用戶登入
用戶名稱:
密      碼:
搜索
教育王國 討論區 小學雜談 小朋友唔跟時間表...心好累
發新帖
查看: 2683|回覆: 19
go

小朋友唔跟時間表...心好累

Rank: 3Rank: 3


254
發表於 20-3-26 16:12 |顯示全部帖子
雙職家庭, 返學期間都無乜大問題, 放學都會自覺做功課, 梳洗, 係懶散少少, 通常晚飯後要三催四請先肯溫習。但現在停課, 每星期只有少量功課同一星期一兩小時網上教學。停課初期, 一齊訂咗個時間表, 中間插咗起碼5段free time, 跟咗一兩個星期之後, 以家朝早一瞓醒, 食, 睇Youtube, 打機...要不停催先肯做功課, 催到自己都嫌自己煩。一來好快會復課, 然後考畢業試準備升中, 個心散曬...二來細嘅又跟住有樣學樣, 成日睇電視iPad, 我心好累....有無家長可以分享一下點樣安排好?

Rank: 5Rank: 5


1344
發表於 20-3-26 20:36 |顯示全部帖子
你地返工後邊個湊小朋友? 叫佢督促下小朋友要確實執行所訂立嘅時間表

Rank: 10Rank: 10Rank: 10


25360
發表於 20-3-26 21:59 |顯示全部帖子
小朋友幾年級?

如果初小,可以叫照顧著幫手mark住每一節有無跟時間表,如果一個星期內跟到八成以上,有小獎,跟足有大獎

Rank: 6Rank: 6


9057
發表於 20-3-26 23:35 |顯示全部帖子
LeeCC 發表於 20-3-26 21:59
小朋友幾年級?

如果初小,可以叫照顧著幫手mark住每一節有無跟時間表,如果一個星期內跟到八成以上,有小 ...

見話係考畢業試然後升中,可能係小六。

Rank: 3Rank: 3


254
發表於 20-3-27 09:41 |顯示全部帖子
回覆 star_skn 的帖子

平時奶奶幫手湊, 但好難叫奶奶督促佢, 叫咗佢都未必會聽。奶奶幫手睇住細嘅, 等細嘅唔好搞住大嘅上堂已經好好

Rank: 3Rank: 3


254
發表於 20-3-27 09:47 |顯示全部帖子
回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住先做, 再者其實管唔住。頭兩星期都跟得好啲, 其實有俾獎勵希望可以鼓勵佢做好啲, 可能停課一再延遲, 呈三又取消, 已經越黎越心散

Rank: 10Rank: 10Rank: 10


25360
發表於 20-3-27 09:52 |顯示全部帖子
wishofstar 發表於 20-3-27 09:47
回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住 ...

是否已有學位,不用擔心要叩門?

Rank: 3Rank: 3


254
發表於 20-3-27 14:10 |顯示全部帖子
回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭, 無可能讀得起, 而且小朋友都唔係級頭, 成績亦唔夠人爭

Rank: 10Rank: 10Rank: 10


25360
發表於 20-3-27 14:14 |顯示全部帖子
wishofstar 發表於 20-3-27 14:10
回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭,  ...


既然未有學位,就同小朋友講清楚自己的形勢,萬一派位唔好,就要叩門,就要幾個月裝備好,要佢知道,要升中了,要為自己前路努力

Rank: 11Rank: 11Rank: 11Rank: 11


43416
發表於 20-3-27 18:38 |顯示全部帖子
wishofstar 發表於 20-3-27 14:10
回覆 LeeCC 的帖子

無offer啊, 只考咗兩間直資, 純粹諗住試水溫, 當練下面試點知取消曬。因為係基層家庭,  ...
其實依家取消嗮面試,呈三,好大機會叩門遊戲都唔使玩,已經等於小學畢業。溫書?溫習小六內容?如果係,我都覺得好悶,毫無動力。如果話為叩門而溫書,好似感覺付出好多,去追求一樣唔實際的無謂野。
其實應該展望將來,當自己已經進入升中后的暑假。自學中學課程,或者學習一些學校內唔會傳授的內容,閱讀,睇Ted talk 果D,有趣好多,而且可以更加好的準備將來的中學生活。

做佢自己想做的事,有動力。

至於時間表,我覺得因人而異。如果小朋友喜歡嚴格的時間規劃,就做。如果喜歡自由,唔想被限制,我就會只制定一個學習內容和大致進度,每日完成進度即可。













Rank: 5Rank: 5


2749
發表於 20-3-28 19:03 |顯示全部帖子
wishofstar 發表於 20-3-27 09:47
回覆 LeeCC 的帖子

今年小六, 我其實貼咗時間表, 佢地完成咗就會mark 剔號, 想佢自覺去做多過要老人家管住 ...

除佐獎勵之外,會唔會考慮比後果?我家兩個高小男孩,如果我返工我都係寫checklist 比佢地,做到獎打機(平時冇得打),做唔到就夜晚冇電視睇,直到佢做返好d工作為止。

Rank: 3Rank: 3


254
發表於 20-3-30 14:08 |顯示全部帖子
回覆 LeeCC 的帖子

都有同小朋友傾過升中問題, 可能因為兩間直資都reject, 有少少心灰意冷?好似打沈咗, 更加懶理, 只怕皇帝唔急太監急

Rank: 3Rank: 3


254
發表於 20-3-30 14:13 |顯示全部帖子
回覆 b3410 的帖子

如果揀佢自己喜歡想睇嘅內容, 應該全部都同學習無關。用學習進度取代時間表都係一個唔錯嘅提議, 會再試試同佢傾下, 攞個共識, 多謝你嘅意見。

Rank: 3Rank: 3


254
發表於 20-3-30 14:20 |顯示全部帖子
回覆 蓮蓉包 的帖子

咁睇黎要同屋企人協調一下, 嚴格執行先得, 因為有時係阿大做唔唔好, 細嘅可能有完成曬所有tasks, 包括做家務, 反而如果罰大嘅無得睇電視或打機, 會連累細嘅一齊受罰。

Rank: 10Rank: 10Rank: 10


25360
發表於 20-3-30 14:28 |顯示全部帖子
本帖最後由 LeeCC 於 20-3-30 14:29 編輯
wishofstar 發表於 20-3-30 14:13
回覆 b3410 的帖子

如果揀佢自己喜歡想睇嘅內容, 應該全部都同學習無關。用學習進度取代時間表都係一個唔 ...

我個都係準備升中,做完學校的功課,就睇自己揀的書,做其他野,無溫習

其實佢一向都無每日溫習的習慣的,我都想在停課期間培養佢每日溫習的習慣,但原來無返學,沒有了評估默書就更難了,我真系好佩服一些保持住每日做練習溫習的小朋友

我都放棄了,總之做完功課,由得佢睇想睇的書,上網自學編程或中學課程,唔好掛住打機就算。

Rank: 3Rank: 3


254
發表於 20-3-30 15:12 |顯示全部帖子
回覆 LeeCC 的帖子

始終唔係FTM, 要陪養小朋友每日溫習做練習, 真係要由細開始。已經既有嘅學習模式, 其實都好難一時三刻可以扭轉。
你小朋友都好乖, 起碼完成咗學校嘅課業肯自覺睇書, 睇下有興趣又有益嘅學習短片, 我嘅係講緊完成學校作業, 只會由朝到晚睇Youtube (大陸網劇, 台灣馬來西亞大陸嘅綜藝, XX去哪兒?或者第幾季歌手乜乜嗰類, 或者Youtuber嘅開箱文...完全唔覺得睇完會有得著, 只係娛樂居多, 除非佢諗住第時做Youtuber啦), 停課前可能完成功課一日都睇半個鐘至一個鐘, 家下由朝到時, 話多兩句又可能嫌你煩, 對住佢係心灰意冷個隻。

阿細, 以家希望用時間表建立返比較好嘅學習模式, 多啲睇書同定時做練習, 6年後再升中唔好重覆行阿大舊路。

Rank: 6Rank: 6


9057
發表於 20-3-30 16:13 |顯示全部帖子
LeeCC 發表於 20-3-30 14:28
我個都係準備升中,做完學校的功課,就睇自己揀的書,做其他野,無溫習

其實佢一向都無每日溫習的習慣的 ...

要培養小朋友平時要温書真係難。
我個都係準備升中,依家每日上完堂,做完功課 (基本上每日只有1、2樣功課做),就每日做一個中文練習 + 中、英閱讀理解間住隔日做 + 數每日一個練習,IS就睇課外書,不過每日睇嘅份量唔多,平時睇fiction多。

不過基本學業搞得掂,會自己睇書同會advance自己,已經十分好。

Rank: 10Rank: 10Rank: 10


25360
發表於 20-3-30 16:24 |顯示全部帖子
本帖最後由 LeeCC 於 20-3-30 16:26 編輯
S-Kwok 發表於 20-3-30 16:13
要培養小朋友平時要温書真係難。
我個都係準備升中,依家每日上完堂,做完功課 (基本上每日只有1、2樣功 ...

你個肯做練習都好,暫時我只係要求星期六做下數學,閱讀理解,grammar,但都唔係個個星期肯做

一至五上午學校的網上學習,下午睇書,練樂器,做運動,玩一陣電腦(coding,online learning),其實已經無咩時間

Rank: 6Rank: 6


9057
發表於 20-3-30 17:25 |顯示全部帖子
LeeCC 發表於 20-3-30 16:24
你個肯做練習都好,暫時我只係要求星期六做下數學,閱讀理解,grammar,但都唔係個個星期肯做

一至五上午 ...

其實真係無咩時間㗎,我仔停課初期就上網學coding, 寫下game,參加下比賽咁。 依家比賽完咗,就上網學日文,近排迷緊一套書,就用多咗時間睇書,隔日就同我講睇完一本,然後就叫我買下一集比佢睇。

呢啲時間,我自己會希望佢多啲增值自己,為升中一做準備,例如睇多啲不同類型嘅文章(尤其呢段時間有咁多外國網站提供免費使用),睇下non-fiction、歷史書/video咁,但總係拉牛上樹咁

Rank: 3Rank: 3


254
發表於 20-3-31 10:50 |顯示全部帖子
你地嘅小朋友都好生性, 有培養到自己嘅興趣, 肯自己去學習。我都要繼續努力D, 發掘下佢嘅興趣, 唔駛日日係度無所事事走去煲劇睇youtube