想轉校，因為而家間IS太hea

macusMM

Hi All,我仔而家間學校極hea，冇考試、冇評估、冇工課(约一星期一樣)、冇project，我仔專注力差，又只得兩、三本書，我唔知佢學到乜，好擔心。
係咪間間IS都係咁？ 有冇好IS介紹？想揀港島區'英制

naomi0829

請問你仔仔讀邊間?
我有興趣俾個女讀

964000

macusMM 發表於 20-1-16 13:49
Hi All,我仔而家間學校極hea，冇考試、冇評估、冇工課(约一星期一樣)、冇project，我仔專注力差，又只得兩 ...

Year幾？Reading level如何？

貝珠

macusMM 發表於 20-1-16 13:49
Hi All,我仔而家間學校極hea，冇考試、冇評估、冇工課(约一星期一樣)、冇project，我仔專注力差，又只得兩 ...

CAIS? 遲啲你就知一d都唔hea , 你試吓問吓高d年級

細佬Bebe

讀一條龍既國際學校 大學前都無升學壓力 何不俾小朋友過10年8年好日子？

除左學術外 生活好多美好既事都需要時間去培養

Moonlight819

ESF小學無功課添喎！

ddbb0099

Moonlight819 發表於 20-1-16 17:07
ESF小學無功課添喎！

你是那間ESF 的用家？

Radiomama

macusMM 發表於 20-1-16 13:49
Hi All,我仔而家間學校極hea，冇考試、冇評估、冇工課(约一星期一樣)、冇project，我仔專注力差，又只得兩 ...

其實當初點解讀國際學校呢？
小學階段無考試、無功課、無textbooks是正常喎，他們的學習都是在學校發生，課堂上也有持續評核，入學前沒有攪清楚？
課外閱讀要家長配合，多去圖書館和書店，掌握閲讀能力後，小孩蛀書速度可以好驚人。（當然你不可以放任他們用手機啦！）

dem0cracy

我仔學校初小冇考試,，冇功課(有reader及建議home learning activities)，project在學校做…但我一啲都唔覺得hea喎…佢哋喺學校好充實的，唔駛做功課都可以學到好多嘢。

你肯定學校冇評估？冇評估點出report? 一般IS都有評估，係on-going嘅，學生唔覺自己被評估咗。

咖央西多

macusMM 發表於 20-1-16 13:49
Hi All,我仔而家間學校極hea，冇考試、冇評估、冇工課(约一星期一樣)、冇project，我仔專注力差，又只得兩 ...

IS小學冇功課冇考試好正常，佢鼓勵你睇多啲書，睇書冇得教冇得迫。
對學生個評估年尾有番個report俾你，平時一直做緊assessment 亦唔會講俾家長聽。
如果係追求功課考試的，番LS適合啲。

meimeimandy

Moonlight819 發表於 20-1-16 17:07
ESF小學無功課添喎！

Yes我呢個懶媽樂得清閒

Jane1983

唔知你小朋友讀邊間，但只要學校有認真教學，初小放學後無乜功課project、無考試的負累，多d時間睇喜愛的課外書、玩mutliple sports，多d空間思考，係好事。

但如果小朋友課餘係零閱讀，完全無做任何有建設性的活動，連運動或樂器都唔玩，咁確係浪費時間。會唔會讀local school，有大量功課測考逼住佢，好過全hea，咁係另一個話題。

meimeimandy

其實我又唔覺得好hea
3點放學有時我會安排d興趣班、中文班比佢學，又或者同同學play date, 之後讀下學校借嘅story book, 放下空或者揀下自己中意嘅野玩，沖涼食飯都差不多
學校寧願學生早d訓
冇考試冇功課冇課本都正常，冇assessment就怪d

964000

meimeimandy 發表於 20-1-16 20:26
其實我又唔覺得好hea
3點放學有時我會安排d興趣班、中文班比佢學，又或者同同學play date, 之後讀下學校借 ...

Agree, 唔hea, 我女1:30-3:30放（視乎參加1定2個課外活動），番短日放學後會上中文學琴游水或play dates, 回家都4點幾，番長日怕累都不再安排活動了，回家讀reader練琴（有時）做下自己野轉眼巳6pm都差唔多吃飯，之後沖涼看下書砌下lego聽下音樂8pm都準備要睡了。有時想自己教下野都冇時間。
其實我都唔明local school成4pm才回家，那麼累還要做功課溫書補習練琴是如何進行，很多都少運動和太遲睡。

meimeimandy

964000 發表於 20-1-17 07:12
Agree, 唔hea, 我女1:30-3:30放（視乎參加1定2個課外活動），番短日放學後會上中文學琴游水或play dates,  ...

每日密密麻麻嘅時間表吧，一項接一項
繁忙兒童嘛
其實小朋友同照顧者都應該好攰

djbrianng

回覆 macusMM 的帖子

  國際學校小學係無咩功課帶返屋企，有多數都係課堂做！平時多數都係鼓勵D小朋友閱讀課外書，當佢地掌握了呢個習慣，知識就會累積得好快，唔使擔心！！

bluepand

放學返到屋企都近四點, 食下午茶睇下電視跟住通常會去公園玩下, 每日都會睇一本學校借返嚟嘅書, 食完晚飯同洗澡都差唔多到瞓覺時間

基本上一星期一樣功課好快做完,我就覺得幾好, 初小唔想佢咁大壓力,有時間玩下輕鬆下,放假都只係會去玩, 當然間中亦會有參加一啲興趣班例如彈琴打波

聽到朋友話本地學校已經日日幾樣功課每星期默書,又要溫習考試,聽到都怕怕,又有朋友小朋友讀緊嘅國際學校同一程度每日一兩樣功課,我就覺得太多

其實少功課唔代表冇學嘢,成日突然聽到我小朋友講啲嘢就發覺點解佢原來識咗咁多嘢

964000

其實你想知佢學唔學到野，睇佢library借甚麼書，空閒塗鴉時寫甚麼，買野格價識唔識，你有跟他一起生活就會驚覺他已懂了很多。我女很喜歡告訴她學了甚麼，每周又有網上滙報和照片。
但如果小朋友上堂日日發呆不留心，老師又「非常包容」，回家只顧打機看電視冇人理，hea足六年就
不過咁去到local school都係被迫外判日日去補習。

nunupipi

樓主唔適應國際學校模式，咁小朋友呢？覺得學習應以小朋友為主導