Band 1 私校 vs 津校 分別

princesscupcake

想知 Band 1 私校 vs 津校 其實分別有幾大，例如學校設施好啲，師資會唔會好啲？

請問有直屬中學嘅 Band 1 小學係咪通常都教淺考深？

我問過吾同級別嘅家長連 FTM 都覺得程度好深，係連家長大學畢業都吾識嗰種深，學校期望家長番屋企自己教或外補，呢類型有直屬中學私小值唔值得比錢讀？或是揀 Band 1 B-C 有直屬中學津小實際啲？

waiwaisir2046

回覆 princesscupcake 的帖子

冇話值唔值得，要睇家長同細路仔個心態，
如果個細路受谷嘅當然好，
相反 就慘了

ottomum

認同，都要看個學生能力

1998Ruby1998

講緊中學定小學？小學頂多係分一二三線，冇 band。

小學唔一定教淺考深，但多人攻學術就一定，始終升中係呈「分」，除非你打算非學術特異功能攞埋全亞太冠軍然後專攻 DG DB，否則最終判斷你能否入讀係你嘅成績。

有付出有收穫，學校係幫你搭路入好中學，但讀書係自己條路，冇不勞而獲。龍校係一入學就幫你搭好條路，等小學階段仲可以有多啲時間去發掘強弱處、興趣。你畀嘅學費，就係買佢升中嘅機會。機會係自己爭取。

最後不論咩學校，上到高中，就算學校唔做野，好多學生自己都補習。一定有人話「XXX 都唔洗補習都有好成績」，但更多人係補習完之後成績有進步。或許亦話「XXX 補完都冇進步」，但高中想保持分數亦很艱難。

有學生讀「坊間最谷學校」都讀得輕鬆，亦有學生讀「輕鬆龍校」都讀到半條命。有學生讀谷校都仲可以有時間補習同娛樂，亦有學校忙功課忙到連行街都冇時間。最重要係家長自己調節期望，如果自己承受唔起壓力而小朋友又唔係天資聰穎，咁就唔好勉強，降低返自己要求。如果小朋友係天資好而態度認真，咁仲可以試，因為就算你唔谷得，個小朋友都識自動波。

但我信「愉快學習」只可以係兩個情況：1. 個小朋友天資好，搞得掂 2. 期望/要求唔高，所以冇壓力。

Poyau

考得入 值得讀

princesscupcake

1998Ruby1998 發表於 20-4-24 17:07
講緊中學定小學？小學頂多係分一二三線，冇 band。

小學唔一定教淺考深，但多人攻學術就一定，始終升中係 ...

係想問 band 1 有直屬中學嘅私小同埋津小。

PTL_L

回覆 princesscupcake 的帖子

我兩個小朋友，一個讀有直中津小，一個讀直中私小，我覺得好值得俾錢讀有直中私小。

princesscupcake

PTL_L 發表於 20-4-24 17:48
回覆 princesscupcake 的帖子

我兩個小朋友，一個讀有直中津小，一個讀直中私小，我覺得好值得俾錢讀有直 ...

係咪兩間都教淺考深？
喺邊方面覺得好值得？

PTL_L

回覆 princesscupcake 的帖子

我覺得兩間都教淺考深，但考深其實係用嚟分辨尖子出嚟，應該間間學校都係咁，如果想攞到高分，好多人會選擇外補，再加小朋友的天資，取高分不難。私小無論課程同同學的能力都比津小好，小朋友遇強愈強，好過做井底蛙。

wongtw

中學都有咁情況，曾經睇過個訪問，個校長漏左少少口風，深淺卷係策略嚟，大意是希望用來提升學生，佢係講咗兩句咁多，不過忘記了是那間學校，但應該不是B1中學。

princesscupcake

swytca 發表於 20-4-24 18:29
我覺得教淺考深系非常浪費時間的行為，課堂上，作業上人人都表現良好，作業拿出來都是勾。明明可以在課堂全 ...

同意，除非係因為時間所限。
咁睇讀私小壓力比津小大好多，小學生未成長到識得遇強愈强，尤其是初小，嗰種強烈競爭咪會落在家長身上，靠家長們各自發功～

NNbaby

要睇係邊間學校，如果樓主講緊既係st paul convent，當然值得讀 （係爭住讀先啱），中學貴為四大女直，家長預咗要跟得貼。其實大家趨之若鶩既神校，家長都要跟得好，好多朋友留AL在小朋友考試期間請假陪讀，可能ftm會好啲。

無理由有間b1a唔要，而揀1b-1c，除非覺得小朋友好難跟得上，或者家長唔刻意追求b1a。

wongtw

各有所愛，有人不鍾意有拔尖補底班學校，相反又有人不鍾意沒有拔尖補底班學校，最緊要是找自己認為合適的學校。

bj1315

樓主一件事值唔值得好取決於價值觀和教育期望，家庭背景一籃子因素，真係好個人，其實網友個個背景不同，好難對你有直接參考價值。

好可能9成9都唔會叫你放棄上1A中學直小去1B中學的津小，食得鹹魚抵得渴，IB直資或許都有人討論下

PTL_L

回覆 princesscupcake 的帖子

老實說，我又唔覺壓力好大，不過有一情況是，我唔太敢話俾人聽我兩個小朋友唔駛點補習，功課每日返屋企自己完成，等我放工返屋企對。因為社會上有兩批人，一批會覺得補習係歪風，唔應該助長，但小朋友有不足，有人提點下又可以減輕家長對小朋友之間的磨擦，我又睇唔到問題有幾大？
另一批會覺得，小朋友冇補習，一定唔會排到頭位，做得級頭，一定死補難補，sorry,我對小朋友唔係，亦唔需要。一句講晒，各有各需要，呢個世界唔會一面倒既。

PTL_L

回覆 swytca 的帖子

我覺得要視乎「深」的程度，所以科目只靠操練題目係唔會攞到好成績，一定要融會貫通，多思考，深既題目往往只佔試卷5-10%左右，咁既比率會影響好大咩？

PTL_L

回覆 princesscupcake 的帖子

至於遇強愈強的態度是冇得培養，因為每個小朋友都係獨立個體，性格好多是天生既，見到自己不足想改善進步是錯咩？又有一啲就算失敗仍然開朗樂觀，我又唔覺得有問題。反而家庭教育是最重要。

mcl203

所謂教淺考深，可能係錯誤理解，淺，根本就係適中程度，略深，係用於分辨學生能力。不少家長係非常看重分數，少幾分都唔得，咪唔接受囉。另外，有不少學校嘅卷係行貨，來自坊間買到嘅習作，家長又喜愛使用去催谷子女，一旦測考並非來自習作，咪覺得深囉～～～

princesscupcake

mcl203 發表於 20-4-24 19:50
所謂教淺考深，可能係錯誤理解，淺，根本就係適中程度，略深，係用於分辨學生能力。不少家長係非常看重分數 ...

我問過吾同級別嘅家長，FTM 都覺得程度好深，甚至家長大學畢業都吾識嗰種深。