樓主兒子反映正常孩子, 你兒子肯認真做功課已經很乖. 男孩子要到12-13歲先成熟開竅. 小兒小學連功課都甩甩漏漏. 到了中學突然成熟, 對自己有要求, 成積當然也大轉變. 那當然我都有目標比佢, 但我唔會迫佢,佢唔接受你個目標, 都無佢符. 如果成積不太差, 就不必太擔心,反而幫佢發展下興趣. 據個例子, 小兒都喜歡打機, 小學時打得好勁, 小學時假期時間, 我就比佢上了兩個coding班, 我話D game系咁寫出來, 當時佢只是OK有興趣. 到了初中, 佢話要寫games, 計劃如何賺第一桶金(小孩子不時會有超現實的夢想,能否做到暫時不重要), 我問佢, 要不要再報coding班, 佢話叫我唔好浪費錢, 佢自己網上找了個coding課程, 好平, 叫我比錢, 網上課程自己學就可以. 開始學了還試個小小games出來比同學玩得好開心. 我覺得, 有時興趣班可以啟發興趣, 如果佢無接觸過何為coding, 就未必自己尋找再去學深D. 興趣也是個重要的driver學習動機, 如果佢對coding無興趣, 上過興趣班都唔會繼續自己去學深D. 要令小朋友覺得學習的過程是很有樂趣的, 那他們就會有目標去探究. 當然, 小兒對科學方面的也很有興趣, 這方面也是會盡量啟發他興趣. 那我就對他說, 要學好各方面知識, 就要學好語文, 語文是吸收知識及表達知識的基礎, 那我又說, 你喜歡科學及programming,那數學一定要好, 那他就知道數學要好, 不抗拒我的安排. 數學我也只是報個網上課程自己睇片之後自己做練習. 這幾個月在家上網課, 小兒的學習效益更好, 因為可以更專心, 而他又很習慣網上自學. 當然, 他是非常期望返學可以跟同學玩.
|