分享:凡夫俗子在直資女校生存之道

kirstyau

1998Ruby1998 發表於 20-1-24 21:59
我同朋友就係嚴重踩地雷，騎虎難下。嗰陣個個都話英文好讀 Eng Lit 好，但事實完全唔係咁順利。苦中作樂。 ...

好恐怖下喎！睇黎黎緊一年要落下藥叫阿女唔好選Eng Lit。

piyohk

會計：易，唔使讀，懂左右之分和加減乘除就攪掂。它麻煩之處係資訊係由文字產生，影響數字的值。

中西史：其實唔係想像中咁難，只要記時序、有齊兩邊論點，基本中/英文書寫能力（當然，如果你能將自己變成打印機嘅功能，必然高分），但要寫得快要多。

YolandaTam

中三升中四嘅暑假，好多人會諗住休息，去旅行，不亦樂乎! 但凡夫俗子知道讀 phy chem econ M2 除咗 econ, 其他三科要面對校內以至全港數學尖子，絕不敢掉以輕心，暑假校方 chem, phy, math 都各有禮物，因此年輕人暑假除咗要鞏固已有知識，更要預習新學年課程。加上中文科惡劣始終係隱患，都必須對付。暑假，就喺忙碌中匆匆而過。
點解話佢中文惡劣呢？請睇以下帖
肥中文讀本測驗
https://www.edu-kingdom.com/forum.php?mod=viewthread&tid=3746425

YolandaTam

中四，高中三年生涯開始。好多嘢都唔同咗，教書快，功課多。
年輕人發現原來自己最愛係數學，其次經濟。參
高中選啱科真係好重要
https://www.edu-kingdom.com/forum.php?mod=viewthread&tid=3790328

YolandaTam

physics, 估唔到會成為弱科。老師好鍾意因小小事好惡咁鬧晒全班，大夥兒怨聲載道。次次小測至少3份1人唔合格。年輕人係當中最驚老師嘅一位，因為全校得一位 phy 老師，所以必定係佢監考，呢位老師在場，年輕人緊張到頻頻出錯，終於唔合格。個差距可以係喺屋企計時冇睇書情況下得分 80%， 學校考試得分 25%   。但呢個唔係一時三刻解決到嘅問題，只有自己再用功一點。而家年輕人睇緊三套教科書，再加三套練習，希望停課少見咗呢位老師，加上用功，能慢慢打敗心魔吧！

YolandaTam

咁4科 core 點呢？
佢中文好奇怪:第一次測驗得分 26/30(級1 27/30)， 大考都過得去，老師話級名次 36/178，縱然我好反對佢睇太多網絡小說同陸劇都無辦法話到佢啲咩。但我始終覺得佢呢次係虛火，佢實力唔到呢個名次。但見佢又冇自滿，仍有俾時間平時睇雞精書，都無話可說，惟有拭目以待。
英文，如我所料少咗考文法(佢文法長期唔合格)後名次好咗。我同一般人唔同，認為基本文法係要知，但如果死扭啲 participle clauses, conditional   嗰類，有啲不切實際，對理科人而言更如是。
數學同 LS, 保持平穩。

YolandaTam

社交方面，佢同一齊讀 physics 嘅戰友們埋咗堆，一齊互吐苦水(大家都好挫敗)，加上有幾個 fd 同班，社工認為問題已解決，close case，算係今年最大好消息。

小鹿揀學校

YolandaTam 發表於 20-1-26 16:33
中三升中四嘅暑假，好多人會諗住休息，去旅行，不亦樂乎! 但凡夫俗子知道讀 phy chem econ M2 除咗 econ,  ...

可先買套 YY Lam F456 + 12範文教材 比你女自修，看看可幫到多少..
.
套教材寫得很不錯，自修效果比親身上堂未必差很遠，但可省卻很多無謂交通等待時間呢….
.
樂觀d諗….只要保住3X....，3C+3X+1M 已足以報JUPAS任何一科..中文只要合格便可以，根本無需高分!...

小鹿揀學校

YolandaTam 發表於 20-1-26 18:07
physics, 估唔到會成為弱科。老師好鍾意因小小事好惡咁鬧晒全班，大夥兒怨聲載道。次次小測至少3份1人唔合 ...

我仔反而今次 mid-year physics  考得好，比級一還要高6分，但佢話呢幾分轉頭就在普通話科敗晒了..
.
我仔學校好得意，phy/chem/bio 的 weighting 同 ICT/bible/PTH 竟然一樣，前三科辛辛苦苦得來的分就在後三科輕輕的送走了呢...

小鹿揀學校

YolandaTam 發表於 20-1-26 18:19
社交方面，佢同一齊讀 physics 嘅戰友們埋咗堆，一齊互吐苦水(大家都好挫敗)，加上有幾個 fd 同班，社工認 ...

我仔都有一個學霸群組，佢地認真到呢，在聖誕期間，很多有心同學各自出各科mock卷比其他組員做，又改埋卷比埋分，我仔就係晚晚係度做呢d自製mock 卷，我見d數深到我都唔識做
.
考完試後，佢地又會約埋一齊燒野食，開心到呢…..呢個群組的同學明年揀科後應會group埋在同一班，F4/5/6 都會同班，希望可以成為一世的好朋友....

海之風

小鹿揀學校 發表於 20-1-27 08:52
可先買套 YY Lam F456 + 12範文教材 比你女自修，看看可幫到多少..
.
套教材寫得很不錯，自修效果比親身上 ...

請問YY Lam 的教材在哪裡可買到？Thx.

1998Ruby1998

小鹿揀學校 發表於 20-1-27 09:29
我仔都有一個學霸群組，佢地認真到呢，在聖誕期間，很多有心同學各自出各科mock卷比其他組員做，又改埋卷比 ...

有學霸組好好吖

可惜我以前班學霸，大部份都玩世不恭，一係打機，一係睇電視，一係追星，一係長眠先翁  

October.

1998Ruby1998 發表於 20-1-27 22:35
有學霸組好好吖

可惜我以前班學霸，大部份都玩世不恭，一係打機，一係睇電視，一係追星，一係長眠先翁  : ...

即係學霸各有各玩，自己讀。

Yanamami

October. 發表於 20-1-27 23:34
即係學霸各有各玩，自己讀。

真係恨唔得禁多……不过文科好多老師依書直說又係闷到恰眼瞓。學霸有分“－分都不能少”同“佛系”派，瞓同玩果d其實先真正叻。

小鹿揀學校

海之風 發表於 20-1-27 10:28
請問YY Lam 的教材在哪裡可買到？Thx.

我嗰套是在 小卒論X 直接同剛考完DSE的學生哥買

小鹿揀學校

1998Ruby1998 發表於 20-1-27 22:35
有學霸組好好吖

可惜我以前班學霸，大部份都玩世不恭，一係打機，一係睇電視，一係追星，一係長眠先翁  : ...

成日打機煲劇追星都仍然做到學霸，呢d先最勁，霸中之霸！

October.

Yanamami 發表於 20-1-28 05:42
真係恨唔得禁多……不过文科好多老師依書直說又係闷到恰眼瞓。學霸有分“－分都不能少”同“佛系”派，瞓 ...

我以前中史老師就係揸住本書，對住我地讀，唔知係HEA教定唔識教？反而中文班主任老師見到我地中史考得差，試過用中文堂教我地中史，做埋手勢，做大戲咁，我地睇得好開心，幾十年後，我仲印象深刻記得黃老師，不過，依家咁做越界，應該唔得。

唔洗聽書、唔洗溫書，都考得TOP, 唔止學霸係神級啦，普通人好難既，我仔中四中期考 ECON 98%分，老師俾**佢，大考佢就輕視ECON, 臨考前一日先睇下，成績立刻跌左10分啦，買個教訓，唔係學神就唔懶得。

planetearth

October. 發表於 20-1-28 09:46
我以前中史老師就係揸住本書，對住我地讀，唔知係HEA教定唔識教？反而中文班主任老師見到我地中史考得差， ...

啲學霸 除咗本身叻之外， 可能提早兩年已經學曬 個課程。

Yanamami

planetearth 發表於 20-1-28 12:52
啲學霸 除咗本身叻之外， 可能提早兩年已經學曬 個課程。

又無禁誇……大概係補習(增润)果度老師教得有趣易入腦，果度練習超前学校，禁補完习都識仲洗乜上堂？當然，叫得学霸都唔係浪得虚名，学习能力都係比－般高，有个人之处既~

planetearth

Yanamami 發表於 20-1-28 13:35
又無禁誇……大概係補習(增润)果度老師教得有趣易入腦，果度練習超前学校，禁補完习都識仲洗乜上堂？當然， ...

我仔有同學6年班已完成中數數學課程. 資優生, 加上父母額外教. 學霸. (國內精英). 可能未必科科gam勁, 但有些科可以超前已大把時間剩追其他科.