傳統津小一

chowyikwan

仔仔剛派發了小一的成績表，平時分89. 竟然全班只考第二十二名。

每個學生都考得好好，仔仔又唔喜歡讀書，真係驚佢考唔到好中學！

1998Ruby1998

小一上學期個個分數都好緊，我嗰陣平均分又係 9 字，一班 33 人考剛剛好中間。見家長望到呢個排名差啲嚇親，班主任即刻安慰，小一啲分數係咁上下。

結果二年級 9 字，全班考第 4。四年級差啲 9 字，又係第 4。

放鬆啲，依家先 P1，男仔一般未咁快開竅同發力。

Dordormummum

點解你地小朋友個個咁高分？我女勁低分wor........... 你地d卷好淺？
點算！我地有排先派成績表

小曳人

間間學校嘅玩法都唔同，又唔駛太緊張，讀書唔係同人比較，做好自己本份就好

我細仔成績都唔好睇，但其實佢係識嘅，但學校份份卷都玩鬥快，佢係手腦慢嗰d，只要俾多10分鐘佢，好大機會有90分，我慢慢睇化咗....

建議多了解孩子嘅長處同弱項，多加鼓勵同幫助

1998Ruby1998

回覆 Dordormummum 的帖子

分數都其次，最重要排名。
識一間女私小，高小有 7、8 字，肯定排頭 50% 內，另一間女私小，高小平均分 8 字，排 70% 後。

Dordormummum

1998Ruby1998 發表於 20-1-14 19:57
回覆 Dordormummum 的帖子

分數都其次，最重要排名。

都係既
我小朋友間學校 3月先派成績表
會唔會太遲喇

ToMing123

初小階段我覺得分數同排名唔係最重要，而係睇下佢既失分位同對課程理解情況，調整温習方法同考試技巧。

Cheeselover

ToMing123 發表於 20-1-15 00:01
初小階段我覺得分數同排名唔係最重要，而係睇下佢既失分位同對課程理解情況，調整温習方法同考試技巧。 ...

這個最重要，小一還未見真章，有些大B確比小B有優勢，上到高小又是另一層次。對小一，老師鬆手是正常，不會一開始就＂打殘＂小朋友信心。
觀察小朋友的學習進度和心態比觀察分數更重要，我不擔心分數多少，更重要是小朋友對學習的熱誠。

1998Ruby1998

Dordormummum 發表於 20-1-14 22:16
都係既
我小朋友間學校 3月先派成績表
會唔會太遲喇

小一未咁快見真章，一來好多遲開竅，二來冇乜野考，仲未計啲食穀種、大細 B。

到三四年級開始見到啲真正成績，但講真章，真係中學先知。

一生流長。宜家養好閱讀習慣，最低限度每個月底略略重溫已教課題，做一兩版練習，咁考試會輕鬆好多。

LittleCS

chowyikwan 發表於 20-1-13 20:23
仔仔剛派發了小一的成績表，平時分89. 竟然全班只考第二十二名。

每個學生都考得好好，仔仔又唔喜歡讀書， ...

依家先小一，仲有大把時間追。
留意邊啲科目失分多，針對性改善，下次一定有9字頭

PTL_L

非常認同小一未見真章，阿細讀英私小小一學期尾考試，最差一科都9字，諗住坐定粒六攞top ten,平均分都9字，點知係班16-20(40人一班）

今年小三，分數比小一小二都低，但級可跳升20名，班都快到top ten,所以睇化左喇，愈高年級先愈見真章，最緊要保持學習的動機，唔好起低年級谷太盡，到高年級就會乏力架喇。

Liverpooool

IloveJJ 發表於 20-1-15 14:19
我覺得要視乎失分/低分係咩原因？
如果係未熟悉考試模式，未夠仔細，呢啲原因唔需要咁擔心，因為初小成績其 ...

想請教一下 專注力 多做啲乜嘢可改善 感激不盡