用戶登入
用戶名稱:
密      碼:
搜索
教育王國 討論區 小學雜談 對老師的疑惑
查看: 1934|回覆: 25
go

對老師的疑惑

Rank: 4


784
發表於 20-1-4 13:32 |顯示全部帖子

最近我小孩喺學校發生左d事,老師嘅處理手法令我好懷疑,覺得好唔妥。



事件係小孩因為一啲事被學校記缺點,佢操行一向A或B,我地家長經過了解後認為係無心之失,而校方堅持小孩係蓄意貪玩所致。感覺上,無論家長點樣解釋,校方嘅所有決定係冇得改變,校方一定會覺得父母係偏幫小孩。

不過呢個唔係令我最唔舒服嘅地方,最覺得有懷疑係一位訓導主任如何令孩子「招認」自己貪玩嘅手法。


小朋友發生左犯錯事件之後幾天,嗰位訓導主任叫佢寫悔過書之類去交代事情,過程中只有佢同訓導主任。而我小孩因為由此至終都覺得係因為自己「唔小心」所致而犯錯(其實佢只係一位小五生,佢所講嘅「唔小心」我理解係「無心之失/誤以為」),但主任堅持話佢唔應該寫唔小心,仲講「我有好多張草稿紙,可以等你寫到啱為止」,於是我小朋友意會到「唔係唔小心」即係「故意」,而且覺得如果唔寫「故意」就冇得離開,於是佢就寫「故意」。之後,嗰位主任就打電話俾我話我小朋友已經承認貪玩。



因為「承認貪玩」呢個過程令我地好有懷疑,想確認小孩所講嘅係咪事實,於是幾天後同呢位主任面談。當我叫我小孩再講一次招認過程時,小孩講到一半已被主任大聲質問「事實唔係咁喎,你諗清楚先講」,之後我小孩冇再繼續講,事後佢話驚再繼續講會再受罰,所以冇繼續講落去。




呢位主任嘅處理方式唔能夠令我地信服。其實事件已經過了幾星期,昨晚我小朋友無端端再講起呢件事,語氣顯得無奈同唔開心,令我耿耿于懷。都小五了,係咪應該淡化件事就算?想聽聽大家意見。

Rank: 5Rank: 5


2881
發表於 20-1-4 15:47 |顯示全部帖子
回覆 joeywylo 的帖子

想了解你孩子犯了什麼事而記缺點呢?這才清楚知事情始未。

Rank: 4


784
發表於 20-1-4 19:07 |顯示全部帖子
回覆 dreambutterfly 的帖子

電腦quiz 時,佢話顧住同同學傾計,冇聽到老師指示而誤將其他同學响share folder嘅進評cut and paste落自己部電腦,但係老師覺得佢係故意貪玩做呢樣野,而且老師問邊個郁過d files時,佢冇承認。我小孩解釋以為嗰個folder入面有其人嘅files係唔啱,所以cut and paste放入另外個folder。因為佢顧住傾計冇聽老師指示,佢唔知咁做係錯,所以佢冇即時向老師承認,寫悔過書時都寫自己唔小心做錯。

Rank: 5Rank: 5


1531
發表於 20-1-4 19:31 |顯示全部帖子
聽落咁小嘅問題都要記缺點, 又要寫悔過書,感覺學校罰得有點過份。 小朋友冇即時承認移動 file 係唔啱,但訓導主任迫人認故意咁做又不合理。 之不過你都話學校堅持唔聽你解釋,除非你轉校,如果唔係都冇嘢可以做到。

Rank: 4


582
發表於 20-1-4 19:44 |顯示全部帖子
joeywylo 發表於 20-1-4 19:07
回覆 dreambutterfly 的帖子

電腦quiz 時,佢話顧住同同學傾計,冇聽到老師指示而誤將其他同學响share fol ...

是否仲有前因或其他原因,聽落不是很大件事,電腦科不用呈分吧。孩子有咩動機有心犯錯先?

會否是不得人尊重,孩子才不尊心上堂,而他想有效控制班房的秩序,所以才有這過敏的行為?

請問知唔知他做咗訓導主任有幾耐時間啊?

Rank: 9Rank: 9Rank: 9


23505
發表於 20-1-4 20:33 |顯示全部帖子
通常5,6年級就要呈分,學校記缺點會比較謹慎,是否主任覺得事件好嚴重,先要記缺點?

Rank: 4


784
發表於 20-1-4 21:05 |顯示全部帖子
回覆 vin105 的帖子

老師話唔理佢咩動機,總之郁動過d quiz files就算係違反測考規則,而且影響全班,又冇承認錯誤,認為佢冇誠信,所以要記。
唔太清楚電腦老師為人,上次面談只覺得佢好固執,完全唔接受學生解釋。

訓導主任好似升左呢個位兩丶三年。

Rank: 4


784
發表於 20-1-4 21:08 |顯示全部帖子
回覆 b3410 的帖子

老師話涉及違反測考規則,所以算嚴重。

Rank: 5Rank: 5


2881
發表於 20-1-4 21:08 |顯示全部帖子
本帖最後由 dreambutterfly 於 20-1-4 21:12 編輯

回覆 joeywylo 的帖子

關鍵可能在於這是"Quiz" 1)應當態度認真 只顧住傾計已是十分奇怪現象...亦十分不尊重老師。
2)孩子所造的行為 會否涉及到其他同學成績/公平???

3)孩子的行為非故意並未做到的 且涉及多個步驟才可做到

4)可能老師希望比ㄧ個教訓他。 就是因為五年級快將呈分; 如果考試時又話唔小心 "作弊" 到時仲大件事。
而測驗和考試態度也應當認真 不論什麼科目。







Rank: 4


784
發表於 20-1-4 21:11 |顯示全部帖子
回覆 yaijing 的帖子

如果唔係要呈分試,我地會同佢轉校。轉校怕佢有適應問題會影響到成績。

Rank: 4


784
發表於 20-1-4 21:20 |顯示全部帖子
回覆 dreambutterfly 的帖子

係呀,老師話要俾個教訓佢,呢個教訓真係大。
不幸中的大幸係個缺點唔會印响成績表,但宜家擔心佢嘅操行分會點。

Rank: 9Rank: 9Rank: 9


23505
發表於 20-1-4 21:24 |顯示全部帖子
joeywylo 發表於 20-1-4 21:08
回覆 b3410 的帖子

老師話涉及違反測考規則,所以算嚴重。
如果涉及到測考規則,的確比較緊要,應該都好難改變學校的決定。既然也無法轉校,不如儘快放低,專注于學業。

Rank: 5Rank: 5


2881
發表於 20-1-4 21:25 |顯示全部帖子
本帖最後由 dreambutterfly 於 20-1-4 21:50 編輯

回覆 joeywylo 的帖子

相信老師也不會希望學生派到不理學校的。小五成績表 升中自行須看的。但如孩子只是ㄧ次犯事 老師操行不會評得太差的, 且還可下學期再努力進步改變老師對他的印象。

Rank: 9Rank: 9Rank: 9


23505
發表於 20-1-4 21:26 |顯示全部帖子
joeywylo 發表於 20-1-4 21:20
回覆 dreambutterfly 的帖子

係呀,老師話要俾個教訓佢,呢個教訓真係大。
唔寫入成績表就唔使太擔心。儘快調整好心態,努力考好呈分試。

Rank: 4


784
發表於 20-1-4 22:16 |顯示全部帖子
多謝大家嘅意見同鼓勵!呢件事實在令我好困擾和勞累,希望我可以儘快調整好心態。
訓導組老師會有份俾操行分,希望真的唔會評得太差。

Rank: 6Rank: 6


6750
發表於 20-1-4 22:40 |顯示全部帖子
joeywylo 發表於 20-1-4 21:05
回覆 vin105 的帖子

老師話唔理佢咩動機,總之郁動過d quiz files就算係違反測考規則,而且影響全班,又冇 ...
我認為老師呢個講法好粗疏,首先做教育呢行可以唔講動機???下?!



記缺點,原則上唔係你話記就記,一定有校規可依. 我引述番你所講既罪名,包括:
1) 郁動過d quiz files
2) 違反測考規則
3) (所產生的結果)影響全班
4) 冇承認錯誤
5) 冇誠信


以上有邊一條罪係有校規可依,可以記學生缺點? 如果冇,就係情緒化去處理事情,將成堆野炒埋一碟講到件事天跌落黎咁大件事.


PS:不過如果訓導主任改控不誠實取用電腦罪,哦~咁就大獲了!所以都係算數啦.

Rank: 6Rank: 6


5124
發表於 20-1-5 15:49 |顯示全部帖子
本帖最後由 haihaimom 於 20-1-5 15:57 編輯

回覆 joeywylo 的帖子

我覺得老師做事好粗疏大意,有乜理由唔畀得學生睇嘅files, 可以喺 share folder入面隨便畀學生搞到,其實都幾不可接受。但學生話掛住傾計唔知道....................亦都講唔過去,因為事後老師有問,但同學冇招認,因為唔小心呢個解釋,十個小朋友十個都會咁講,對老師嚟講係冇乜說服力。對小朋友嚟講係一個好好嘅教訓。就等如你掛住傾偈,買嘢唔記得畀錢就會當你高買。如果中學大學先發生,後果更嚴重。當然小五操行會影響升中,大家都唔想,我都明白家長嘅心情,我會同學校反映  1. 嗰啲files唔應該畀小朋友搞到
2. 小朋友有唔啱,要改過,家長會配合
3. 有冇補償嘅機會可以做,畀佢改過
4. 坦白同老師講擔心影響佢升中



Rank: 4


634
發表於 20-1-5 16:30 |顯示全部帖子
記隱形缺點就算啦,無謂得罪老師,小三小六尼兩年好關鍵,唔好搞對抗。你小朋友都真係有做錯,佢對住你實係講唔小心架,始終你唔在場,好難判斷。

Rank: 11Rank: 11Rank: 11Rank: 11


42955
發表於 20-1-5 18:31 |顯示全部帖子
既然學校擺明唔會改變決定,樓主又諗住唔會轉校,咁就好好收拾心情,考好呈分試閃人。

記隱形缺點算係不幸中之大幸。千祈唔好比呢件事拖到無心機讀書。

Rank: 5Rank: 5


2015
發表於 20-1-5 22:03 |顯示全部帖子
haihaimom 發表於 20-1-5 15:49
回覆 joeywylo 的帖子

我覺得老師做事好粗疏大意,有乜理由唔畀得學生睇嘅files, 可以喺 share folder入面 ...

跟據樓主描述,應該係電腦科quiz完要將自己個quiz file放入老師個folder當交卷,佢小朋友交file見到有其他同學嘅files 係個folder度,就將其他files move 咗去自己電腦,老師開folder見唔啱數但個個學生都話交咗就發覺可疑,問又無人認有郁過files, 結果查岀啲files係佢小朋友個電腦度,所以記缺點。

老師同小朋友對“故意”嘅理解有好大分別,如果將“故意”轉為“主動”會比較易理解。老師認為小朋友係“主動”搬走同學files, 慶幸無影響測驗成積,所以記缺點了事。小朋友認為佢無“主動”去改變測驗成積,只係“唔小心”搬走files而被記缺點,所以心中憤憤不平。

樓主應該要小朋友明白雖然佢非要改變測驗成積而去搬走files,但呢種唔遵守考試規則行為的確可以引致嚴重後過,例如考DSE唔記得熄電話,可以取消該科成積一樣,記缺點算係小懲大誡,當買個教訓。
你需要登錄後才可以回帖 登錄 | 註冊