本帖最後由 islz 於 20-4-25 09:46 編輯
summersnowman 發表於 20-4-24 22:16
SK1 是什麼?
SK1 是N班與K1之間.一般會於N班下學期, 如果進度, 自理能力, 集中能力等表現OK, 學校就會建議你可以考慮比小朋友上半級.
主要分別在於N班二小時, SK1三小時. 當然時間越長學野越多. 我睇返當時進度明顯係學緊K1上學期.
所以小朋友上到K1上學期考試成績會比較好. 之後SNOWBALL落去就會係頒獎禮常客.
仲有想回應之前有回覆話甘細個就考試, 好大壓力姐!!!
其實大壓力絕對係家長自己比自己嘅. 咁細個小朋友, 邊度識考試大壓力.
如果考試大壓力, 咁做課堂集作, 咪一樣.
我覺得壓力係來自家長唔識同小朋友溫書. 幼師教小朋友都要有方法啦, 可惜家長就覺得自己好勁, 卻忘記幼師花左好多心力同時間去學習的教小朋友方法, 先係更重要.
一班家長唔去學習點樣教小朋友, 變左小朋友怕晒溫書, 咁就一定大壓力啦.
選校時個個家長都識得話要選邊間學校老師要有愛心, 邊間有耐性, 要小朋友返學開心, 想返學. 不過可惜"考試"依個活動或家課, 個個家長卻忘記晒所有野, 認為要瘋狂輸出, 日溫夜溫. 其實溫習方法, 真係辛苦不過其實我同小朋友溫習好輕鬆開心.
倒反轉講, 唔考試嘅幼稚園, 就唔使理小朋友在家溫書的情況? 唔使為小朋友上小一而準備? 唔使為小朋友上小一的家長準備如何跟小朋友溫習? 不用考試的幼稚園也非無好處, 但有考試的不是壞吧? 壞是因為家長不懂得處理, 而推向學校, 話學校問題而自己可以脫身吧 :D |