請問下如有由Heathrow咁高危機場回港有咩要注意？

scso

原本學校唔建議細仔返嚟，突然今日細仔打俾我話學校話IGCSE了，所以又叫佢返嚟，原本學校話只取消GCSE並沒有取消IGCSE所以原本打算考完試五月尾才返港，現在突然間話走Heathrow機場有咁高危，啲專家又唔建議喺飛機食嘢，由學校搭車出Heathrow都要三個半鐘，仲有飛機十個鐘好難唔食嘢喎，食嘢有咩嘢要注意呢？機場邊度食嘢會小人啲座位距離遠啲呢？真係好擔心

joymama

我仔女都冇在機上食野，唯有叫佢食飽先上機。細囡離機場兩個半鐘頭車程，忍痛一次，直接叫學校幫手訂的士，價錢要在下期單先知

scso

咁咪好肚餓？出機場3.5小時 12小時咁耐唔食嘢？我仔都冇乜保護裝備，得幾個KF94及手套，酒精消毒都買唔到

etoile

scso 發表於 20-3-24 02:43
咁咪好肚餓？出機場3.5小時 12小時咁耐唔食嘢？我仔都冇乜保護裝備，得幾個KF94及手套，酒精消毒都買唔到
...

3.5小時係火車/coach? 我囡一個人都係打的直接由學校出機場，坐咗個幾鐘，未收到單唔知幾錢，但係避開火車、地鐵，絕對值得。

佢喺機埸食咗晚餐先上機，飛機上亦有食嘢，呢樣好難避免。

JoannMok

回覆 scso 的帖子

我仔現在在Heathrow 等上機，他告訴現在機場不是太多人.我仔告訴我，現在機場店舖只收credit card, 我仔身上只有現金，所以他就買唔到野食啊！

scso

etoile 發表於 20-3-24 02:52
3.5小時係火車/coach? 我囡一個人都係打的直接由學校出機場，坐咗個幾鐘，未收到單唔知幾錢，但係避開火車 ...

我個仔學校距離倫敦三個半鐘好鄉村，我都打算俾佢坐的士要HK$2500，唔想坐火車或Coach接觸咁多人同埋現在外國人好歧視我哋驚佢比人打，係飛機照食飛機餐？好多人話唔好喺飛機食嘢我又怕佢肚餓，我買咗CX premium econ前牌擺BB嗰行有牆隔住前面冇接觸咁多人希望會好啲，今次真係洗多好多錢今日老師猛咁叫佢快啲買機票走，佢話驚嚟緊呢個星期可能會封關，到時唔知走唔走到，所以我個仔有啲心急開始驚

scso

JoannMok 發表於 20-3-24 02:56
回覆 scso 的帖子

我仔現在在Heathrow 等上機，他告訴現在機場不是太多人.我仔告訴我，現在機場店舖只收cr ...

唔多人就好啦，請問你個仔喺機場有冇食嘢啊？唔知機場邊度食嘢安全啲呢？希望你仔仔順順利利返香港

etoile

scso 發表於 20-3-24 02:59
本帖最後由 scso 於 20-3-24 03:00 編輯

我個仔學校距離倫敦三個半鐘好鄉村，我都打算俾佢坐的士要HK$2 ...

你……連機票都未買？

隔離帖話英國今晚可能封城……。

JoannMok

回覆 scso 的帖子

我仔冇credit card 所以冇吃野，據他所說，機場內很多店都冇開，我只係提他去D冇咁多人地方等上機，起碼人與人之間要隔一個位。我都希望你仔仔順順利利平平安安回港啊！

rainbowwall

scso 發表於 20-3-24 00:33
原本學校唔建議細仔返嚟，突然今日細仔打俾我話學校話IGCSE了，所以又叫佢返嚟，原本學校話只取消GCSE並沒 ...

我小朋友學校到機場都差不多3個鐘，佢到機場入lounge食飽飲飽先上機，上到飛機冇再飲冇再食，如果上到機食要盡快食完戴返口罩，祝一切順利

rainbowwall

JoannMok 發表於 20-3-24 03:07
回覆 scso 的帖子

我仔冇credit card 所以冇吃野，據他所說，機場內很多店都冇開，我只係提他去D冇咁多人 ...

英國差不多大部份都可以用apple pay google pay，JM你可以開張附屬咭比小朋友傍身，年紀太細可以去ok、7-11買啲預付卡之類

scso

etoile 發表於 20-3-24 03:02
你……連機票都未買？

隔離帖話英國今晚可能封城……。

今晚買咗5/4機票，後尾收到消息可能封城，老師叫我仔盡快走，所以我仔話等睇埋今晚英國公布可能改機票早啲走，今日好似坐過山車咁，瞓唔着，好不安

JoannMok

回覆 rainbowwall 的帖子

我仔回來後，我會幫他搞apple pay, 謝謝你🙏🏻

summerhotel1

JoannMok 發表於 20-3-24 02:56
回覆 scso 的帖子

我仔現在在Heathrow 等上機，他告訴現在機場不是太多人.我仔告訴我，現在機場店舖只收cr ...

咁有機會就幫佢開個戶口啦

Monbeth

scso 發表於 20-3-24 02:59
本帖最後由 scso 於 20-3-24 03:00 編輯

我個仔學校距離倫敦三個半鐘好鄉村，我都打算俾佢坐的士要HK$2 ...

坐的士時也要好小心！我囡兩個同學搭的士去機場時在車上除過口罩，兩人都受感染

3b

Monbeth 發表於 20-3-24 07:46
坐的士時也要好小心！我囡兩個同學搭的士去機場時在車上除過口罩，兩人都受感染
...

唉呀…由離開學校一刻就要戴上口罩， 搭的士時要求開窗， 要有流動空氣， 進食或飲水前要洗手或用酒精搓手液清潔， 不可以掉以輕心。祝他們早日康復!  

poonseelai

Monbeth 發表於 20-3-24 07:46
坐的士時也要好小心！我囡兩個同學搭的士去機場時在車上除過口罩，兩人都受感染
...

其實點知何時感染，一切都要小心

brother4

call的士，穿好防疫裝備，早Ｄ出機場，去晒廁所，機場取私人飲管要飲水時用，上機同職員講不用歺等

SIYip

千萬唔好以為有口罩就安全，一定要勤洗手。
去到機場洗乾凈手可以食嘢飲嘢。上機前飲飽食飽去晒洗手間。上到機盡量唔飲唔食唔去洗手間唔直接接觸任何嘢。真係頂唔到洗咗手先。但去洗手間也不要直接接觸水龍頭，用紙巾。每次用完紙巾就掉。

skIII

1.        出門前帶定幾個垃圾袋，一些放在衫袋，一些連同一套外衣褲放在行李最上面。
2.        由學校搭車出Heathrow，亦可以考慮National express，以往搭National express人都不多，如果全程戴住口罩，覺得算安全。
3.        如果有乾糧，可以帶去食，寄完行李後，食住一半先。
4.        過關後的安檢，人數最多，大家又非常接近，其實是最危險一關，如果有生化衣、雨褸，過關之前著定都冇問題，反正唔少人咁做。
5.        入閘前一小時，食埋啲嘢，跟往刷牙洗手等，入咗閘口是沒有廁所的(LHR)，切記！
6.        登機後如果隨身行李不大，建議先放入垃圾袋，再放在座位底。
7.        最污糟的地方是seat pocket，仲衰過廁所，儘可能唔好放任何物品入去，要用就先放在另一垃圾袋，再放入去。
8.        儘量不要去廁所，間中隣座要去，就跟往佢去，行的時間儘量唔好用手觸摸其他座椅，最多用手踭掂下。
9.        而家廁所好少人去，所以唔算污糟，去完洗手，開門，用腳頂住門，再洗手。
10.        返去位時可以順便拎樽水，唔使下次專登去拎。
11.        在機上及瞓覺時全程一定唔好除鞋，
12.        落機前的早餐，個人覺得可以食，因為已成十個鐘，會幾肚餓，但唔好飲太多水，等落機後先去廁所。
13.        落機後拎咗行李，先把行李消毒，再帶同行李去廁所，更換外衣褲，把舊衣褲放在垃圾袋再放入行李。
14.        以上過程中，儘量勤洗手，及準備三數個口罩，適時更換。
15.        歡迎更改及轉發，令上述程序更加完善。