插班K1未返過學，收足學費膳食費，是否合理？退唔退學好？

AshleyTam

請教下大家，如題，小朋友插班K1.未攞過書薄，未返過一日學，幼稚園要求交齊2.3.4月學費，之前交落全日班膳食費又唔退，非私立，是否合理？。疫情又未知幾時完，意味住之後還是要繼續交學費。如果退學之後再去第間幼稚園是否可以直interview K2？請教下大家，Thanks

AshleyTam

求救，點算好？

kisani

AshleyTam 發表於 20-3-31 21:12
請教下大家，如題，小朋友插班K1.未攞過書薄，未返過一日學，幼稚園要求交齊2.3.4月學費，之前交落全日班膳 ...

非私立嘅全日k1應該都係一千鬆d學費，依個時勢都好難講合唔合理了。我諗你要衡量依間學校嘅k1-3 offer對你有幾重要，到復課後插k2其實有心讀一定有其他插班位，只係難點有全日，甚至可能得pm或要讀私幼，你接受到嗎? 如果worst case接受到到時k2插私幼pm甚至跨區其實不需太擔心，一定有書讀~

AshleyTam

回覆 kisani 的帖子

其實當時插班時間倉促，而全日班係我哋嘅理想目標行先，都諗住等小朋友玩埋k1,然後k2再重新去interview就轉校，所以先諗住停唔停咗先。就算之後返k2,都無諗住返呢間，因為半日可選擇的太多…而且疫情過後就算復課，我諗一年半載內真係唔係好有信心俾小朋友返全日，本身就容易唔舒服，而且感覺疫情無咁容易斷尾。但就擔心，如果skin了k1,直接讀k2,是否可行？如果不是心儀學校又再重新嚟過，好似好煩的一件事。

piglover

AshleyTam 發表於 20-4-1 06:08
回覆 kisani 的帖子

其實當時插班時間倉促，而全日班係我哋嘅理想目標行先，都諗住等小朋友玩埋k1,然後k2 ...

其實而家復課無期，你退唔退學，都skip佐個K1的。

你認真想一下，千幾蚊學費會否令你家庭負擔好重？如果你而家工作稱定又交得起嘅，就自行決定啦。

至於你覺得無得上堂唔抵，其實，我讀私幼個個月幾千幾千咁交，我都無辦法。如果我退學，學校財政有問題，最終受影響的都係小朋友。我興幸我自己收入無影響，可以交到學費嘅，我都會交。呢個係一種責任同承擔，共渡難關。

kisani

AshleyTam 發表於 20-4-1 06:08
回覆 kisani 的帖子

其實當時插班時間倉促，而全日班係我哋嘅理想目標行先，都諗住等小朋友玩埋k1,然後k2 ...

小朋友插班k1之後再諗住插班另一間嘅k2，咁其實佢都未定落黎。如果你講到明本身都唔打算原校升k2咁不如早點退學，疊埋心水今年年中或年或再插班k2。睇個勢今年12月前都未必開到學，又話年底轉涼會爆第二波。

AshleyTam

回覆 piglover 的帖子

你講嘅我明白。但你可以調轉諗一諗：如果你小朋友原本想讀幼稚園，交咗幾千蚊留學位，但從來未上過一日堂，唔知書本係咩樣，未見過老師同學仔一面，之後可能你還要面臨交一年半載學費都未必知道幾時開學。會唔會係從未返過學，所以無乜歸屬感？。所以，你依然會繼續交錢嗎？

AshleyTam

回覆 kisani 的帖子

係啊，我咪又咁諗。覺得而家個勢短期內一定至少幾個月都唔會完，就算下學期8月開到學都唔知敢唔敢俾小朋友返。但係最尷尬嘅係，小朋友一日學都未返過，直升k2得唔得？會唔會對升學有影響？呢D先係最confused

piglover

AshleyTam 發表於 20-4-1 10:30
回覆 piglover 的帖子

你講嘅我明白。但你可以調轉諗一諗：如果你小朋友原本想讀幼稚園，交咗幾千蚊留學位 ...

我比較奇怪你嘅插班case? 你小朋友從無讀過K1? 即係你從外地回來？

你擔心白交學費之餘，K2跟唔上？其實，就算好似我地讀佐半年K1，遲d直上K2, 都有機會跟唔上的。

其實，你當中包括幾個問題。退學？如果你唔打算直上K2，你真係大可以退學。
至於跟唔跟得上，就係睇番小朋友學習進度，學校教學速度，家長的跟進。所以，你擔心唔到咁多。唯有自己多加努力。

AshleyTam

回覆 piglover 的帖子

係啊，小朋友未返過學，不過我哋一直係香港。未返學係我擔心小朋友細個容易唔舒服，等免疫力好D再返學，隻是如此。一直在家我都每日會教小朋友寫字，勞作，英文…老實講，返幼稚園未必比我教得更多更好，因為幾個小朋友對一個老師分身乏術可以理解。而係教小朋友學習知識之餘，現在大個咗我更希望佢全面發展，包括待人接物，社交，團隊能力…呢D係需要多人而且家人不在身邊才能更好發揮。
而閣下所提及的心疼白交學費，我諗如果我有享受過任何服務，我好樂意去俾錢，天下冇免費午餐我們都知道，感恩別人的付出我們都是必須。你話我係咪缺呢一千幾百生活，當然唔係。就好似我有錢，會更傾向捐款給予有需要的人，這是自願行為。而別人拿了我的錢然後話叫我當捐款濟困，我覺得不合適，這是強迫行為。
  每個人都係消費者，我哋要清楚明白，合理和不合理的區別。合理我哋就go ahead,唔合理我哋就要合力抵製不公平。畢竟他日君體也相同也不是句戲言。係咪？

piglover

AshleyTam 發表於 20-4-1 12:54
回覆 piglover 的帖子

係啊，小朋友未返過學，不過我哋一直係香港。未返學係我擔心小朋友細個容易唔舒服， ...

其實，你自己心中都有答案，何需上網問意見呢？

Relax.

AshleyTam

回覆 piglover 的帖子

需要啊，因為未返過幼稚園，所以無經驗，哈哈。所以先真心向大家請教。唔好意思，失禮曬
不過點都好多謝你哋提出嘅寶貴意見。
Thank you

kisani

AshleyTam 發表於 20-4-1 14:14
回覆 piglover 的帖子

需要啊，因為未返過幼稚園，所以無經驗，哈哈。所以先真心向大家請教。唔好意思，失 ...

睇完你咁多個回覆，換轉係我應該會退學。
pros:
一黎本身冇打算原校升，二黎你插班k1前其實一直都已習慣homeschooling亦有一定經驗，可以繼續。慳左嘅學費可以儲起留黎做將來嘅教育資源。


cons:
如果一日學都冇返過亦冇點見過老師同學，正常都未建立到咩歸屬感。論責任，其實正如喺職場離職，比足通知期學校就可以退學了，咁當然退學前緊係要比足學費~津幼始終有政府資助，而私幼本身就係牟利性質，自負盈虧係做生意嘅基本，家長作為消費者都係比錢買服務give and.take, 離場都好正常。至於你話插班k1係想比小朋友學習多d homeschooling 做唔到嘅social skills之類，其實而家全港家長冇退學/已退學都好都面對緊小朋友欠缺社交機會嘅問題，同親友得閒視象傾下計依d補救下，學習自理就自己在家比佢幫手家務已ok~加上而家9成機會9月前都開唔到學，先退學，到N個月後宣布復課&連續28日後冇新增個案再搵插班都未遲，market上大把位，一定有書讀! 大前題係復課前自己一定要在家跟學術野，幼稚園唔係compulsory, 到時想轉返讀k再插k2 k3都可行。分析完冇咩cons.

AshleyTam

回覆 kisani 的帖子

好多謝妳！妳嘅意見好中肯，分析得好好，給我嘅參考提供了幫助。尤其是當我知道最緊要返幼稚園唔係強制行為的時候，我都感到心安。係啊，我而家都有了答案。多謝妳嘅幫忙。
Thank you

kisani

AshleyTam 發表於 20-4-3 01:50
回覆 kisani 的帖子

好多謝妳！妳嘅意見好中肯，分析得好好，給我嘅參考提供了幫助。尤其是當我知道最緊要 ...

曾經見有人分享過前幼稚園教師辭職後同自己小朋友homeschooling冇讀k, 如果安排到又有經驗其實冇話唔得，始終社交同social skills除左返學都仲有好多途徑去建立。不過要預homeschooling壓力緊係大過返學啦，要自己準備教材同time table,評估等等...亦有育兒專話父母係要為小朋友建立安全感，如果兼任老師係有少少角色衝突, 多左磨擦易影響親子關係，anyway, 依個時世大全球都homeschooling & distance learning 緊，唯有習慣下!

AshleyTam

回覆 kisani 的帖子

原來我最近同校方交涉的時候，先發覺幼稚園原來係收費方面好有問題，wow,我真係大開眼戒，都諗緊點樣去處理呢個問題。