求意見：自行32網基榮定留62網抽獎？

tracer

基榮我有20分，較谷、傳統、校舍舊，但油尖旺升中網好似好啲。
住62，甲一乙一想抽浸聯，但怕搏唔到，荃灣升中有人話太少band1,band2。

點揀好？請各位指教！

tracer

補充，唔好意思，問定下年的，小朋友今年k2

medicine

tracer 發表於 20-3-23 02:03
基榮我有20分，較谷、傳統、校舍舊，但油尖旺升中網好似好啲。
住62，甲一乙一想抽浸聯，但怕搏唔到，荃灣 ...

返學路上單程時間幾長？尼點好重要。

基榮升中報表語言藝術，唔好被誤導。

自行20分是否必入唔知。但如果不考慮搬家，寧博近屋企的。穩陣做法是自行獲錄取后再考慮。


個人認爲基榮唔係熱門。大可參加抽獎后如若不理想再叩門都有機會。但如果自行獲錄取放棄然後再去叩門唔知有沒影響。趁有時間在家多做準備，提高萬一需叩門勝算。

PS：暫時未試過叩門。明年無升小一細路。

tracer

多謝指教！
如果單以中學校網計，油尖區會多啲band2 學校嗎(相對荃灣，因荃灣聽聞band1生都只能讀band2學校）

其實知小朋友唔太有書緣...只希望到時唔會差到直墜band3....

tracer

基榮升中有水份，我聽過，佢combine幾年報數...

LeeCC

tracer 發表於 20-3-23 18:31
多謝指教！
如果單以中學校網計，油尖區會多啲band2 學校嗎(相對荃灣，因荃灣聽聞band1生都只能讀band2學校 ...

油尖旺得兩間band2,劉皇發和信義，要睇你接唔接受到呢兩間

medicine

tracer 發表於 20-3-23 18:31
多謝指教！
如果單以中學校網計，油尖區會多啲band2 學校嗎(相對荃灣，因荃灣聽聞band1生都只能讀band2學校 ...

宜家先K2就知有/無讀書緣？言之尚早吧。

WinnieCatCat

tracer 發表於 20-3-23 02:03
基榮我有20分，較谷、傳統、校舍舊，但油尖旺升中網好似好啲。
住62，甲一乙一想抽浸聯，但怕搏唔到，荃灣 ...

選浸聯，原因：
1. 基榮20分自行唔一定中
2. 升小一基榮在32網算是熱門校之一，但到升中是和31網一起屬油尖旺網，咁升中表現基榮確是不及兩間油天、新大天、協和，仲未計陳守仁和聖瑪利有高比例band 1生，基榮的band 1率不如想像的高，唔值得山長水遠去讀
3. 浸聯在荃灣是最好的津校之一，升中有一定的跨區能力
4. 油尖旺band 1中學雖然較多，但如上所述讀基榮面對同區強校競爭亦大，幾間英中更是唔少學生會跨區報考，而荃灣雖然只有四間英中，但浸聯有實力跨區，而相反應較少外區生會報荃灣英中
5. 油尖旺只有兩間band 2, 荃灣band 2選擇較多
6. 若不考慮升中噤長遠，只論教學，基榮應仍屬較傳統方式，浸聯好像較創新
7. 校舍及學校周圍環境，浸聯完勝
8. 擔心浸聯抽不中，第1點已提及，基榮20分也唔一定中。咁不如一心一意浸聯

tracer

WinnieCatCat 發表於 20-3-24 16:02
選浸聯，原因：
1. 基榮20分自行唔一定中
2. 升小一基榮在32網算是熱門校之一，但到升中是和31網一起屬油 ...

多謝你的用心及詳盡分析

的而且確，浸聯各方面好吸引

但我個人比較悲觀，預左乙一失敗。我在想，如抽不中浸聯，有幸入乙二乙三如柴天等，咁同基榮又點比較呢，會唔會水平相近？

多謝賜教！

gracelam

tracer 發表於 20-3-25 02:03
本帖最後由 tracer 於 20-3-25 02:05 編輯

多謝你的用心及詳盡分析

62區一念天堂，一念地獄，雖則柴天不置於地獄咁慘，但應該基榮好D。乙二仲有派到柴天/何小已經叫執到，當然放棄左基榮就要冒險，但用20分抽基榮又唔係一定得嘅。

樓上分析得好好，正路係留响荃灣區抽浸聯，但穩陣考幾間私小做back up，如有一兩間offer在手再大抽獎，個心定好多。

tracer

8. 擔心浸聯抽不中，第1點已提及，基榮20分也唔一定中。咁不如一心一意浸聯

不過浸聯不用111？ 咁其實自行先搏左20分基榮先，唔中都無損失？

tkinwong

tracer 發表於 20-3-25 21:42
8. 擔心浸聯抽不中，第1點已提及，基榮20分也唔一定中。咁不如一心一意浸聯

不過浸聯不用111？ 咁其實自行 ...

正如你所諗到，有20分點解唔用？除非你心儀嗰間係1-1-1，咁你報咗基榮，就無咗個1-1-1。

當然，如果20分嗰間學校係你本身唔係太想入，咁就不如唔報。返學放學係一個問題，你要預無校車自己接送。

kobematthew

我基榮自行應該有25分.......但我就係66校網.......我都唔知應該自行定搏大抽獎好??

tracer

kobematthew 發表於 20-3-26 14:27
我基榮自行應該有25分.......但我就係66校網.......我都唔知應該自行定搏大抽獎好??  ...

25分似乎必入，咁你個case 仲難諗...你本區沒特別心儀？

bbforever

基榮近三年升中派位結果

20-3-28 23:40 上傳

下載附件 (415.53 KB)

bbforever

基榮傳統但學術幾好,浸聯教學活動啲,各有優勝。

1998Ruby1998

雖然話油尖旺區牌面好過荃灣，但 Band 2 係得兩間，仲要兩間都唔係學術好，評語亦普通。

浸聯咁唔利升中都可以 40+% Band 1（19 年都係 44%），當中好多都有跨區（如喇沙、伊中、培正）同考直資（如協恩、東九匯基、英華），而且年年都有呢啲出走人士，即係話以佢實力，如果去到其他區分，50% Band 1 唔係唔可能。
基榮冇實際升中業績，但睇佢上面擇要，3 年都係得一個協恩、一個男拔。睇返同區基道，基道 19 年 Band 1 係 25%，絕對跨區得一個（上智），冇人 Band 1 直資。其他他區學校油尖旺係有抽獎位，所以唔排除係抽獎入。以基榮呢度都有跨區有直資，咁佢應該 Band 1 比例係高過基道（可能 30% 鬆啲），但基道肯大方公佈成績，而基榮只肯講部份擇要，仲要三年夾埋，即係話基道算係進步中，而基榮大機會名大過實。
但基榮學術應該都唔錯，以前升中同班有幾個基榮，佢哋都學術正常，跟得上。

既然留係基榮要考頭 30%，甚至頭 25% 先可以有機會攞 Band 1，咁倒不如留係浸聯考頭 40%，又近屋企又升中好啲。

不過要入浸聯，必須有私小 backup。我覺得如果你只要肯多花時間及早栽培，到時候叩門，都可能叩到比基榮升中更好嘅小學。起碼升中會透明度高啲。

tracer

1998Ruby1998 發表於 20-3-29 14:42
雖然話油尖旺區牌面好過荃灣，但 Band 2 係得兩間，仲要兩間都唔係學術好，評語亦普通。

浸聯咁唔利升中都 ...

多謝你嘅意見，既然油尖旺都係兩間band2, 我多數都會抽返荃灣...基榮太傳統，怕小朋友失學習興趣。私小同叩門機會就好微，小朋友不受教，而且唔定性 睇佢夠不夠運了！

bbforever

kobematthew 發表於 20-3-26 14:27
我基榮自行應該有25分.......但我就係66校網.......我都唔知應該自行定搏大抽獎好??  ...

66青衣校網, 我覺得基榮好似好過青衣區內學校, 但留意基榮係無校車, 要自找保母車或自己接送。

1998Ruby1998

回覆 kobematthew 的帖子

66 最熱門係世德同主恩，世德接近 40%，主恩只肯講自己 51% 英中，所以估計都係 40% 呢個位。青澤 26%（有跨區）、亨澤 25%（無人跨區）。陳溢冇實際人數，但有人跨區有人直資，估計一個起兩個止，按照推論亦有 2X% Band 1。周演森無人跨區無人直資，保守估計得 10%。

按照歷年分享，世德、主恩、兩澤，都係乙一唔穩入，乙二陳溢/周演森應該仍有機嘅，但唔一定中。

按照咁嘅排位，我覺得除非你安排唔到接送，否則先穩入基榮，再試下叩門/升中轉網。基榮應該唔會連 20% 都冇。總好過去寶校。