- 在線時間
- 6 小時
- 最後登錄
- 20-7-8
- 國民生產力
- 0
- 附加生產力
- 176
- 貢獻生產力
- 0
- 註冊時間
- 10-7-31
- 閱讀權限
- 10
- 帖子
- 36
- 主題
- 9
- 精華
- 0
- 積分
- 212
- UID
- 643453
|
回覆樓主:
本帖最後由 puiching2010 於 20-4-28 00:17 編輯
本帖最後由 puiching2010 於 20-4-27 21:40 編輯
上次同副校傾完雖然仲有不滿,加上睇到衣度三月時有兩個對鄧有負評的post,更加擔心,但都只係叫自己唔好再諗咁多,始終個囡都係要入,唔想再煩派位選校,因為對其他學校亦唔了解,黃教師根本無處不在,無得避。但今日校長竟然突然主動打俾我,原來佢都睇到衣度d post同埋我嘅留言,真係好意外!
佢同我再解釋癲狗講座件事,癲狗係當時一位現已退休的通識科老師請嘅,事後學校都覺得事態嚴重,當危機事件咁處理,但係點處理就無交代,而佢當時只係副校,未係校長。
Zoom果件事校長話當時係位外籍老師上堂,佢唔知d中文寫乜,至會唔識反應,亦認為係黑客做,因果陣未set pw,宜家已set返,亦指引老師如果再有人亂寫野,會即時關閉會議。
話佢專橫果件事,佢引述之前係連登都有人留言話佢日日罰學生企,但其實學生企果陣只係開緊早會,意指有d指控係無中生有。
同校長講足成兩個鐘,都唔係我想講咁耐,佢同我講左好多關於佢果個都係今年升中嘅仔嘅嘢,其實我都唔想聽咁多,純粹俾面聽埋去。我希望校長同家長講埋咁多私人嘢只係出於自然,而唔係轉移家長對學校表達意見或追問學校情況嘅技巧啦。
我有問佢需唔需要我delete返我上面個留言,怕影響宜家仲揀緊學校派位嘅家長對鄧嘅觀感,佢話唔需要,因為佢都認同我講嘅係事實同埋係我嘅個人感受,所以我都決定繼續留低上面個留言。
雖然校長同家長溝通嘅技巧係好過個副校好多,亦令我對鄧的觀感有所改善,但癲狗講座、同副校嘅不愉快溝通,確令我對鄧存有戒心,以後個囡入咗學,都會小心d,最重要問佢有冇俾副校或其他懷疑係黃嘅老師教,留意講座嘉賓係邊派,通識科教緊乜,有冇黃同學逼佢表態或欺凌佢,係最基本。
溫馨提示:如家長想向學校反映意見,最好一開始就要求書記搵校長,如果又係副校覆你先,而你發覺個副校問非所答,態度輕率,就唔好再花時間同佢講,除非你都對副校好好奇,得閒的話即管同佢傾落去,套下佢個底亦未償不可,如佢再有任何荒謬說話,記得返黎share(不過我上次已向校長反映過對副校嘅意見,唔排除佢以後同家長溝通嘅態度會有所進化)。如果同校長溝通,亦要注意佢對有關學校嘅野都係答得好表面,要自己再問詳細d,唔好咁易俾佢拉去講咗私人野,除非你都有心八卦吹水。
希望派位之後更多家長上黎say hi,守護仔女靠大家守望相助!
|
|