大家的資優兒思想成熟嗎?

sunnymama2

LeeCC 發表於 20-3-9 17:43
點解驚錯過治療期？你覺得佢有其他問題需要治療？

就係覺得佢學習能力有問題才帶佢做評估，我都係聽朋友講，會有報告show佢的能力強弱，CP會比意見加以改善。

而家快一年啦，份評估報告完全比唔到頭緒我點幫佢。佢最好的纙緝，最差係工作處理，究竟我可以點幫到佢改善學習問題?

佢最差係專注力問題和唔願學習，再加上冇鬥心，你話弊唔弊?

sillydad

sunnymama2 發表於 20-3-9 20:26
佢的自學能力係幾時開始?

我同你調轉，如果我話比人知佢係資優，一定笑爆老師的咀

咁係咪CP已經評佢係資優先?

sillydad

sunnymama2 發表於 20-3-9 20:29
本帖最後由 sunnymama2 於 20-3-9 20:31 編輯

就係覺得佢學習能力有問題才帶佢做評估，我都係聽朋友講 ...

你已經知道佢強弱,你應該算容易左處理佢。

LeeCC

sunnymama2 發表於 20-3-9 20:29
本帖最後由 sunnymama2 於 20-3-9 20:31 編輯

就係覺得佢學習能力有問題才帶佢做評估，我都係聽朋友講 ...

我個11歲，都係終日沉迷Lego，自己玩出不同花款，創意無限

sunnymama2

sillydad 發表於 20-3-9 20:54
你已經知道佢強弱,你應該算容易左處理佢。

我知佢興趣的，就係好鐘意砌lego,佢砌得幾有創意，又鐘意設計遊戲，鐘意作漫畫故事，鐘意實驗,知道佢的小腦袋有好多諗法(玩法)。好耐好耐之前，聽過一個關於腦的talk, 如果小朋友可以空手咁左手和右手玩，可能係幻想力豐富的資優兒。我觀察左阿仔好耐 佢真係可以左手同右手玩好耐。

回歸現實，想佢搞好學业成績。話佢差又唔係，但就唔肯下苦功，一d都唔care 成績，視玩如命。可能冇興趣+專注力不足，每次温書大人和小朋友都辛苦!

sillydad

sunnymama2 發表於 20-3-10 07:42
我知佢興趣的，就係好鐘意砌lego,佢砌得幾有創意，又鐘意設計遊戲，鐘意作漫畫故事，鐘意實驗,知道佢的小 ...

你覺得學業成績差, 但你對成績有什麼要求?

sunnymama2

sillydad 發表於 20-3-10 08:08
你覺得學業成績差, 但你對成績有什麼要求?

成績又唔係好差，但每次要求佢做功課温書又鬧又tum, 所以想知幾時會開竅!?

一直以為資優兒會早d開竅，我嗰個都唔知會唔會開竅的一日，我仲要番工，放工都想relax 吓，我同阿仔講，你阿媽都係人黎ga, 放過我好嗎？

LeeCC

sunnymama2 發表於 20-3-10 08:54
成績又唔係好差，但每次要求佢做功課温書又鬧又tum, 所以想知幾時會開竅!?

一直以為資優兒會早d開竅，我 ...

我朋友的女兒，佢唔溫書的，功課馬虎做，一個學期的欠交數目是三位數字，但可以保持住頭25%成績，家長長期收學校投訴，爸爸媽媽又打又鬧又tum都唔肯認真做功課，心力交瘁

但佢已經自學左中學科學數學電腦，三年級時寫200頁的英文小說

sunnymama2

LeeCC 發表於 20-3-10 09:15
我朋友的女兒，佢唔溫書的，功課馬虎做，一個學期的欠交數目是三位數字，但可以保持住頭25%成績，家長長 ...

你朋友女兒應該要讀國際學校。

LeeCC

sunnymama2 發表於 20-3-10 09:21
你朋友女兒應該要讀國際學校。

讀非常傳統的天主教女校，所以大人小朋友都受罪

planetearth

sunnymama2 發表於 20-3-10 08:54
成績又唔係好差，但每次要求佢做功課温書又鬧又tum, 所以想知幾時會開竅!?

一直以為資優兒會早d開竅，我 ...

男仔大概12,13歲開竅, 資優與否都差不多. 我仔系咁, 好多朋友D仔都系咁,但有部份人好早好成熟好乖. 有些初頭好乖, 大左開始反叛. (這類多數是小時被迫"乖"), 小男孩原本是活潑好動,頑皮小小而已, 見過有D媽媽真系好過火,小孩子小小頑皮就大吵大鬧個小孩, 個細路大小小唔反叛就奇. 點都好, 媽媽要有耐性, 千萬不要影響親子關係, 如果唔系, 到左青春期就難搞. 佢自己有自己方法學習, 喜歡砌logo是自己訓練邏輯思考. 邏輯思考強高年級會反映出來.
傳統地講, 教細路要循循善誘! 做父母都系要不斷學習點做人父母, 是畢生的功課.

planetearth

b3410 發表於 20-3-9 12:35
謝謝分享心得。請問，在小學階段，小朋友不停收到投訴，各方面進展又不盡如意的情況下，如何克服自己的心理 ...

升上小學, 我同大部份媽媽一樣, 都想個仔成積好, 開始見到別人的孩子優秀(成積), 都想谷兒子好D, 但一段時間之後, 發覺我自己的焦慮令到兒子也很焦慮, 我就覺得, 兒子快樂成長比起任何東西重要, 反正, 他又不是太差, 只是不是最好那批. 朋友及家人有些男仔小時候都好頑皮唔肯讀書, 大個左好大轉變. 而且, 學校幾個老師也同我講, 兒子到左高中會excel. 佢地經驗比較豐富. 我其實是知道兒子在某些方面有優點. 初小的功課其實很多都是一些抄寫的功課, 兒子對這些沉悶的東西就是不上心. 我其實都知道佢邏輯思考強, 這些在高年級時才用得出來. 唯有耐心D, 用其他方法教佢. 也不能坐視不理, 不能停止學習, 只是用不同的方法學習而已.如何克服自己的心理? 學懂不要跟別人比較, 欣賞及發展他的長處, 鼓勵他適應他的短處, 讓他充滿自信, 也同時讓他認識自己的不足. 別人不懂欣賞, 自己父母要懂得欣賞.

sunnymama2

planetearth 發表於 20-3-10 10:35
男仔大概12,13歲開竅, 資優與否都差不多. 我仔系咁, 好多朋友D仔都系咁,但有部份人好早好成熟好乖. 有些初 ...

其實我小朋友現階段好似你個仔初小。
成績一般，但我想佢做得更好，想佢更上心。佢暫時數學纙緝較強，語文較弱。正如你所說，好多主要考寫字，佢淨寫錯字都扣左好多分拉低左名次， 老師有說過其實佢中文比好多同學好。所以我想佢做好d,練吓寫字就會喊到好似被人虐待。總之佢好憎寫字和串字，又回歸現實 ，學业成績又點會好?

如果要等到12歲先開竅，都中一了，好彩有直屬中學，否則都唔知點算!

LeeCC

sunnymama2 發表於 20-3-10 11:26
其實我小朋友現階段好似你個仔初小。
成績一般，但我想佢做得更好，想佢更上心。佢暫時數學纙緝較強，語文 ...

其實你有直屬中學，無需要逼佢成績好，足夠上中學就夠了

其他時間讓他發展興趣，有興趣的是，佢自然有動力去做，俾佢自學就好似儲錢一樣，到中學就有儲備拿出來用

planetearth

sunnymama2 發表於 20-3-10 11:26
其實我小朋友現階段好似你個仔初小。
成績一般，但我想佢做得更好，想佢更上心。佢暫時數學纙緝較強，語文 ...

先比個心理準備你, 我仔3,4,5年班是反轉班房那種, 收盡每科老師的投訴信, 有不少是欠交功課的, 好多時是多嘴喜歡上堂講無謂笑話, 佢其實好風趣優默. 到6年班開始定小小. 交齊功課, 成積有進步, 仍然不是特別優秀(但老師說他優秀), 到7年班就非常緊張自己成積, 那當然大有進步. 數理科優秀. 語文普通一點, 中上, 我就要他語文也一定要追上好成積, 我同佢講要入好的大學,語文成積也要高分. 他明白的. 也開始努力.男仔好多是視像型學習者, 視覺空間感強, 喜歡用視像思考, 所以討厭寫字. 如果要他多寫字, 可以把tasks拆開, 不要一次過迫太多, 例如每次寫字不要超過15分鐘, 拆開幾次寫.
要用其他方法學野. 我仔小學上很多STEM學趣班(平平地的都OK). 到左中學, 真正到學術需要, 他很多邏輯都很好, 好快理解理論及好多概念都好清楚. 真正上科學堂就已事半功倍.
我喜歡帶他戶外活動比佢探索大自然. 同佢一齊睇科學的教學影片, 有時會同佢討論.
多閱讀. 我仔不太喜歡閱讀是個缺點, 但我不會禁止他看電視劇, 尤其是科幻劇.
數學能力也十分緊要. 有能力可以學深小小. 數學最易教.

sillydad

sunnymama2 發表於 20-3-10 11:26
其實我小朋友現階段好似你個仔初小。
成績一般，但我想佢做得更好，想佢更上心。佢暫時數學纙緝較強，語文 ...

我都想分享我家中資優生的經驗, 但眼見已經好多家長已經將經驗同你分享, 和我的仔都是大同小異, 很愛玩, 有自己學習方法, 不喜歡重複,越大越有進步等。你試下消化別人的經驗先。我想講你要接納佢先, 佢7歲, 愛玩, 不想學習, 唔小心, 唔上心等是正常不過。如按你的要求而做足, 佢只不過同平常學生無異, 就不會是一個資優生了。

是否搵CP 證實了是資優生?

放低你那些對資優生無謂的幻想。什麼資優生應該早熟, 什麼資優生IQ高就應該成績好等。這些幻想反映你期望想佢成績好。你如果想佢發揮出資優的特質, 你要接納佢, 比佢自行探索佢自己有興趣的事物, 你將會有所發現。

b3410

planetearth 發表於 20-3-10 10:56
升上小學, 我同大部份媽媽一樣, 都想個仔成積好, 開始見到別人的孩子優秀(成積), 都想谷兒子好D, 但一段時 ...

非常好的分享！孩子還年幼的家長值得一看@參考。
好多時候是家長焦慮，失去耐心。

shpaik10

My daughter only likes number or anything related to number.

LeeCC

sillydad 發表於 20-3-10 12:34
我都想分享我家中資優生的經驗, 但眼見已經好多家長已經將經驗同你分享, 和我的仔都是大同小異, 很愛玩, 有 ...

非常同意，讓他發展自己的興趣，家長會有驚喜

家長需要做的是按能力提供資源和給予空間，對他們的創作抱開放的態度，但要給予正確價值觀和道德觀，資優小朋友創意無限，但創作好多時會衝擊社會的價值觀道德觀，需要大人的引導，不要走歪路。

sunnymama2

b3410 發表於 20-3-10 12:41
非常好的分享！孩子還年幼的家長值得一看@參考。
好多時候是家長焦慮，失去耐心。
...

Yes, 我都係欠缺耐性的人。

好多謝各位會員為我解憂