大家的資優兒思想成熟嗎?

sunnymama2

我小朋友7歲，成個BB咁，思想幼稚，行為幼稚，完全冇鬥心，成日沈醉於砌lego, 出街仲好鐘意帶恐龍模型，仲要抱住瞓，表達能力差，行為完全唔似資優兒。

我所聽到的資優兒都係好成熟的，我唔係要求小兒要有幾叻，但佢行為真係一點都不似，係因為男仔嗎?

Activehealth

sunnymama2 發表於 20-3-8 10:38
我小朋友7歲，成個BB咁，思想幼稚，行為幼稚，完全冇鬥心，成日沈醉於砌lego, 出街仲好鐘意帶恐龍模型，仲 ...

佢得7歲，你想佢點？

鐘意砌Lego, 玩恐龍好正常。

好過我個仔7歲時極具批判性，喜歡批評身邊各人包括父母、學校甚至香港特區政府行政失當，寫長長英文投訴信給老外校長仲引經據典，兼用校內互聯網發動其他同學反抗校車保姆。

最後校長老師跟他詳談分析，阿仔俾校長罰禁用內聯網一周作為懲罰。當然，校長也有找我，我也同意處理方法。校長老師們當然覺得佢行為不當，但亦好impressed 佢一個7歲人仔可以自己寫到一封咁嘅投訴信（完全自己寫，無其他人幫）。

好彩依家阿仔大咗teenager, 反而無之前咁激, 好多事（包括最近社會事件），都識自己冷靜分析。

如果阿仔7歲時可以浄係鍾意玩Lego、恐龍，我諗我會放心/開心好多。

sunnymama2

Activehealth 發表於 20-3-8 17:25
佢得7歲，你想佢點？

鐘意砌Lego, 玩恐龍好正常。

你嗰個才係資優兒

我係因為覺得阿仔蠢鈍，帶佢做評估可以知道佢邊方面弱問吓專家點幫佢。

結果令我驚嚇到諗唔到有咩野問CP關於教養問題。亦因為個所謂評估，我免不了對阿仔期望高左，做唔到因材施教，呢個係令我氣憤的地方。花了咁多錢，到頭來係得到與事實不符的結果!

我就係見人地話CP可以詳盡講吓小朋友性格和教育方法才去做評估。但個錯誤的報告又白白浪費了一年因材施教的機會。我唔係要資優兒的評估結果，我只係想有專家話比我知小朋友的強弱項令我可以幫助佢學習咋!

sillydad

sunnymama2 發表於 20-3-8 19:09
你嗰個才係資優兒

我係因為覺得阿仔蠢鈍，帶佢做評估可以知道佢邊方面弱問吓專家點幫佢。

資優生唔一定成熟。是兩個不同的概念。
為何會認為有關係呢？

sunnymama2

sillydad 發表於 20-3-9 01:52
資優生唔一定成熟。是兩個不同的概念。
為何會認為有關係呢？

資優生諗野應該好成熟，有自學能力。

我那位思想BB, 唔願温習，冇鬥心，完全唔care 成績，係一d都唔care。

sillydad

sunnymama2 發表於 20-3-9 07:50
資優生諗野應該好成熟，有自學能力。

我那位思想BB, 唔願温習，冇鬥心，完全唔care 成績，係一d都唔care ...

你講"應該"好成熟。即係你幻想出來覺得"應該"係...你的思想BB如你所說唔係, 咪已經推翻你對資優生無謂/不設實際的幻想。相信事實比相信自己睇法不是更好嗎？

用我親身所見, 資優生有成熟和不成熟的, 兩類都有。

sunnymama2

sillydad 發表於 20-3-9 08:37
你講"應該"好成熟。即係你幻想出來覺得"應該"係...你的思想BB如你所說唔係, 咪已經推翻你對資優生無謂/不 ...

我知道的資優生都好成熟。

重申，我唔係想要兒子係資優生，我其 實覺得佢思想BB都好可愛。但要回歸現實，就係學習態度問題，佢真係BB到不得了，掛住玩。

佢班裡都有個全級學业模範生，我“估”係高度資優，無論音樂定學业績個個老師都讚不絕口，佢係一個非常認真的人，但遇到少少“善意批評”就會喊。小兒係完全同佢相反，唔介意批評，完全冇所謂的。

sillydad

sunnymama2 發表於 20-3-9 09:02
我知道的資優生都好成熟。

重申，我唔係想要兒子係資優生，我其 實覺得佢思想BB都好可愛。但要回歸現實， ...

資優唔一定成績好, 又唔一定成熟。所以你仔都可能係資優生。

sunnymama2

sillydad 發表於 20-3-9 09:16
資優唔一定成績好, 又唔一定成熟。所以你仔都可能係資優生。

資優生唔係IQ高d咩? 點解成績會唔好，就如我嗰件，又唔醒又唔肯温

sillydad

sunnymama2 發表於 20-3-9 11:07
資優生唔係IQ高d咩? 點解成績會唔好，就如我嗰件，又唔醒又唔肯温
...

資優同績優係兩個不同概念, 可以同時發生在同一人身上, 或只出現一樣都有可能。你要問心理學家, 應該幫到你。

planetearth

樓主對資優生有太多幻想. 資優生都是人, 有很多不同性格, 都是正常人一個, 你兒子才7歲, 喜歡玩很正常. 有哪裡小朋友不喜歡玩? 有時有些孩子過份成熟或者會是家長過份抑壓小朋友純真的性格,  我反而enjoy兒子天真活潑充滿童真的時期. 當然有些小朋友就是天生比較早熟.當然資優生的確會有某些特質, 有天時地利人和的環境下可能會發揮得更好, 比正常人優秀, 但如果沒有好好培育, 資優生與平常人無異, 不一定有成就. 成就要看人生態度.
小兒小學時是typical的under-achievement, 過度活躍專注力不足, 他小學成積都是中下.
上小學第1次家長會, 班主任第1句話就說, 你知不知道你兒子是資優的, 我說知知地. 跟著她說, 不要期望他成積會好.
當我擔憂他專注力問題時, 另一個英文老師說, 不用擔心, 他專注力問題是因為他太creative.
六年小學, 都圍繞住他過度活躍專注力不足問題, 每年都定期收到各科老師的投訴信.
四年級班主任推薦他做學校的資優生考核. 他入了資優生名單.
一些積優同學家長不明白. 為什麼他們的積優孩子不是資優生.
初中, 他的資優特質開始出現, 到了pre-teen,人開始成熟, 對成積有追求, 會自己努力讀書完成功課. 喜歡學習課程以外的事物, 會自己上網買課程自己學寫program,叫我不要浪費錢上coding班, 書會自己讀, 用自己方法, 叫我不要浪費錢請補習老師. 等等.
他經常會對一大堆玩具玩來玩去, 我明白, 他是在創作, 腦子在作故事, 他另一興趣是喜歡"寫小說"
我有時教他數理科, 我覺得好容易, 因為一講就明, 有時問到我唔識答.
學校的成積只是評核人的能力的一部份, 好難每個人的才能都可以用一套標準去評核. 自己小朋友要悉心培養, 要有耐性, 家長對於培養每個孩子都有重大的責任. 我自己會因材施教, 不用高壓手段.

b3410

planetearth 發表於 20-3-9 11:55
樓主對資優生有太多幻想. 資優生都是人, 有很多不同性格, 都是正常人一個, 你兒子才7歲, 喜歡玩很正常. 有 ...

謝謝分享心得。請問，在小學階段，小朋友不停收到投訴，各方面進展又不盡如意的情況下，如何克服自己的心理壓力？還有，如何去嘗試不同的方法來配合孩子呢？我覺得有時家有資優小朋友的家長，如同手持美玉，不過無從下手雕琢，又擔心錯過最佳時期等等。
不知樓主是否有這樣的擔心？

sunnymama2

b3410 發表於 20-3-9 12:35
謝謝分享心得。請問，在小學階段，小朋友不停收到投訴，各方面進展又不盡如意的情況下，如何克服自己的心理 ...

一半半

我驚評估錯誤，錯過左黃金治療時期。雖然係佢阿媽，但真係好唔了解佢，唔知點幫到佢。

如果佢係資優，我又點幫到佢? 好多人話我唔識教，我認ga~

b3410

sunnymama2 發表於 20-3-9 12:46
一半半

我驚評估錯誤，錯過左黃金治療時期。雖然係佢阿媽，但真係好唔了解佢，唔知點幫到佢。

如果咁，你不如放低佢係唔係資優呢個疑問，當佢係一個比較有個性的小朋友，放低自己的期望，俾佢享受自己的成長方式。再慢慢觀察，適合佢自己的方法。

sillydad

sunnymama2 發表於 20-3-9 12:46
一半半

我驚評估錯誤，錯過左黃金治療時期。雖然係佢阿媽，但真係好唔了解佢，唔知點幫到佢。

佢係資優, 佢會有自己想法, 會找尋自己有興趣的事去研究。如果你話幫佢, 其實就係想將你期望放在他身上顯現出來, 這唔係發揮資優生潛能的正確方法。

sunnymama2

planetearth 發表於 20-3-9 11:55
樓主對資優生有太多幻想. 資優生都是人, 有很多不同性格, 都是正常人一個, 你兒子才7歲, 喜歡玩很正常. 有 ...

我小朋友係專注力不足，但又可以坐定定考試和砌lego，醫生話佢可以坐定定做一樣野就唔會係過度活躍症。

咁是否係專注力不足? 做評估CP都話佢有少少專注力問題。是否隨着年齡增長就會好d?

我覺得佢成績唔好其中一個原因就係專注力問題

LeeCC

由一年級開始，曾有幾個老師問我仔係咪資優，我話唔知呀，sen老師話，唔緊要，評唔評估無咩所謂，我地都會將佢加入學校的資優名單，因為我地睇到佢有資優生的特質，我無反對，反正我唔需要俾錢評估

佢成績只是中上，原因答卷系大意，有時更遊雲到，全頁答案寫錯位置，唔計大意失分，佢好多時D卷是滿分的，除了中文科。一張卷大意失10分8分真係家常便飯，所以佢唔算績優，唔算起眼的學生，系有一次考試唔知點解忽然小心左，失分少左，忽然升到全級頭幾名，才令其他家長留意佢，仲有家長話，乜原來呢舊飯甘叻架。但只此一次，跟住故態復萌，又跌落去中上成績。

這次停課，當其他同學家長呻小朋友無聊，成日打機，我都唔敢講俾人知，我小朋友忙到唔想訓覺，佢除了學校的網上學習，就係睇書，系網上自學program，自學中學數學科學課程，砌Lego

我問，想唔想返學，佢答，中意系屋企學，因為學到自己想學的，返學就算識要坐系度扮留心聽書，放學又要做功課，每日做完功課已經好累，唔可以做自己想做的事，數學又唔可以提早做自己想做的topic，而家自己做曬書後面的題目老師都唔會話，我唔想復課。


我一直唔覺得佢學習能力特別強，思想又好幼稚，講野又唔叻，唔似人地資優仔同學甘醒，口齒伶俐，但這次停課，我睇到佢自學能力好強，主動性好強，終於明白老師點解話佢系資優

LeeCC

sunnymama2 發表於 20-3-9 12:46
一半半

我驚評估錯誤，錯過左黃金治療時期。雖然係佢阿媽，但真係好唔了解佢，唔知點幫到佢。

點解驚錯過治療期？你覺得佢有其他問題需要治療？

stillgood20

sunnymama2 發表於 20-3-9 12:46
一半半

我驚評估錯誤，錯過左黃金治療時期。雖然係佢阿媽，但真係好唔了解佢，唔知點幫到佢。

我有個建議,由爸爸去教．

我太太跟細囝都唔係好夾．

sunnymama2

LeeCC 發表於 20-3-9 17:42
由一年級開始，曾有幾個老師問我仔係咪資優，我話唔知呀，sen老師話，唔緊要，評唔評估無咩所謂，我地都會 ...

佢的自學能力係幾時開始?

我同你調轉，如果我話比人知佢係資優，一定笑爆老師的咀