多謝你既補充資料!你比既每集學既單字list 好有幫助!我都岩岩淘左全套來睇!

係未建議disc 2-3-4-1咁睇 ...

如果零開始, 就season 2>3>4>1 咁睇。如果小朋友已經識26 字母letter sound又可blend cvc,  season 2 或season 3 開始睇應該都明。不過既然買咗, 咁就睇埋season 2, 當複習咗再學新野。又或者可以睇下個list,  有冇d season 2 未熟的sound,  抽d黎開始睇。

Rank: 3Rank: 3


357
發表於 20-5-11 14:29 |顯示全部帖子
BurberryCool 發表於 20-5-11 13:44
好想試下
有無link/ 圖片?
同埋幾錢左右?

可先到youtube試看幾集先再買, 因為未必個個小朋友喜歡, youtube link:

https://www.google.com/url?sa=t&source=web&rct=j&url=https://m.youtube.com/playlist%3Flist%3DPLSW2D61TnopRqSf3c53vwKX4vUuz4CsZo&ved=2ahUKEwjnj8GPlavpAhWQyosBHVqCDlsQFjAHegQIBhAE&usg=AOvVaw2oarotaXmVmgqykxBswQCE

之前淘寶條link冇咗啦, 你可搜尋alphablocks字母積木 dvd , 連運費hkd100有找。

Rank: 3Rank: 3


357
發表於 20-5-22 21:48 |顯示全部帖子
muimuihipper 發表於 20-5-22 18:51
幾大識朗讀stage 4呢?好叻呀(emoji)(emoji)

快4 歲的時候。 可能係phonics前聽多d英文, 例如audio book, 會有幫助, 比較易掌握

Rank: 3Rank: 3


357
發表於 20-6-9 19:18 |顯示全部帖子
ada100525 發表於 20-6-9 18:49
請問你係點樣讓小朋友未學Phonics前就已經可以望住本書並朗讀呢?係先教佢sight word 嗎? ...

冇教sight words,  就是每晚同佢伴讀ort, 經過接近一年, level 1 慢慢伴讀到level 5, 有日佢突然話自己識, 就朗讀到level 4, 叫佢讀level 3 都識(level 1 2 已經賣咗, haha) . 初初佢都只係肯朗讀ort,  俾佢睇埋alphablocks 佢就連其他差唔多level 的書都肯讀。

Rank: 3Rank: 3


357
發表於 20-6-18 19:36 |顯示全部帖子
omoinoyukue 發表於 20-6-18 17:30
請問如果很抗拒英文的小朋友應該怎樣入手?
每次讀英文故事書她都要我講返中文
...

運用英語做喜歡的事,也許能令學習語言更有效。 


你會陪小朋友看英文書, 也許也會看中文書? 如果他本身喜歡伴讀, 即使現在不喜歡英文書, 也許慢慢會喜歡。 現在不喜歡原因有很多,可能書的內容不合適, 可能他太細未準備好。


我囡兩歲幾時同佢睇ort 佢都唔鍾意, 我講英文又叫我停。 後來發現她不是抗拒英文, 係抗拒媽媽講英文! 因為媽媽係廣東話人, 她抗拒英文改變咗媽媽。。。。 幸好她是喜歡中文伴讀的, 也喜歡聽廣東話audio 故事, 所以後來3 歲時試著俾佢對住本書聽ort audio ,  初初佢都唔俾我出聲講(連中文解釋都唔洗) , 佢亦唔會出聲, 如是這聽咗一排, 先肯慢慢俾我同佢伴讀ort,  又再過多一排佢先會出聲講一兩句英文, 同我有少少英語互動, 進展都唔快ga...前後差唔多幾個月。


如果你小朋友還未喜歡伴讀, 也許可按興趣, 讓他參加用英語的活動, 小朋友學語言都是興趣為主, 有興趣, 事半功倍。

點評

omoinoyukue    發表於 20-6-19 11:14

Rank: 3Rank: 3


357
發表於 20-6-19 15:48 |顯示全部帖子
omoinoyukue 發表於 20-6-19 12:15
謝謝你得分享, 你很有耐性!

由細到大我都有同兩個女伴讀中文同英文書, 但不是每天的習慣. 學校有教 phonic ...

由細到大都有伴讀中英文書已經好好! 如果大女自己睇到中文書六七成, 會唔會usborne first reading library d書內容對佢唔太吸引?

外補都可以試吓, 之前我都帶女去試堂, 不過試咗幾間都喊。 後來俾佢睇咗幾集Blippi , 再去試堂, 佢又ok唔再驚。 但唔知係因為大個咗唔驚, 老師問題, 定真係睇blippi有用。

不過video/dvd都唔好睇太多, 即使有用, 間中睇下就好了。

Rank: 3Rank: 3


357
發表於 20-7-5 07:42 |顯示全部帖子
bbpo 發表於 20-7-5 00:04
請問你買淘寶套DVD總數是否共91集?thx

是的

Rank: 3Rank: 3


357
發表於 20-7-6 07:46 |顯示全部帖子
bbpo 發表於 20-7-5 22:43
thanks !是否集運?可以?

視乎店鋪安排,要問番返賣家運送情況

Rank: 3Rank: 3


357
發表於 20-7-29 21:52 |顯示全部帖子
omoinoyukue 發表於 20-7-29 10:14
我老公淘了電子版, 連 numberblocks 都要埋, 小朋友很喜歡, 我老公都學埋一份.
K3 果個上了一個多 ...

本帖最後由 hamstar 於 20-7-29 22:05 編輯

小朋友鍾意就好啦! 我老公都好鍾意睇alphablocks,仲成日哼d歌 ....

ort值得買, 我囡超鍾意, 日日都睇。

除咗alphablocks, 最近發現 youtube的easy phonics幾好, 佢係真人教, 每集10分鐘, 其實就係不斷做練習,雖然節奏有d 快, 但睇完幾個月alphablocks再睇easy phonics, 因為已經有基礎, 所以跟到, 可鞏固所學。比起初學者, easy phonics比較啱有phonics基礎的小朋友當做練習咁睇。 不妨試試。

Rank: 3Rank: 3


357
發表於 20-12-7 10:20 |顯示全部帖子
smilesmilefan 發表於 20-11-29 11:54
謝謝你介紹之前介紹Alphablocks , 我仔好喜歡,睇了4個月,A-Z 發音都記得,但就未識併CVC, 我自己唔識併 ...

本帖最後由 hamstar 於 20-12-7 10:27 編輯

我自己本身都唔識併音, 係同個女一齊睇alphablocks學。 佢係睇睇下就識拼cvc. 睇alphablocks只係輔助, 要同時伴讀。 ccvc或者再進階的phonics rules,可能要自己出去上phonics班。

我就諗住慢慢黎, 唔想太多screen time,  睇在幾個月冇再睇 啦,反正學校有教phonics, 雖然好慢。如果而家出去外補戴口罩,效果可能麻麻, 因為學phonics 睇口形好重要, 又唔想上online,  所以冇出去上phonics,  伴讀為主, keep住睇就算啦, haha.

Rank: 3Rank: 3


357
發表於 20-12-7 10:33 |顯示全部帖子
fibe0313 發表於 20-12-1 07:50
除左Alphablocks, 我都推薦numberblocks. 琴日丫女睇左4集,學識左最簡單加數。丫女未夠4歲。
...

本來我都想ga,  不過平時多數用繪本同玩遊戲引佢興趣,所以冇睇numberblocks lu~

Rank: 3Rank: 3


357
發表於 20-12-11 11:26 |顯示全部帖子
Chichiyin 發表於 20-12-10 17:44
Thanks for sharing! 不過我小朋友27個月, A-Z都未完全熟,要遲d先學phonics; 但想請教一下,ORT vs OST,  ...

本帖最後由 hamstar 於 20-12-11 11:39 編輯

一開始我只買了ort stage 1-2, 是二手的, 在2 歲半買但女不太喜歡, 也不喜歡我用英文伴讀, 佢default 我係講廣東話的。 後來知道ort有audio, 3歲開始, 一邊播音頻, 一邊和她看書, 她就很喜歡。 ort stage 1+,1, 2 的音頻都好似drama咁, 有background sound和音效, 有1+故事仲有兒歌, 所以當時有兩個月左右, 女是每晚聽二三十本, 我只幫她翻書,沒有解釋也不會問她或要她朗讀, 只想培養興趣。 stage 1+, 1, 2 有約120 本, 個兩三個月就每晚係咁loop.

點讀筆我女只在4 歲左右用過田叔叔, 麻麻地。

如果小朋友仲細,或許你可從audio入手, 我女1 歲幾就聽廣東話故事, 所以後來播ort audio佢就好接受, 唔一定照書播, 可以裸聽, ort,  magic school bus,  peppa pig 佢都鐘意聽。 聽講讀寫嘛, 次序上聽的input多d,應該都幫到其他。

btw,我唔肯定ost有冇audio,ort好似淘寶版先有audio.不過一開始唔洗買全套, 買一兩個stage試下先, 始終個個小朋友學習模式唔同。

Rank: 3Rank: 3


357
發表於 21-1-10 08:19 |顯示全部帖子
yelly926 發表於 21-1-10 00:10
回覆 hamstar 的帖子

你好!請教小朋友在演唱會歲時還未識phonics拼讀,請問可以自己讀到ort, 是靠每日聽 ...

咩係演唱會歲?? 如果未識phonics就自己讀到, 我估可能係背左, 又有可能係好似認中文字咁認咗英文字(認字形).

Rank: 3Rank: 3


357
發表於 21-1-10 21:13 |顯示全部帖子
yelly926 發表於 21-1-10 16:58
回覆 hamstar 的帖子

打錯字。係四歲。我都唔知原因,所以問版主。

ic,  我唔係專家唔敢亂答ar,  不過以前好多人未學phonics都係睇得多書就認讀到, 只不過而家有phonics,  有系統d.  而且英文係拼音文字, 識phonics對閱讀, 串字都有幫助, 應該比純粹依靠認字形認字有效。 香港小朋友又睇中文書又睇英文書,伴讀時佢地用中文認字的方式認咗英文字都唔出奇, 我諗我囡可能都係咁。