中二 I.S.請賜教

ashleymami

除了中一第一次IS UT， 亞囡IS成績都吾算好，近一次UT， 只是僅合格，佢喊到豬頭咁。
看過份卷，前面MC, 填充也不錯，但今次後面答題部份可謂慘敗，取得好少分。
我覺得佢concept應該未清，再加上答題技巧不足，所以大幅失分。

我立即去書局再買了IS課外書及練習給她，這疫假她會下苦功補底。

大家可否幫忙，分享下讀這一科的技巧，要注意什麼。希望亞囡可讀番好d，拾回信心。

萬分感謝。

zitaeric

咁應該係 strucrural question 問題。最重要當然要 concept 要好明，揾番自已本 IS workbook 去做去清concept, 同埋可以揾本課外補充，吾洗深，多做，舉一反三，自然信心增加

asweetmom

只是合格的話，不懂的地方還比較多，輪不到答題技巧。

思澄爸爸

zitaeric 發表於 20-4-26 23:22
咁應該係 strucrural question 問題。最重要當然要 concept 要好明，揾番自已本 IS workbook 去做去清conce ...

我都想請教，理解concept同做練習睇吓識唔識運用之餘，駛唔駛背晒課文，定係後面啲summary!
因為就算理解，都未必記得或表達得好（英文）

zitaeric

summary 太簡單，其實用處吾大。初中我覺得最幫助就係做番自已教科書本workbook, 就算學校吾用，自己最好都買來做，因為佢会幫助你找到重点同老師要求。
再有時間或者興趣，買一深一淺補充，睇MC, 睇補充答案点樣答長問題，亦好有幫助。
預習 加 留心上堂。
實驗題，有時都難掌握，難記，試吓自已揾些代替品，例如用文具等，叫小朋友一路講steps,一路做，加深記憶。
背。當明佐真係吾需点背，可以背嘅会係 重点解釋，例如咩叫 photosynthesis, 背嘅意思係用最少字寫到最正確答案。其次，實驗 result 都可以背。
我鼓勵揾多些MC 去做，做得多，做得多啱，即係你那課concept都ok,
亦因為上面做得多，自信都多，IS 仲有個問題係吾夠時間做，都係科科問題!
我提醒阿女用最精簡字去作答。
平日可以自已寫notes,加老師成日重複重点
日子有功，IS 吾会太差，而且好有趣。

CMMANDY

ashleymami 發表於 20-4-26 16:11
除了中一第一次IS UT， 亞囡IS成績都吾算好，近一次UT， 只是僅合格，佢喊到豬頭咁。
看過份卷，前面MC, 填 ...

她盡哂力, 只係合格, 所以好唔憤氣, 唔甘心, 好失望, 什至担心...... 嗎?

我相信要留意她, 開解她,  明白佢的努力, 在成績中, 顯示唔到, 好唔抵等等, 媽媽要放鬆佢這些負面情緒, 反而要追成績係後著, 每人在學習路中, 梗會遇阻礙, 但點樣克服, 首先唔好打擊自己信心, 唔係妳做得唔好, 特別女仔, 勤力背, 有時侯, 再高班會更大挑戰

October.

ashleymami 發表於 20-4-26 16:11
除了中一第一次IS UT， 亞囡IS成績都吾算好，近一次UT， 只是僅合格，佢喊到豬頭咁。
看過份卷，前面MC, 填 ...

上堂要聽書，認真做功課，溫熟課本。

中一IS真係唔難，基本上同文科差別不太大，背熟就得，想高分就成本書由頭溫到落尾，再唔係，就溫熟key learning 及Summary就OK.

我女中學時對Science一啲興趣都冇，中一，二溫熟key learning 及Summary測考分數都唔差，但到左中三，拆開Phy ,chem,Bio，就要動啲腦筋，只係靠背就唔Work.

YolandaTam

理科靠背 is not good enough. 同文史哲科唔同，理科好講求 step by step.
建議同學試吓做題時將自己思考步驟不厭其煩咁逐個寫出嚟，咁有助理清自己思維，再同老師嘅批改對照一下，就比較大機會知自己問題出喺邊度㗎啦。

Kellylo00

我自己過來人就覺得初中IS其實都冇乜話答題技巧，最主要係明得夠唔夠通透，其次係讀得夠唔夠仔細。可唔可以分享下後面部分大約係點？如果係d好直接要你比答案既題目的話，可以溫習時Highlight keywords，每個keyword都係一個比分位，如果係一d情境題就代表要理解+記熟，咁通常都係講一d Mechanisms,可以試下叫佢重新解釋一次比自己知，睇下係咪真係明白，或者試下多d諗下「點解」，再唔明就同同學討論下，睇下YouTube,問下老師咁樣。首先要培養興趣，慢慢努力，加油！有咩問題可以問我啊
P.s.中學開始中意Science 到依家大學都主修生物化學

LeeCC

請問中一就開始分開phy, chem, bio甘讀，還是中三分才比較好？

LeeCC

請問中一就開始分開phy, chem, bio甘讀，還是中三分才比較好？

October.

Kellylo00 發表於 20-5-2 03:07
我自己過來人就覺得初中IS其實都冇乜話答題技巧，最主要係明得夠唔夠通透，其次係讀得夠唔夠仔細。可唔可以 ...

請問主修生物化學，係一科定二科？大學呢2科難唔難讀？

Kellylo00

回覆 LeeCC 的帖子

咁又冇話絕對既，都要睇小朋友本身性格同能力，但我就prefer中三先分開讀。如果以小朋友感受黎講，中三先分開讀可以比小朋友對理科有個基本概念先，唔會話一黎就比Phy,Chem,Bio嚇怕/討厭左呢d科，始終由常識即刻轉去phy,chem,bio個差距太大。同埋相比起來會比較有趣d, IS既課程都係抽左高中phy,chem,bio最簡單既野夾埋咁讀，萬一小朋友唔中意某一個科/跟唔上進度，都可以以其他部分補救，唔會有咁大挫敗感，所以大多數學校都冇得中一分開讀。但如果純粹以應考公開試黎講分開的確好d，高中課程教既時間好緊拙，好多學校都要補課，仲要自己另外抽時間操past paper，如果用6年時間去攤分會讀得舒服d同比較容易跟上，學到既野可以慢慢吸收，更多時間去準備。

Kellylo00

回覆 October. 的帖子

係一科黎架，我讀緊既係Biochemistry and Cell biology我自己就覺得唔算太難，係喺高中教既框架下深化解釋好多既原理同引導我哋思考比較多，背書一樣會有，但professor 主要都係想同學明多過背，而且明白的話都好自然會記得～

LeeCC

Kellylo00 發表於 20-5-2 09:44
回覆 LeeCC 的帖子

咁又冇話絕對既，都要睇小朋友本身性格同能力，但我就prefer中三先分開讀。如果以小朋 ...

謝謝

我小朋友黎緊中一的學校會分開三科讀，我可以怎樣幫他裝備下,易D適應呢？

我自己讀is的年代已久遠，無咩印象，只記得中四五的Phy，chem，bio，但當年有三年is基礎，所以唔難適應

Kellylo00

回覆 LeeCC 的帖子

如果有時間又有意栽培佢讀理科的話可以先上教育局網睇下Syllabus,搵一d有趣又相關(唔相關都可以for fun)既實驗片佢睇下，依家中小學都力推STEM教育，坊間都有好多啱中小學生睇既科學雜誌同小裝置，小朋友有興趣既都可以買黎玩吓，亦都可以喺屋企做吓簡單小實驗(e.g.蘇打粉+醋之類),叫佢搵吓原因咁，最緊要係先令佢感興趣，自然會好好努力～ 附上初中IS syllabus https://www.edb.gov.hk/attachment/en/curriculum-development/kla/science-edu/Science(S1-3)_supp_e_2017.pdf

LeeCC

Kellylo00 發表於 20-5-3 21:30
回覆 LeeCC 的帖子

如果有時間又有意栽培佢讀理科的話可以先上教育局網睇下Syllabus,搵一d有趣又相關(唔相 ...

謝謝你
我估只係將is分開三科甘教

我睇個syllabus，覺得比我以前讀書時is內容少

txsuksuk

回覆 ashleymami 的帖子

如果MC同填充都唔錯，會唔會係蝕底在英文，唔能夠表達想講嘅？