分享:凡夫俗子在直資女校生存之道

Bluegene

YolandaTam 發表於 21-1-2 22:01
多謝意見。
佢唔係無目標，反而係個目標太高囉我覺得......佢之前心儀 ust qfin, 要兩三科 5** 先入到，仲 ...

大目標可以定，但要分拆成中期及短期目標，先至有可達到的目標，才能激發reward system。打機亦是類似原理，不斷升level，一段然後打boss。

YolandaTam

Bluegene 發表於 21-1-3 12:52
大目標可以定，但要分拆成中期及短期目標，先至有可達到的目標，才能激發reward system。打機亦是類似原理 ...

佢係達成短期目標都失敗
佢短期目標係chem 喺級頭 25% 內企穩，上次考級頭20%，今次跌落中間。

Yanamami

YolandaTam 發表於 21-1-3 13:00
本帖最後由 YolandaTam 於 21-1-3 13:13 編輯

佢係達成短期目標都失敗

目標可唔可以係同讀書無关？所有長中短期目標都集中係學業上，唔怪得咁大压力~

Yanamami

October. 發表於 21-1-3 10:33
佢有啲科話一定要5**其實談何容易？幾萬個考生，得百幾至幾百5**, 出邊天大地大，面對既係全港叻學生，仲 ...

係㗎~出邊天大地大，我大女校內西史同Geog算top, 出到去半粒星都無……反而校內LS得4,就考个**番黎，真係人都癲~

適當压力係要有，压力煲－样，煮野又快又好味，不过开蓋前要記得減压，唔系会爆炸吖~

讀書又好，玩運動好，好咩都好，都應該搏盡無悔｡做到问心無愧足矣，其实結果有好多因素影響，唔一定努力就会有想有既结局｡明知压力过左一个点就必然会影響performance, 所以係－定要面对同控制｡我同女講，人越大只会面对更多排山倒海既压力，係只会不断增多唔会減少，而家佢地既角色只係学生，人生压力相对单－同少，如果而家唔学識減压，点面对將來？如楼上所言，一旦被压力打敗就真係浪費左人生，我身边有三两抑鬱症同学，睇見亦觉得可惜。

gracelam

YolandaTam 發表於 21-1-3 13:00
本帖最後由 YolandaTam 於 21-1-3 13:13 編輯

佢係達成短期目標都失敗

你囡囡間中學級50%可能係人地band 1c中學top10%，而且成績起起落落一定有。

留意佢有冇失眠或M期紊亂。。。

    

MrBeast

popochiny 發表於 20-12-31 23:18
韓劇哲仁皇后
...

剛開始看，so far so good

MrBeast

YolandaTam 發表於 20-12-31 18:08
多謝你。玩樂器係非常好嘅紓緩壓力方法，我幾十歲人屋企都有個數碼鋼琴，苦悶嗰陣彈吓，即使甩甩咳咳，自  ...

早前也有和小朋友面對壓力問題（怕fail), 我分享左自己就做運動，有朋友食野，有些人就飲酒⋯

YolandaTam

gracelam 發表於 21-1-3 17:19
你囡囡間中學級50%可能係人地band 1c中學top10%，而且成績起起落落一定有。

留意佢有冇失眠或M期紊亂。。 ...

多謝提醒。
咁佢又未至於失眠同經期亂，我會繼續留意，如果影響到身體一定捉佢睇醫生。

YolandaTam

Yanamami 發表於 21-1-3 15:10
目標可唔可以係同讀書無关？所有長中短期目標都集中係學業上，唔怪得咁大压力~ ...

多謝意見。
佢真係冇咩嗜好，除咗讀書真係唔知有咩目標可定呀，呢個係我最担心嘅。
嗱大家諗吓，竟然有人：
運動：打唔到波、踩唔到單車、游泳識四式但自小六起游親都病
音樂：唱歌五音不全，視學小提琴為苦差，會聽吓音樂但唔算十分喜歡
藝術：絕對厭惡，只畫到火柴人同勉強畫到理科需要嘅圖；做手工，連剪直線都有難度，無法完成幾十塊嘅砌圖，全無空間感；散光深視力差，一見到密集線條會眼花，曾經嘗試填色冊，結果頭暈
書法：厭惡中國書法，偶然寫吓西洋書法，但又唔算好鍾意
電腦：有啲興趣學 programming 但無時間
電影電視：入戲院睇戲會失眠，萬試萬靈，只能喺屋企睇，偏好古裝劇
美容打扮：全無興趣，覺得麻煩
烹飪：本來有啲興趣，上過家政後全部磨滅
攝影：有興趣，只係覺得拎住部相機周圍去好 kai

YolandaTam

YolandaTam 發表於 21-1-3 18:05
本帖最後由 YolandaTam 於 21-1-3 18:05 編輯

多謝意見。

因此佢平時消閒就係：
睇劇
聽古風音樂
打機（半小時內）
閱讀 （小說、科技雜誌、歷史）

October.

Yanamami 發表於 21-1-3 15:48
係㗎~出邊天大地大，我大女校內西史同Geog算top, 出到去半粒星都無……反而校內LS得4,就考个**番黎，真係 ...

係呀，現代人情緒病多咗，人生唔同階段都有不同既壓力，識得自我減壓卸壓好重要，好多時睇唔睇得開，本身性格都有關系，有人抗壓能力高啲，有啲就較易情緒低落，我家2個就明顯唔同，我就要用唔同方法對待。

Yanamami

短期目標：搵－項兴趣，識多－个朋友｡

睇你描述，大概朋友都無多个，無人可以呻下瘋下噏下……無良好人際關係，点都係唔健康。中学大学工作都做孤獨精咩？点做qfin果行？睇陳sir个仔都要好識同人交流。 呢埋係實驗室自己做研究又或者去鑑證科做死因研究唔洗同人太多交流就差不多~

Yanamami

October. 發表於 21-1-3 18:42
係呀，現代人情緒病多咗，人生唔同階段都有不同既壓力，識得自我減壓卸壓好重要，好多時睇唔睇得開，本身性 ...

唉~我咪又係~細女佛系，大女紧張｡ 成日要洗佢腦……好彩佢男友成熟同淡定，都可以開解同平衡下佢，我都放心尐｡

October.

Yanamami 發表於 21-1-3 18:54
唉~我咪又係~細女佛系，大女紧張｡ 成日要洗佢腦……好彩佢男友成熟同淡定，都可以開解同平衡下佢，我都放 ...

你女有個咁好男友，值得恭喜，好幸運。我女幾個月前失戀，發生咗啲事，好HURT, 好彩我女EQ算高，夠冷靜，失戀真係令人成長，個人直情有啲脫胎換骨，印正了有失有得。

YolandaTam

Yanamami 發表於 21-1-3 18:48
短期目標：搵－項兴趣，識多－个朋友｡

睇你描述，大概朋友都無多个，無人可以呻下瘋下噏下……無良好人際 ...

本帖最後由 YolandaTam 於 21-1-3 19:18 編輯

朋友，咁又有喎。佢今次每考完一科都會同朋友傾，見佢起碼揾過四五個唔同人。
初中嗰陣就差啲，到高中佢算易識人，疫情前都有陪朋友行吓街，但疫情後就前面都有講，佢啲朋友唔太明佢担心啲咩。
佢同 fd 呻過驚炒，人哋咪話：嘩你都驚咁我咪死梗，你話嘞仲點講落去。講講吓人哋以為你晒命咁就弊傢伙啦。
至於 qfin， 我都認為唔啱佢，唔好講到識人嘅問題，單係佢皮膚易過敏，當年做舞台劇搞到爛面，唔太化得妝已經好大問題。

b3410

YolandaTam 發表於 21-1-3 18:05
本帖最後由 YolandaTam 於 21-1-3 18:05 編輯

多謝意見。

我大女都係差唔多，運動音樂藝術樣樣唔掂
宅，情願坐窗口發呆，也不願落公園玩陣。不過，佢喜歡聽歌，機不離耳，有時五音不全唱一陣； 喜歡填色，之前升中呈分試壓力大，就油secret garden果類圖，近視加深好多； 玩diary, 買好多貼紙/膠紙/筆來裝飾；還有就係朋友，有時情緒低落，就會同朋友傾一陣電話，或者chat一陣，大家互相扶持，就好好多。


不過，在家網課時間太耐，也經常情緒不穩，因為網課真係悶d，難專注。佢情願自己睇video/書 自學。開學時間未知，考試會唔會繼續亦係唔知，時間好快過，公開試也越來越近，的確壓力越來越大。

不過佢哋面對的，其他同學一樣要面對，大人也一樣要面對。

年輕人慢慢就會搵到解決的方法，我有信心

Yanamami

October. 發表於 21-1-3 19:07
你女有個咁好男友，值得恭喜，好幸運。我女幾個月前失戀，發生咗啲事，好HURT, 好彩我女EQ算高，夠冷靜， ...

年輕人，呢尐好平常，过程中更瞭解自己，更明白自己喜歡邊类人同咩人夾，都係好事｡

Yanamami

YolandaTam 發表於 21-1-3 19:10
本帖最後由 YolandaTam 於 21-1-3 19:37 編輯

本帖最後由 YolandaTam 於 21-1-3 19:18 編輯

你又講得啱，我細女仲係香港讀中学时最怕听成績好果班係度吹天搶地，佢只会roll her eyes, 觉得洗唔洗呀~無病呻吟。