St Josep 定 軒小？仔，有妹妹

Jan1108

黎緊要填表大抽獎，仔，活躍，鐘意英文 ，中文寫字認字差。有妹妹跟，唔知應該填st Jo 定軒小第一好？st Jo 男校係唔係應該易中過軒小？但軒小抽中妹妹就唔駛煩。請問大家會點揀？

TandE

我會揀軒小，因為有個妹

Jan1108

St Jo冇超收，有75個位，軒小超收8個得番54個位，咁係咪ST jo 易抽啲？定其實好多人都揀ST jo, 軒小易抽啲？

SCK824

抽獎講運氣，要中就一定中，我會選軒小

mcl203

抽中軒小可以唔使煩妹妺，抽中SJ可以唔使煩中學。若成績欠理想就兩間將來都係一樣～～～

b3410

我同事係仔女分開，仔抽St. Jo, 女抽marymount, 都中
好過軒小兩個都要保持fighting mode

chelsea_ying

b3410 發表於 20-1-8 19:54
我同事係仔女分開，仔抽St. Jo, 女抽marymount, 都中
好過軒小兩個都要保持fighting mode ...

你同事屋企風水可能極好

b3410

chelsea_ying 發表於 20-1-8 19:57
你同事屋企風水可能極好

轉工，搬屋，孟母三遷。付出的都唔少。
目標明確，也有考直私back up, 唔係等運到咁簡單。

aptcan

軒小

Happyhappy@

如果沒有男女校顧慮，又應該點揀？

1998Ruby1998

我會分開，仔仔搏 St Jo，唔中就試下叩軒小，我諗叩軒小點都容易過叩 St Jo。萬一抽唔中軒小，又係要叩軒小，到時候又係煩。

阿妹如果考到 back up 就盡搏 Marymount/跑馬地 St Paul，唔得又想保守嘅就寶血乙一。

雲牛

搏 St Joe, 單性學校會易中過男女校；妹再抽三女校,只要唔抽Marymount, 另外兩間中獎率都不是低。

momocccmomo

樓主自行揀邊間

Jan1108

回覆 b3410 的帖子

真係最理想，2個都抽到好學校。"好過軒小兩個都要保持fighting mode"--》點解？

Jan1108

回覆 Happyhappy@ 的帖子

我諗我會揀st jo, 因為英文學校。但有聽過st jo都谷，有冇人知軒小其實係咪同st jo差唔多深？邊間運動多D？

mcl203

Jan1108 發表於 20-1-8 23:59
回覆 Happyhappy@ 的帖子

我諗我會揀st jo, 因為英文學校。但有聽過st jo都谷，有冇人知軒小其實係咪同st  ...

軒小唔係重視體藝嘅小學～～～

1998Ruby1998

回覆 Jan1108 的帖子

好過軒小兩個都要保持fighting mode-》冇中學部。雖然男仔有 QC，女仔有 BPS，但三間小學（加埋愛官） QC 聯繫位得 16 個，QC 自行大把 1A 成績+特異功能仔仔爭住入 QC。冇人知 QC 會唔會用自行位收軒小仔仔，但企係 QC 立場，軒小仔仔幾乎都係個個想乙一 QC，所以自行唔收，大抽獎亦會見面。
軒灣今年 132 人，79 個男仔 53 個女仔，得 23 入 QC，12 個 BPS，軒銅 130 人，84 個男仔，46 個女仔，得 27 QC、7 個 BPS。兩間軒小考估 Band 1 率都係 50% 左右，想入呢兩間官中，除左成績，仲要考彩。St Jo 仔仔，一級 150-160，直屬 99 個位，考頭 80 名都幾乎係穩入唔洗煩。QC 同 St Jo 都係數一數二嘅 top 男校，但軒小要考入 QC，難度一定大過 St Jo 直屬位。呈分應該係男女同一條隊，女仔通常小學時期讀書比較容易排得前，男仔會吃虧啲啲（當然亦有男仔突然開竅）。

呈分好難唔谷，不論係直屬定聯繫。傳統名校好多時都係家長谷過學校自身。我覺得 St Jo 未呈分之前都 OK，唔算谷。軒小唔知。始終 St Jo 只係得 99 個位，每年上到中學部嘅人唔過 120，唔入 St Jo 就唔知飛左去邊間，尤其灣仔冇 Band 2 英中，啲家長更加緊張。

上面樓主講埋 Marymount，MPS 都係傳統學校裡面比較輕鬆嘅一批，上中學率應該同 St Jo 差唔多，都係 7 成。咁 QC、St Jo、BPS、MSS 都係 1A 校，校中龍鳳，直屬校只要肯定自己係 Band 1，就一定入返。QC 同 BPS 仲要睇抽獎 number，所以咪話軒小更需要 fighting mode。

hkpapa852

Jan1108 發表於 20-1-8 17:17
黎緊要填表大抽獎，仔，活躍，鐘意英文 ，中文寫字認字差。有妹妹跟，唔知應該填st Jo 定軒小第一好？st Jo ...

中文唔得去官校會好辛苦。
不過如果入到SJCPS，中文唔靠自己努力改善，快則6年後知死，遲則12年後會懊悔不已。

b3410

hkpapa852 發表於 20-1-9 08:17
中文唔得去官校會好辛苦。
不過如果入到SJCPS，中文唔靠自己努力改善，快則6年後知死，遲則12年後會懊悔不 ...

Marymount 一樣，所以無論讀中小還是英小，都要中英一樣重視，只不過一個學校可以幫大部分，另一個靠自己。

b3410

1998Ruby1998 發表於 20-1-9 01:04
回覆 Jan1108 的帖子

好過軒小兩個都要保持fighting mode-》冇中學部。雖然男仔有 QC，女仔有 BPS，但三間 ...

所以分開抽，中一個，都煩少一半。灣仔小學校網已經叫做好好，可以進取D。